Nabe Samuel 15:24 - Quiché Bible

²⁴ Xubij c'u ri Saul che ri Samuel: “Je' in macuninak, man xinban taj ri u takanic ri Ajawaxel xukuje' tak ri u pixbenic ri xbij la chwe, xinxe'j wib chquiwäch ri winak, are xinnimaj ri xquibij chwe.

Nabe Samuel 15:24 ပူးပေါင်းရင်းမြစ်များ

Chapletajic 3:12

Ri achi xubij che ri Dios: “Ri ixok ri xya' la chwe che wachil are xyo'w ri u wäch ri che' chwe, xintij c'ut.”

Chapletajic 3:17

Xubij c'u che ri achi: “Rumal rech xanimaj u tzij ri awixokil, xatij c'u u wäch ri che' ri xinbij chawe chi man catij taj, camic ri ulew cäcanaj chuxe' c'okonic u mac awech; ruc' c'axalaj chac cäban na chi cuq'uiyisaj ri catijo pa ronojel ri a c'aslemal.

Ucab Samuel 12:13

Ri David xucoj rib chupam ri u mac chuwäch ri Natan. “In macuninak chuwäch ri Ajawaxel.” Xutzelej c'u u bixic ri Natan che: “Ri Ajawaxel man cuc'äjisaj ta wäch la che ri mac la ri bano la, man quecäm ta c'u na la.

Ri Job 31:34

rumal ta xe'n ib chquiwäch ri winak. Mawi jumul nu tz'apim ta wib xak ta c'u in canajinak pa yinelem rumal xe'n ib chi quetzelex nu wäch cumal tak ri alaxic.

Salmib 51:4

Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.

Elem 10:16

Ri ajawinel aninak xutak u siq'uixic ri Moises rachil ri Aaron, xubij chque: “In macuninak chuwäch ri Ajawaxel ri i Dios xukuje' chiwäch ix,

Elem 23:2

Maban awech ri etzelal ri cäquiban ri tinimit winak. Macoj awib cuc' ri tinimit winak cho ri k'atal tzij, che u banic jun etzelal,

Elem 9:27

Ri ajawinel xusiq'uij ri Moises xukuje' ri Aaron, xubij chque: “Quinch'obo chi in macuninak. In wa' in ajchak'mac xukuje' ri nu tinimit, man are ta ri Ajawaxel.

E C'ambal tak Tzij 29:25

Ri xe'n ib chquiwäch ri winak are jun c'amibal, are' c'u ri cujiquiba' u c'u'x chrij ri Ajawaxel chajitalic.

Ri Jeremiy 38:5

Ri ajawinel Sedequiy xutzelej u bixic chque: “Utz ri', chibana' ba' che ri Jeremiy jas ri qui waj. In man c'o ta jas quincuin che u banic che i k'atexic.”

Ajilanic 22:34

Ri Balaam xutzelej u bixic che ri u tako'n ri Ajawaxel: “In macuninak, man weta'm ta c'ut chi lal c'o chi', che u tz'apixic ri be. We quil la chi itzel ri nu bic, quintzelej na.”

Ri Matey 27:4

Xubij: “C'o ri nu mac. Xinjach jun achi rech cäcämisaxic, ri man c'o ta u mac.” Ri e are c'ut xquibij: “¿Jas ke uj che? ¡At chatilowok!”

Gálatas 1:10

Ri in man quintzucuj ta ri utz wilic cumal ri winak, xane' are ri utz wilic rumal ri Dios. ¡We ta c'ä are quinban ri cakaj chquiwäch ri winak, ma ta in u lok'om pataninel chi ri' ri Crist!

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Nabe Samuel 15:15

“E c'amom ulok pa Amalec,” xcha' ri Saul, “rumal rech chi ri winak man xequicämisaj taj ri je'licalaj tak chij xukuje' ri je'licalaj tak ama'ib tak wacax che qui chi'xic che tabal tak tok'ob che ri Ajawaxel ri Dios la. Ka sachom c'u qui wäch conojel ri niq'uiaj chic.”

Nabe Samuel 15:30

“Ri in, in macuninak,” xcha' ri Saul. “Quintz'onoj jun tok'ob che la chi chquiwäch ri nimak tak tatayib ri e c'o pa Israel xukuje' chuwäch ronojel ri tinimit takej la u ya'ic nu k'ij jacha' ajawinel. Chtzelej ba la wuc' che u k'ijilaxic ri Ajawaxel ri Dios la.”

Nabe Samuel 15:9

Are' c'u ri Saul xukuje' ri e rajch'ojab xquic'asba' can ri Agag, man c'u xequicämisaj taj ri chij ri sibalaj e je'l na, mawi ri ama'ib tak wacax, mawi ri alaj ama'ib tak wacax ri sibalaj e chak' na, mawi ri ama'ib tak chij, mawi xquisachisaj qui wäch ri jastak ri pakal cajil, pune' c'u ne xquisachisaj qui wäch conojel ri man e c'o ta qui patan ri man pakal ta cajil.

Nabe Samuel 2:29

¿Jas che man nim ta quebiwil wi ri tabal tak tok'ob xukuje' tak ri sipanic ri nu yo'm takanic chi quebanic? ¿Jasche are nim quebawil ri a c'ojol chnuwäch in, cätajin quebak'obisaj ruc' ri quitijic conojel ri qui sipanic ri e utz na ri quequiya' ri aj israelib ri nu tinimit?

Nabe Samuel 26:21

Xubij c'u ri Saul: “¡David nu c'ojol quinch'obo chi in macuninak! ¡In uxinak jacha' jun con, nu banom jun nimalaj sachinakil! Chatzelej ba' man quintzucuj ta chi u banic c'ax chawe, a c'utum c'ut pa we k'ij camic chi nim cawil wi ri nu c'aslemal.”