Nabe Samuel 15:11 - Quiché Bible

¹¹ “Quinbisonic chi xincoj ri Saul che ajawinel, rumal rech chi u tasom rib chwij man e u tz'akatisam ta ri nu takanic.” Ri Samuel man curik ta chic jas cubano, man xwar ta ronojel ri jun ak'ab xubochi'j c'u ri Ajawaxel.

Nabe Samuel 15:11 ပူးပေါင်းရင်းမြစ်များ

Chapletajic 6:6

c'ax c'u xuna' pa ri ranima' chi xuban ri winak. Ruc' sibalaj c'axc'ol, xubij:

Chapletajic 6:7

“Quinq'uis tzij paquiwi' ri winak cho ri uwächulew ri e nu winakirisam, xukuje' conojel ri awaj aj uwo tak ja, ri awaj ri cäquijururej tak quib, xukuje' ri chicop ri c'o qui xic'. ¡C'ax pa wanima' chi xebenbano!”

Ucab Samuel 24:16

Aretak c'u ri tako'n aj caj c'o chic che u sachisaxic u wäch ri Jerusalen c'ax xuna' ri Ajawaxel ri xc'ulmatajic, xuya' c'u takanic che ri tako'n aj caj ri cätajin quebucämisaj ri winak, xubij che: “¡Ruc' la', chatanaba'!” Pa ri jok'otaj ri' ri u aj cajalaj u tako'n ri Ajawaxel c'o chuxcut ri c'olbal ri cujopij wi trico ri Araun ri aj jebusey.

Nabe Ajawinelab 11:9

Ri Ajawaxel ri u Dios ri Israel, xyactaj royowal ruc' ri Salomon, rumal rech chi ri ranima' u tasom rib chrij, camul xuc'ut rib chuwäch

Nabe Tzijobelil 10:13

Are' je cämical wa' xutaklebej ri Saul u mac rech ri retzelal, xmacun c'ut aretak man xunimaj taj ri u takanic ri Ajawaxel xukuje' aretak xbe che u tz'onoxic u no'j ruc' jun ixok ch'obonel

Nabe Tzijobelil 21:15

Xutak c'ut ri Dios jun tako'n che u sachisaxic u wäch ri Jerusalen. Aretak c'u cätajin cusachisaj u wäch, xril c'ut ri Ajawaxel, c'ax xbe pa ranima' ri cätajin u banic xuya' c'u takanic che ri tako'n ri cätajin cacämisanic: “¡Ruc' la', mat takenic!” Pa ri jok'otaj ri', ri u tako'n ri Ajawaxel c'o chunakaj ri c'olbal jawije' ri cätajin cuyak' wi ri trico ri Ornan ri aj jebusey.

Ri Job 34:27

rumal rech chi man xcaj taj xeniman che mawi xcaj taj xquic'amowaj ri colomalaj c'aslemal ri xuchi'j chque.

Salmib 109:4

Che u q'uexwäch ri nu lok'ok'ebal c'u'x, cäquiban qui c'ulel chwe, are c'u ri in quinban ch'awem ruc' Dios.

Salmib 110:4

Ri Ajawaxel xuban jun chi'nic ri kas cäban na, man c'u caresaj ta rib chupam: “At, at cojol tabal tok'ob chbe k'ij sak, xak junam abantajic ruc' ri Melquisedec.”

Salmib 119:136

Nima' quech u wa'l wächaj queturuw tak chque ri nu bak'wäch, rumal rech chi man nim ta quil wi ri tijonic la.

Salmib 125:5

e are' c'u ri quebin pa ri itzel be bana' la chi je cäquitaklebej jas ri cäquitaklebej ri itzel tak winak. ¡Chc'ol c'u jamaril pa Israel!

Salmib 36:3

Itzel tzij u pa u chi' xukuje' banal tzij, xmoxir ri u jolom, man cuban ta chi utzil.

Salmib 78:41

Q'ui mul xquic'ambejej; ¡xquiya' bis che ri Tastalic ri c'o pa Israel!

Salmib 78:57

je xquibano jas ri xequiban ri qui mam, xquixutuj canok, man xebin ta jic chuwäch; ¡xejech'obic jacha' jun subunelalaj q'uiakbal ch'ab!

Elem 32:11

Ri Moises xuta' tok'ob che ri Ajawaxel ri u Dios, xubij: “Ajawaxel, ¿jas ta che cäk'ak'ar ri oyowal la puwi' ri tinimit la ri xesaj la ulok pa Ejipt ruc' ri nimalaj cuinem la?

Elem 32:14

Xuk'il c'u rib ri Ajawaxel che ri c'ax ri u chomam u banic puwi' ri u tinimit.

Ri Jeremiy 11:10

E tzelejinak che quibanic ri junam tak macaj ri xequiban ri e qui mam, ri xquik'il quib che nu nimaxic, are' c'u xebequiterenej diosib xequik'ijilaj c'ut. Ronojel ri Israel xukuje' ronojel ri Juda quiyojim ri c'ulwächinic ri xinban cuc' ri e qui mam.

Ri Jeremiy 13:17

We c'u ne man quixoc ta il che u nimaxic ri cäya' u bixic chiwe, quinok' na chi c'uyal u mac ri nimal ri quixc'amowic; quebelel na ri u wa'l tak wächaj chque ri nu bak'wäch, rumal rech chi e yutuyuj quec'am na bic ri e u jumulaj ri Ajawaxel.

Ri Jeremiy 34:16

Xiq'uex chi c'ut ri i chomanic, man nim ta xiwil wi ri nu bi', xebicoj chi chuk'ab chque ri lok'om tak pataninelab ri' ri e i tzokopim canok rech quixpatanix chi jumul cumal jacha' lok'om tak pataninelab.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Jeremiy 9:18

¡Je', chepet aninak cok'ej c'ut; chenoj ri ka bak'wäch che u wa'l tak wächaj cheturuw c'u ulok ja' chquipam tak ri e rij tak ka bak'wäch!

Ri Ezequiel 18:24

We c'u ri suc' cutanaba' u banic ri suq'uilal are c'u cuban ronojel ri etzelal xukuje' ri xojibal ri cuban ri banal etzelal, ¿La qui chomaj ix chi cutakej c'aslemal? In man quenataj ta chi chwe conojel ri utzil ri e u banom can nabe: Cäcäm na umal ri man u jiquiltaj xukuje' rumal quech tak ri e u mac.

Ri Amos 7:3

Xuk'il c'u rib ri Ajawaxel che ri u chomam u banic, xubij c'ut: “¡Man quec'ulmataj ta ba' wa'!”

Ri Jonas 3:10

Ri Dios xrilo ri caquiban ri winak aj Ninibe ri xquiban che u ya'ic canok ri itzelalaj qui no'jibal, xuchomaj chi man cuc'am ta chi ulok ri c'ax ri u chomam u c'amic ulok paquiwi'.

Ri Jonas 4:2

rumal ri' xtzijon ruc' ri Ajawaxel xubij che: “Chilampe' la Ajawaxel, xak junam wa' ruc' ri xinchomaj chi cäc'ulmataj na aretak c'ä in c'o pa ri wulew. Rumal ri' xinanimaj bic pa Tarsis, weta'm c'ut chi lal jun ch'uch'ujalaj Dios ri quel c'u'x la, ri man chanim taj cäpe oyowal la, chi sibalaj nim ri lok'ok'ebal c'u'x la chi aretak caya' la u bixic jun c'äjisabal wächaj chanim c'ut cäq'uex c'u'x la.

Ri Soponiy 1:6

Xukuje' quinsachisaj na qui wäch ri caquitas tak quib chwij, ri man quetzucun ta chwe mawi quebopan ta wuc' che u tz'onoxic qui no'j chwe.”

Ri Matey 24:13

Apachin c'ut ri co cataq'uic c'ä pa ri q'uisbalil, are quesäx na pa ri c'ax.

Ri Matey 5:44

Are c'u ri in quinbij chiwe: Chebilok'ok'ej ri qui banom qui c'ulel chiwe, chibana' ch'awem ruc' Dios paquiwi' ri caquiban c'ax chiwe.

Ri Lucax 6:12

Pa tak ri k'ij ri', ri Jesus xubana' ch'awem ruc' Dios pa ri juyub. Xroc'owisaj ri chak'abil pa ch'awem ruc' Dios.

Hebreos 10:38

Ri suc'alaj winak cäc'asi rumal ri cojonic. We c'u cätzelej chrij, man cäkaj ta chuwäch ri wanima'.”

Ri Josue 22:16

“Ri uj cujch'aw pa u bi' ri u tinimit ri Ajawaxel. ¿Jas wa' chi jachanic ri i banom chrij ri u Dios ri Israel? ¿Jasche i xutum canok i wocom c'ut jun porobal che u c'ulelaxic ri Ajawaxel?

Nabe Samuel 12:23

Are c'u ri in minutzokopij ri Ajawaxel chi quinmacun ta chrij are' chi chintanaba' ta tz'ononic piwi' xukuje' ri u c'utic ri utzalaj be chiwäch ri suc'.

Nabe Samuel 13:13

Ri Samuel xutzelej u bixic che: “¡Ri a banom are jun ch'ujilal! We ta xanimaj ri takanic ri xuya' ri Ajawaxel chawe, ri are' xujiquiba' taj chi ma ta c'o u q'uisic ri awajawinic pa Israel.

Nabe Samuel 15:10

Ri Ajawaxel xuch'abej c'ut ri Samuel, xubij che:

Nabe Samuel 15:3

Rumal ri', jät chabana' c'ax chque; chasachisaj qui wäch junam cuc' conojel ri jastak quech, matok'obisaj qui wäch. Chebacämisaj achijab xukuje' ixokib, ac'alab pune' c'äte xil qui wäch, ama'ib tak wacax, chij tak, cameyib tak xukuje' ati'tab tak bur.’ ”

Nabe Samuel 15:35

Ri Samuel mawi jumul xril chic u wäch ri Saul, pune' c'u sibalaj xbisonic chi xutzelej rib ri Ajawaxel che u cojic ri Saul che rajawinel ri Israel.

Nabe Samuel 15:9

Are' c'u ri Saul xukuje' ri e rajch'ojab xquic'asba' can ri Agag, man c'u xequicämisaj taj ri chij ri sibalaj e je'l na, mawi ri ama'ib tak wacax, mawi ri alaj ama'ib tak wacax ri sibalaj e chak' na, mawi ri ama'ib tak chij, mawi xquisachisaj qui wäch ri jastak ri pakal cajil, pune' c'u ne xquisachisaj qui wäch conojel ri man e c'o ta qui patan ri man pakal ta cajil.

Nabe Samuel 16:1

Ri Ajawaxel xubij che ri Samuel: “¿C'ä jampa' lo catanaba' u bisoxic ri Saul? Man quinwaj ta chic cutakej ajawinic pa Israel. Jät, chanojisaj ri u c'a' che aseit, are c'u quinwaj chi catbe cho rachoch ri Isayi, ri aj Belen, xcha'taj jun u c'ojol wumal rech cäcanaj che ajawinel.”

Nabe Samuel 8:6

Ri Samuel c'ax xuna' chi xquibij che chi chucojo' jun ajawinel rech cajawin paquiwi', xuban c'u ch'awem ruc' ri Ajawaxel;