Nabe Samuel 14:41 - Quiché Bible

⁴¹ Ri Saul xurak u chi', xubij: “Ajawaxel xukuje' u Dios ri Israel, ¿jasche man c'o ta jas xtzelej la u bixic che ri pataninel ech la? We in ri in ajchak'mac o are' ri nu c'ojol Jonatan, aretak chujoc che u ch'obic quel na ulok ri Urim; we c'u are' ajchak'mac ri Israel, ri tinimit la, aretak chujoc che u ch'obic are quel na ulok ri Tumin.” Ri ch'obonic are xkajben ri Jonatan xukuje' ri Saul, ri tinimit man c'o ta mac xukajbej.

Nabe Samuel 14:41 ပူးပေါင်းရင်းမြစ်များ

E C'ambal tak Tzij 16:33

Ri winak quebuq'uiak taklebenic, are' c'ut ri Ajawaxel are cajiquibanic ronojel.

E C'ambal tak Tzij 18:18

Ri k'atan tzij aj Dios cusach u tza'm ri ch'o'j, cujach c'u qui wäch tak ri quech'ojinic.

Ri Jonas 1:7

Are' c'u ri achijab ri quechacun pa ri jucub xquibila' chbil tak quib: “Kaq'uiaka' ij, rech cäkilo jachin ri ajchak'mac che we quiäkasakil ri'.” Xequiq'uiak c'u ij, are' c'u ajchak'mac ri Jonas.

Hechos 1:24

Xquiban ch'awem ruc' Dios, xquibij: “Lal, Kajaw, ri eta'm la ri canima' conojel, c'utu' la chkawäch jachin chque we quieb ri' cächa' la,

Hechos 1:26

Xquiq'uiak c'u taklebenic, puwi' c'ut ri Matiys xkaj wi ri taklebenic. Xujunamaj c'u rib cuc' ri e julajuj takomxenlab.

Nabe Samuel 14:40

rumal ri' ri Saul xubij chque conojel ri aj israelib: “Chixc'ol ix che we juperaj ri', ri in xukuje' ri nu c'ojol cujc'oji' chi che ri juperaj.” “Bana' la jachique ri utz quil la,” xecha' ri ajch'ojab.

Nabe Samuel 14:42

Xubij chi c'u ri Saul: “Chixch'obon chkaxo'l ri nu c'ojol Jonatan xukuje' ri in.” Xkaj c'u ri ch'obonic puwi' ri Jonatan,