Nabe Samuel 15:3 - Quiché Bible

³ Rumal ri', jät chabana' c'ax chque; chasachisaj qui wäch junam cuc' conojel ri jastak quech, matok'obisaj qui wäch. Chebacämisaj achijab xukuje' ixokib, ac'alab pune' c'äte xil qui wäch, ama'ib tak wacax, chij tak, cameyib tak xukuje' ati'tab tak bur.’ ”

Nabe Samuel 15:3 ပူးပေါင်းရင်းမြစ်များ

Chapletajic 36:12

Ri Elipaz xc'oji' jun ixok ruc', ri man kas ta rixokil, Timna u bi', ri are' xralaj jun u c'ojol ri xcoj Amalec che u bi'. E are tak wa' ri e rija'lil ri Ada jun chque ri rixokil ri Esau.

Ucab Samuel 1:8

Xuta' c'u chwe jachin ri in xinbij che chi in aj amalec.

Elem 17:14

Ri Ajawaxel xubij che ri Moises: “Chatz'ibaj wa' pa jun wuj che natabal, chabij che ri Josue chi quinchup na ri u nataxic ri qui bi' ri aj amalesib.”

Elem 20:5

Mamej awib chquiwäch mawi mebaya' k'ijilanic chque, rumal rech chi in ri' ri Ajawaxel ri a Dios, Dios achixomanel ri cuc'äjisaj qui wäch ri etzelal ri caquiban ri tataxelab, pa ri qui wi' ri calc'ual, ri qui' tak qui mam xukuje' xiquin tak qui mam ri caquetzelaj nu wäch;

Ajilanic 24:20

Xril c'u apanok ri Balaam ri Amalec, xuya' c'u u bixic ri cac'ulmataj na: “Ri Amalec are jun nim tinimit ri nim u banic, xa c'u kas casachisax na u wäch.”

Ajilanic 31:17

Kas camic chebicämisaj ri alaj tak alabom xukuje' conojel ri ixokib ri man e k'apojib taj.

Ri Josue 10:39

xquicämisaj ri rajawinel ruc' ch'ich' re ch'o'j xukuje' tak ri winak ri e c'o che u c'ulja tak ri tinimit. Mawi ta c'u ne xa ta jun aj Debir xc'asi' ta canok; conojel xsachisax qui wäch, jacha' ri xquiban che ri Hebron ri Libna xukuje' tak ri cajawinelab.

Nabe Samuel 14:48

Xebumulij ajch'ojab, xbe c'u che u ch'äquic ri Amalec, xucol c'ut ri Israel pa qui k'ab tak ri eläk'omab.

Nabe Samuel 15:18

Je c'u ri', we are' ri Ajawaxel xattakow bic xuya' bic takanic chawe chi casachisaj qui wäch ri ajmaquib tak aj amalesib, xukuje' che qui banic c'ax chque c'ä caq'uis na tzij paquiwi'.

Nabe Samuel 15:9

Are' c'u ri Saul xukuje' ri e rajch'ojab xquic'asba' can ri Agag, man c'u xequicämisaj taj ri chij ri sibalaj e je'l na, mawi ri ama'ib tak wacax, mawi ri alaj ama'ib tak wacax ri sibalaj e chak' na, mawi ri ama'ib tak chij, mawi xquisachisaj qui wäch ri jastak ri pakal cajil, pune' c'u ne xquisachisaj qui wäch conojel ri man e c'o ta qui patan ri man pakal ta cajil.

Nabe Samuel 22:19

Xoc c'u pa Nob, qui tinimit ri e cojol tabal tok'ob, ruc' ch'ich' re ch'o'j xebucämisaj achijab, ixokib, ac'alab xukuje' ne'ab ri c'äte xil qui wäch. Xukuje' xebucämisaj wacax, bur xukuje' tak chij.

Nabe Samuel 27:9

Quebuch'äc c'ut ri winak ri e c'o pa ri ulew ri' conojel quebucämisaj chi achijab chi ixokib. Quebuc'am c'u ne bic ri chij, ri wacax, ri bur, ri camey xukuje' c'u ne tak ri atz'iak. Copan c'u ruc' ri Aquix,

Nabe Samuel 30:17

Xuwi c'u xopan ri David ak'ab xuchaplej qui cämisaxic c'a xkaj na ri k'ij, conojel c'ut xebucämisaj, xuwi xeto'taj ri quiejeb sient (400) alabom ri xequiejen tak chquij camey xecuinic xebanimajic.