Nabe Samuel 14:45 - Quiché Bible

⁴⁵ Are c'u ri tinimit xutzelej u bixic che ri Saul xubij: “¿Jas ta che cäcäm ri Jonatan, u yo'm c'u jun nimalaj ch'äcanic che ri Israel? ¡Man cäban ta wa'! ¡Pa ri u bi' ri Ajawaxel, man cätzak ta na jun wi'aj re ri u jolom cho ri ulew! Rumal rech chi ri u banom camic u banom rumal ri u to'banic ri Dios.” Je xuban wa' ri tinimit rech cäcolotaj ri Jonatan rech man cäcäm taj.

Nabe Samuel 14:45 ပူးပေါင်းရင်းမြစ်များ

Ucab Samuel 14:11

Ri ixok xutakej u bixic: “¡Quinbochi'n che la chi tz'onoj la che ri Ajawaxel ri Dios la, rech ri achalaxic ri are cäraj cuban rajil u q'uexel ruc' ri u cämisaxic ri wal munimatajisaj ri u sachic wächaj ruc' ri u cämisaxic ri jun wal chic!” Ri ajawinel xujiquiba' u bixic: “¡Quinban na ri chi'nic ri kas cäban na chawe rumal ri Ajawaxel chi man cätzak ta na cho ri ulew mawi jun u wi' ri u jolom ri awal!”

Nabe Ajawinelab 1:52

Ri Salomon xutzelej u bixic: “We utzalaj ruc'axic ri u c'aslemal cubano jacha' jun utzalaj achi, man c'o ta jun wi'aj re ri u jolom catzak na cho ri ulew. We c'u c'o jun etzelal cäriktaj pa ri u c'aslemal, cacämisax na.”

Ucab Tzijobelil 19:11

Ri qui nimal ri e cojol tabal tok'ob ri Amariy are caban ri cubij pa conojel ri jastak re ri Ajawaxel, are c'u ri Zebadiy, ri u c'ojol ri Ismael ri xukuje' c'amal u be ri ramak' ri Juda, are' cak'atow na tzij paquiwi' ri jastak re ri ajawinel; ri aj levitib e are' to'l tak iwech. ¡Chichajij ba anima', chixoc c'u che u banic ri chac! ¡Chc'ol ba' ri Ajawaxel ruc' ri utz cachacunic!”

Ri Nehemiy 9:27

Rumal ri' xejach la pa qui k'ab ri qui banom qui c'ulel chque, rech caquiban c'ax chque. Chi' c'ut aretak e c'o chupam ri qui rikoj c'ax, xquitz'onoj ri to'banic la, are c'u ri lal, rumal ri nimalaj tok'obisam wächaj la, xeto'w la ulok kas chicaj; xeya' la achijab chque ri xeto'tajisan pa qui k'ab ri xebanow tak c'ax chque.

Ri Isaiy 13:3

E nu siq'uim chic ri cowilaj tak nu wachijab, nu yo'm takanic chque ri wajch'ojab ri qui jachom quib che u banic ch'o'j, chque ri quejajat rumal ri nu ch'äcanic, cäquiya' c'u ri c'äjisabal wächaj ri nu chomam u ya'ic.”

Ri Matey 10:30

E ta c'u lo ri ix, conojel ri i wi' e ajilatalic.

Ri Lucax 21:18

Man c'o ta c'u jun i wi' cäsach na u wäch.

Hechos 14:27

Aretak xebopan pa Antioquiy, xequimulij ri comon cojonelab. Xquibij chque ronojel ri u banom ri Dios cumal ri xuban ri Ajawaxel che u jakic ri oquibal chquiwäch ri man aj judeyib taj rech quecojonic.

Hechos 15:12

Conojel c'ut man xech'aw ta chic. Xequitatabej ri Bernabe xukuje' ri Pawl, ri xquibij chque conojel ri mayibal xukuje' ri etal ri e u banom ri Dios cumal chquixo'l ri man aj judeyib taj.

Hechos 21:19

Aretak u yo'm chi rutzil qui wäch, ri Pawl xutzijoj ronojel chque, jas ri u banom ri Dios chquixo'l ri man aj judeyib taj rumal ri chac ri u banom.

Hechos 27:34

Rumal ri' quinbochi'n chech alak chc'ama' ech alak ri wa, rech cacolotaj alak. Man c'o ta c'u jun chech alak cätzak na jun u wi'.”

Romanos 15:18

Xak xuwi quintzijoj ri jastak ri e u banom ri Crist wumal in, rech jeri' ri man aj judeyib taj cäquinimaj ri u tzij ri Dios. Are wa' xbantaj rumal ri nu tzij xukuje' rumal ri nu chac,

1 Corintios 3:9

Ri uj c'ut uj rach tak rajchaquib ri Dios. Ri ix, ix u tajin ri Dios, ix ri ja ri cuyac ri Dios.

2 Corintios 6:1

Ri uj uj rajchaquib ri Dios junam iwuc'. Rumal ri' quixkabochi'j chi xak lok' mic'am ri u tok'ob ri Dios.

Apocalipsis 17:14

Ri e are' quech'ojin na ruc' ri Alaj Chij. Ri Alaj Chij c'ut quebuch'äc na, are c'ut Cajaw ri ajawib, Cajawinel ri ajawinelab. E c'o c'u ne ruc' ri e siq'uim xukuje' e cha'om rumal ri Dios, e jic c'ut.”

Apocalipsis 19:14

Ri ajch'ojab ri e c'o pa ri caj e teren chrij. E c'o chquij sak tak quiej. Qui cojom sakloloj tak atz'iak re ch'uch'ujalaj lino ri ch'ajch'oj.

Nabe Samuel 11:13

Ri Saul xucoj rib xubij: “Pa we k'ij ri' man c'o ta jun cäcämic, e u to'tajisam c'ut ri Ajawaxel ri aj israelib camic.”

Nabe Samuel 14:23

Ri ch'o'j xopan c'ä pa Bet-aben ri Ajawaxel xebuto'tajisaj ri aj israelib pa we k'ijol ri'.

Nabe Samuel 14:46

Xuk'il c'u rib ri Saul che u takexic u banic ch'o'j cuc' ri aj pilisteyib ri xetzelej pa ri culew.

Nabe Samuel 19:5

xuya' c'ut ri u c'aslemal pa ri cämical aretak xucämisaj ri pilistey, je c'u ri' ri Ajawaxel kas xuto'tajisaj ronojel ri Israel. Ri lal xil la xquicot c'u la rumal. ¿Jas ta c'u che cächomaj la u banic c'ax che ri u c'aslemal ri man c'o ta u mac, cächomaj c'u la u cämisaxic ri David ri man c'o ta etzelal u banom?”