Nabe Samuel 14:6 - Quiché Bible

⁶ Ri Jonatan xubij che ri to'l rech: “Tasaj, chujk'axok jawije' ri c'o wi ri juk'at ajch'ojab ri e k'ijilal tak diosib. Craj ne c'o jas cuban ri Ajawaxel che ka to'ic, man c'u c'ax ta cuban ri are' che u ya'ic ri ch'äcanic chke we e c'o q'ui winak o xa e quieb oxib.”

Nabe Samuel 14:6 ပူးပေါင်းရင်းမြစ်များ

Ucab Samuel 1:20

Miya' u bixic pa Gat mawi mitzijoj pa tak ri be pa Ascalon, rech man quequicot taj ri ixokib aj pilisteyib, rech man quech'opintaj we ixokib ri' ri e k'ijilal diosib.

Ucab Samuel 16:12

Craj c'u ne aretak ri Ajawaxel caril ri c'axc'obic ri in c'o wi, quebutak ulok tak tewichibal panuwi' che qui q'uexwäch tak ri c'okonic ri quebentatabej tak camic.”

Ucab Ajawinelab 19:4

C'o ta banom wi chi ri Ajawaxel ri a Dios u tom ta we tzij ri' ri xebubij ri qui nimal ajch'ojab ri takom ulok rumal ri rajaw, ri ajawinel re Asiriy, che u yok'ic ri c'aslic Dios, c'o ta banom wi chc'äjisax ta u wäch rumal ri jastak ri xebuta' ri Ajawaxel ri a Dios. Chabana' ba' jun ch'awem ruc' paquiwi' ri c'ä e to'tajinak canok.”

Ucab Tzijobelil 14:10

Xbe c'ut ri As che u c'ulaxic, e rachil tak ri rachijab xquicolomaj quib che u banic ri ch'o'j chupam ri beya' re Sepata, chunakaj ri Mares.

Ucab Tzijobelil 14:11

Ri As xutz'onoj ri u to'banic ri Ajawaxel ri u Dios, je xubij wa': “Ajawaxel, che la man c'o ta u jalbem rib ri u to'ic ri c'o u chuk'ab xukuje' ri tukar. Rumal ri', ¡Chujto' la, Ajawaxel xukuje' ka Dios, ka cuban ya' ka c'u'x chi'j la, pa ri bi' c'u la uj petinak chquij we ajch'ojab ri'! Lal, Ajawaxel, lal ka Dios. ¡C'utu' la chi man c'o ta jachin jun cäcuinic cuk'atij ta wäch la!”

Salmib 135:6

Ri Ajawaxel cuban ronojel ri caraj, xak junam pa ri caj xukuje' cho ri uwächulew, xak junam pa ri plo xukuje' pa conojel tak ri siwan.

Ri Jeremiy 9:23

Ri Ajawaxel cubij: “Munimarisaj u k'ij ri ajno'j chi ajno'j, mawi ri ajcuinem chi ajcuinem, mawi ri k'inom che ri u k'inomal.

Ri Jeremiy 9:25

Ri Ajawaxel cujiquiba' u bixic: “Cäpe ri k'ij aretak quinc'äjisaj na qui wäch conojel ri tinimit ri cäquikopij ri u wi' ri qui tz'umal ri achijab wi che quetal:

Ri Jeremiy 9:26

Ri Ejipt, Juda, Edom, Amon xukuje' ri Moab, xukuje' conojel ri e jekel chupam ri chaki'j uwo sak caquisocaj c'u ne tak ri qui wi' xe' tak qui xiquin. Conojel c'ut we tinimit ri', xukuje' c'u ne ronojel ri tinimit Israel man cojon ta quetal re kopinic pa ri canima', xane' kas e k'ijilal tak diosib ruc' ronojel canima'.”

Ri Amos 5:15

¡Chiwetzelaj u wäch ri lawaloyil! ¡Are chilok'ok'ej ri u banic ri utzil! Kas chiwila' chi chban ri suq'uilal pa ri k'atbal tzij; craj ne chi' ri Ajawaxel, ri Dios ri c'o ronojel u cuinem, quel na u c'u'x chque ri quec'asi' na canok pa Israel.

Ri Soponiy 2:3

Chitzucuj ri Ajawaxel iwonojel ix ri imach'om iwib ri ix aj we uwächulew ri', ri quebinimaj tak ri e u takomal. Chicolomaj iwib xukuje' chi mach'a' iwib we je qui ban wa' craj ne quirik to'bal iwib pa ri k'ij ri cäpe ri nimalaj royowal ri Ajawaxel.

Ri Zacariy 4:6

Ri are' xutakej u bixic: “Are wa' ri xuya' u bixic ri Ajawaxel che ri Zorobabel: ‘Man e are ta quek'ijim ri ajch'ojab mawi ri chuk'ab xane' are' ri Wuxlabal, cacha' ri Ajawaxel ri c'o ronojel u cuinem.

Ajilanic 10:32

We catpe kuc', cakaya' na awe ri utzil ri cuya' na ri Ajawaxel chke.”

Ajilanic 31:4

Chquijujunal tak ri amak' rajawaxic quebutak u bic jun mil achijab che u banic ch'o'j.”

Ri Matey 19:26

Ri Jesus xca'y chque, xubij: “Ri winak man quecuin ta wa' che u banic, are c'u ri Dios cäcuin che u banic ronojel.”

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

U Camulixic ri Pixab 32:30

¿Jas c'u che chi xa jun xcuin che cokataxic jun mil? ¿Jas c'u che chi xa e quieb xecuin che cokataxic lajuj mil? Xa rumal rech chi ri Ajawaxel, ri to'l iwech, xuchomaj qui jachic ri c'ulel pa i k'ab.

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Ri Josue 14:12

Rumal ri' quintz'onoj chawe chi chaya' chwe camic ri c'ache'laj ulew ri xuchi'j ri Ajawaxel chwe. Ri at aweta'm ulok chi ri e rija'l ri tac'atic Anac e jekel chi', e c'o c'u ne qui tinimit tak ri co e c'olic ri jawije' ri e c'o wi q'uialaj winak. Are c'u ri in quinweyej chi ri Ajawaxel quinrachilaj quinuto' c'ut che quesaxic bic chila', jacha' ri u bim.”

K'atal tak Tzij 15:18

Xpe jun nimalaj chaki'j chi' che ri Sanson, xutz'onoj c'u tok'ob che ri Ajawaxel xubij: “¿La takalic chi yo'm la we nimalaj ch'äcanic ri' chwe, quinya' ta c'u la canok camic chi quincäm rumal chaki'j chi' in c'o c'u pa qui k'ab we winak ri' ri e k'ijilal tak diosib?”

Nabe Samuel 14:5

ri jun c'o pa ri u wiquiak'ab ri elebal k'ij, chuwäch ri Micmas, ri jun chic pa ri u mox k'ab ri elebal k'ij chuwäch ri Gabaa.

Nabe Samuel 14:7

“Chabana' ronojel ri a chomam u banic quinya' c'u na nu tzij che a to'ic pa ronojel ri a chomam u banic,” xcha' ri to'l rech.

Nabe Samuel 17:26

Ri David xuc'ot qui chi' ri e c'o pa u xcut, xubij chque: “¿Jas lo ri caya' na che ri achi ri cäcämisan we aj pilistey ri' cuyub c'ut ri u yok'ic ri Israel? ¿Jachin ta c'u ne wa' we pilistey ri' ri k'ijilal diosib rech quebutzur ri rajch'ojab ri c'aslic Dios?”

Nabe Samuel 17:36

Pune' ta c'u ne jun coj pune' ta c'u ne os, we pataninel ech la ri' cucämisaj. Are' c'ut we pilistey ri' ri k'ijilal tak diosib je cuc'ulmaj na, u mac rech chi e u tzurum ri e rajch'ojab ri c'aslic Dios.

Nabe Samuel 17:46

Camic catujach na ri Ajawaxel pa nu k'ab, kas c'u camic catincämisaj na, quinwesaj c'u na ri a jolom, e are' c'u ri cäminak tak ajch'ojab aj pilisteyib quebenya' na chque tak ri c'uch xukuje' chque tak ri juyubal tak awaj, je c'u ri' ronojel ri uwächulew cäretamaj na chi are' kas Dios ri c'o pa Israel;

Nabe Samuel 17:47

conojel ri quimulin quib waral cäquetamaj na chi ri Ajawaxel man cato'tajisan taj ruc' ch'ich' re ch'o'j mawi ruc' tz'imaj ch'ich'. We ch'o'j ri' rech ri Ajawaxel, are c'u quixjachow na ri ix pa ka k'ab.”

Nabe Samuel 31:4

Rumal c'u ri' xubij che ri u c'al u ch'ojibal: “Chawesaj ri a ch'ich' re ch'o'j chajutu' chnupam, rech man quepe ta ri e k'ijilal tak diosib caquijut ta c'u ri qui ch'ich' re ch'o'j chnupam, que qui cot c'u na chwe.” Are c'u ri u c'al u ch'ojibal man xraj taj rumal rech chi sibalaj u xe'n rib. Xuc'am c'u ri Saul ri u ch'ich' re ch'o'j xuq'uiak rib puwi'.