Nabe Samuel 15:13 - Quiché Bible

¹³ Xbe c'u ri Samuel jawije' c'o wi ri Saul, xubij c'u wa' che: “Ri Ajawaxel chtewichi'n la. Xtz'akat c'ut ri u takanic ri Ajawaxel wumal.”

Nabe Samuel 15:13 ပူးပေါင်းရင်းမြစ်များ

Chapletajic 14:19

Xutewichi'j ri Abram, xubij: “Chatutewichi'j ri Dios aj chicaj, ri xbanow ri caj ulew;

Chapletajic 3:12

Ri achi xubij che ri Dios: “Ri ixok ri xya' la chwe che wachil are xyo'w ri u wäch ri che' chwe, xintij c'ut.”

Ucab Samuel 2:5

ri David xebutak bic jujun tako'n che u bixic chque: “Chi are' ri Ajawaxel quetewichinic rumal ri nimalaj utzil ri xquiban che ri Saul, ri cajaw, chi xquimuku.

E C'ambal tak Tzij 27:2

Chaya' c'olbal chi e jule' tak chi wi ri cheyo'w a k'ij; man ya'tal taj chi at caya' a k'ij chbil awib.

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

E C'ambal tak Tzij 30:13

E c'o jachin tak cäquichomaj quib chi sibalaj nim qui banic, cäquiban c'u nimal paquiwi' ri niq'uiaj chic.

E C'ambal tak Tzij 31:31

¡Chiya' u k'ij chuwäch ronojel ri tinimit! ¡Chiya' u k'ij rumal ronojel ri u banom!

Ri Lucax 17:10

Je c'u ri ix xukuje', aretak i banom chic ronojel jas ri ix takom che u banic, rajawaxic quibij: ‘Uj ajchaquib ri man c'o ta quechbex chke, xuwi ri rajawaxic u banic xkabano.’ ”

Ri Lucax 18:11

Ri parisey tac'alic, xch'aw ruc' Dios, xutzijobej rib, jewa' xubij: ‘O Dios, quinmaltioxij che la chi ri in man in je taj jas ri niq'uiaj winak chic: ri eläk'omab, ri man e suc' taj, ri quekaj pa mac cuc' niq'uiaj achijab ixokib chic. Quinmaltioxij che la chi ri in man in je taj jas we jun tok'il alcabal ri'.

K'atal tak Tzij 17:2

ri xuk'alajisaj c'u chuwäch ri u nan, xubij che: “Ri jun mil ruc' jun sient (1,100) sak puak ri xebeläk'ax che la, ri rumal wa' xc'okoj la ri eläk'om, wuc' in c'o wi. In xineläk'an che la; camic c'ut quintzelej che la, xinta' c'ut xbij la chi jachom la pu k'ab ri Ajawaxel rech catak la u banic jun dios ri je'l u banic ri cäch'uk rij ruc' sak puak.” Xutzelej c'u ri sak puak che. Xubij c'u ri u nan: “¡Are ta ri Ajawaxel cattewichinic wal!”

Ri Rut 3:10

“¡Ri Ajawaxel chattewichinok!” xcha' ri Booz. “Kas c'u camic a c'utum chi at jic che ri k'etz awachajil. Ya'tal chawe chi xatzucuj jun ri c'ojol ta na chnuwäch in, we meba', we k'inom, man je ta c'u a banom wa'.

Nabe Samuel 13:10

Pa ri jok'otaj ri xto'taj ri Saul che u chi'xic ri tabal tok'ob ri cächajirisaxic, xopan ri Samuel. Xel c'u ulok ri Saul che u c'ulaxic xukuje' che u ya'ic rutzil u wäch;

Nabe Samuel 15:11

“Quinbisonic chi xincoj ri Saul che ajawinel, rumal rech chi u tasom rib chwij man e u tz'akatisam ta ri nu takanic.” Ri Samuel man curik ta chic jas cubano, man xwar ta ronojel ri jun ak'ab xubochi'j c'u ri Ajawaxel.

Nabe Samuel 15:20

Ri Saul xutzelej u bixic: “Ri in xebennimaj ri e u takanic ri Ajawaxel, xintz'akatisaj ri xinutak che u banic: xinyut ulok ri Agag, ri cajawinel ri aj amalesib, nu sachisam c'u qui wäch ri aj amalesib.

Nabe Samuel 15:9

Are' c'u ri Saul xukuje' ri e rajch'ojab xquic'asba' can ri Agag, man c'u xequicämisaj taj ri chij ri sibalaj e je'l na, mawi ri ama'ib tak wacax, mawi ri alaj ama'ib tak wacax ri sibalaj e chak' na, mawi ri ama'ib tak chij, mawi xquisachisaj qui wäch ri jastak ri pakal cajil, pune' c'u ne xquisachisaj qui wäch conojel ri man e c'o ta qui patan ri man pakal ta cajil.

Nabe Samuel 23:21

Ri Saul xutzelej u bixic chque: “¡Chixutewichi'j ba ri Dios rumal rech chi xel i c'u'x chwe!

Nabe Samuel 25:14

C'o c'u jun chque ri pataninelab re ri Nabal xbe che u bixic che ri Abigail, ri rixokil ri Nabal: “Kas pa ri chaki'j uwo sak ri David xebutak ulok jujun tako'n che u ya'ic rutzil u wäch ri kajaw, c'axalaj tak tzij c'ut xch'aw bic chque ri tako'n ri xebutak ulok ri David.