Nabe Samuel 15:23 - Quiché Bible

²³ Sibalaj cämacun ri man cäniman ta che jacha' ri cuban ch'obonic; cäjunamataj ruc' ri quebuk'ijilaj tak diosib, are je u banic wa' ri man cäniman ta che. Rumal c'u rech chi e apakchi'm ri e u takanic are c'u ri are at u pakchi'm jacha' ajawinel.”

Nabe Samuel 15:23 ပူးပေါင်းရင်းမြစ်များ

Chapletajic 31:19

Benak c'u can ri Laban che u socaxic quij ri u chij ri e c'o naj, ri Raquel xereläk'aj bic ri e u c'u'x u k'inomal, ri u tat ri e c'o pa ri rachoch.

Chapletajic 31:34

Ri Raquel aninak xebuc'am ri e u c'u'x k'inomal, xebuc'ol pa jun chque ri qui xalma ri camey, xt'uyi c'u paquiwi'. Ri Laban xebutzucuj pa ronojel ri lic'om rachoch, man xeburik ta c'ut.

Ucab Samuel 12:9

¿Jasche man nim ta xawil wi ri nu tzij, xaban c'ut ri man cakaj ta chi nu wäch? A cämisam c'ut ri Uriy ri aj hitit, are c'u xebacoj ri aj amonib che u cämisixic, awechbem c'ut ri rixokil.

Ucab Samuel 7:15

man quinnajtajisaj ta c'u na ri rutzil wanima' che jas ri xinban che u najtajisaxic che ri Saul, ri xinwesaj xatincoj c'u at pa ri u c'olbal.

Nabe Tzijobelil 10:13

Are' je cämical wa' xutaklebej ri Saul u mac rech ri retzelal, xmacun c'ut aretak man xunimaj taj ri u takanic ri Ajawaxel xukuje' aretak xbe che u tz'onoxic u no'j ruc' jun ixok ch'obonel

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ri Job 34:37

Ri Job man xuwi ta ajmac, xane' co ranima', chkawäch uj caretz'bej u wäch ri Dios cuc'ulela' c'u rib ri u tzij ruc' are'.”

Salmib 107:11

u mac ri qui c'ulelaxic ri e u takanic ri Ajawaxel, u mac ri retzelaxic u wäch ri e u chomanic ri Dios aj chicaj.

Elem 22:18

Mic'asba' ri ixok ajitz.

Ri Isaiy 19:3

Quinbano chi cämoxir ri qui jolom, quinbano chi man je ta quel wi ri qui chomanic. Quebe c'u na che u tz'onoxic qui no'j chque tak ri diosib xukuje' chque tak ri ajk'ijab, chque tak ri cuxlabal ri cäminakib xukuje' chque tak ri ch'obonelab.

Ri Isaiy 8:19

Cäquibij c'u ne na ri winak chiwe: “Chita' i no'j chque ri cuxlabal ri cäminakib, xukuje' chque ri ch'obonelab ri quewululic, ri quelalatic. Jun tinimit ¿la ma ta pa cuta' u no'j chque ri e u diosib, xukuje' chque ri cäminakib che qui pixbexic ri e c'asc'oj,

Ri Jeremiy 16:12

Are chi c'u ri ix xoc'ow chi na u wi' ri etzelal ri xebiban chquiwäch ri xequiban ri e i mam, chi jujunal c'ut are i takem ruc' taquil ri itzelalaj u chomanic ri ranima' man c'u e nimaninak ta chwe.

Ri Jeremiy 28:16

Rumal ri' ri Ajawaxel cubij: ‘Catin wesaj cho ri uwächulew chi casach a wäch. Pa we junab ri' catcäm na, rumal rech chi cumal ri a tzij atakchi'm ri tinimit che nu c'ulelaxic.’ ”

Ri Jeremiy 29:32

in, ri Ajawaxel, quinbij chi quenc'äjisaj u wäch ri Semaiy xukuje' ri rija'lil. Man quecanaj ta rija'lil chupam ri nu tinimit, mawi curik ta na rech ri utzil ri quenya' na che ri nu tinimit, rumal c'u rech chi cumal tak ri e u tzij xuc'am bic che nu c'ulelaxic. In, ri Ajawaxel, quinjiquiba' u bixic.”

Ri Osey 13:11

In oyowarinak awuc', xebenya' tak a awajawinel, in oyowarinak awuc', xebenwesaj chawe.

Ri Osey 3:4

Sibalaj c'u q'ui k'ijol ri aj israelib quec'oji' na man c'o ta cajawinel mawi ta ne c'amal ta qui be, man c'o ta chi tabal tok'ob mawi chi tastalic tak abaj, mawi ta chi catz'iak e cojol tabal tok'ob mawi ta chi tak qui diosib pa tak ri cachoch.

Aj Levitib 20:27

Ri achi ri ixok ri c'o jun uxlabal ruc' ri cuban ch'obonic, cäcämisax na; abaj cacämisabex rech, are' ajchak'mac che ri u cämical.”

Aj Levitib 20:6

We c'o c'u jachin jun que cuc' cacojon chque ri uxlabalib xukuje' tak ri ch'obonelab, cutz'iloj c'u rib rumal qui ternexic, quinkasaj na ri woyowal puwi' ri winak ri', xukuje' quinwesaj na ri u bi' chquixo'l ri u winakil.

Ajilanic 14:9

Mixc'ulelan c'u che ri Ajawaxel, mawi mixe'j iwib chquiwäch ri winak re ri ulew ri', rumal rech chi we winak ri' quebux na ka wa; we winak ri' man c'o ta jachin ta queto'wic, are c'u ri uj c'o ri Ajawaxel kuc'. ¡Mixe'j iwib!”

Hechos 13:22

Aretak esam chi ri' ri Saul, xucoj ri David che cajawinel. Ri xuya' k'alajisanic chrij je xubij wa': ‘Nu rikom ri David, u c'ojol ri Isayi, are' jun achi je ranima' je jas ri cäraj ri wanima', ri cuban na ronojel ri nu rayibal.’

2 Corintios 6:16

Man c'o ta ri cajunamataj ta wi ri rachoch Dios cuc' tak ri diosib. Rumal rech chi ri uj uj rachoch ri c'aslic Dios, jacha' ri kas u bim ri are': “Quinjeki' na xukuje' quinbin na chquixo'l ri e are': ri in quinux na qui Dios e are' c'ut ri e are' quebux na nu tinimit.”

Gálatas 5:20

quequik'ijilaj tak diosib, cäquiban itzinic, cäquic'ulelaj quib, cäquiyac ch'o'j, cäpe coyowal we jun chic curik utzil. Chanim cäpe coyowal, xak xuwi cäquiban ri utz cäquil wi ri e are', cäquitas quib chquij niq'uiaj chic, cäquic'am jalajoj tak no'jibal.

U Camulixic ri Pixab 9:24

¡Kas aretak wetamam ulok i wäch, ri ix ix c'ulelaninak ulok che ri Ajawaxel!

U Camulixic ri Pixab 9:7

“Mawi jubik' mäsach pa i jolom chi i c'ulelam ulok ri Ajawaxel ri i Dios pa ri chaki'j uwo sak. Kas aretak xixel ulok pa Ejipt c'ä ix ulinak waral, amak'el ix uxinak man nimanelab ta che.

Ri Josue 22:15

Conojel xebe pa Galaad, jawije' e c'o wi ri amak' rech ri Ruben rech ri Gad xukuje' ri pa niq'uiaj ramak' ri Manases, xquibij c'u chque:

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.

Nabe Samuel 13:14

Are c'u ri camic, ri awajawinic man cäbeytaj taj. Ri Ajawaxel cutzucuj na jun achi ri cakaj chuwäch cucoj na che c'amal u be ri u tinimit, rumal rech chi man xanimaj taj ri takanic ri xuya' chawe.”

Nabe Samuel 16:1

Ri Ajawaxel xubij che ri Samuel: “¿C'ä jampa' lo catanaba' u bisoxic ri Saul? Man quinwaj ta chic cutakej ajawinic pa Israel. Jät, chanojisaj ri u c'a' che aseit, are c'u quinwaj chi catbe cho rachoch ri Isayi, ri aj Belen, xcha'taj jun u c'ojol wumal rech cäcanaj che ajawinel.”

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.

Nabe Samuel 28:3

Pa tak ri k'ij ri' cäminak chic ri Samuel conojel c'ut ri pa Israel cok'em ri u cämical, aretak c'u xbantaj wa' qui mukum chic pa Rama, are c'u kas u tinimit wa'. Ri Saul, e resam chi bic pa ri ulew ri ch'obonelab xukuje' ri quetzijon cuc' cäminakib.