Nabe Samuel 14:33 - Quiché Bible

³³ E c'o c'u jujun xequibij che ri Saul: “Ri winak cätajin quemacun chuwäch ri Ajawaxel, cätajin c'u cäquitij ti'j rachil ri u quiq'uel.” Xubij c'u ri Saul: “Ri ix man kas ta ix jic. Chiwolkotij ulok jun nimalaj abaj c'ä waral.

Nabe Samuel 14:33 ပူးပေါင်းရင်းမြစ်များ

Chapletajic 9:4

C'o c'u jun jasach ri man cuya' taj quitijo: ri ti'j rachil ri u quiq'uel, chupam c'ut ri quic' c'o wi ri c'aslemal.

Aj Levitib 17:10

“In quinc'ulelaj na ronojel aj israel o ri man i winakil taj ri jekel chixo'l ri cutij, apachique ta ne quic'. In quinwesaj na chquixo'l ri e u tinimit.

Aj Levitib 19:26

Mitij jun ti'j ri c'o quic' che. Mitijoj iwib che ch'obonic. Miban subunic che u k'alajisaxic ri c'ä maja' cäc'ulmatajic.

Aj Levitib 7:26

Apawije' ta ne ri ix jekel wi, c'o jubik' qui quiq'uel ri chicop ri c'o u xic' mitijo, mawi qui quiq'uel tak awaj.

Aj Levitib 7:27

Ri winak ri cutij u quiq'uel apachique awaj, quesax na chquixo'l ri u winakil.”

Ri Matey 7:5

¡Quieb a wäch! Nabe chawesaj ri cuta'm ri c'o pa ri a bak'wäch. C'äte ri' kas catca'y che resaxic ri mes pa ri u bak'wäch ri awachalal.

Hechos 15:20

Cubana' chi ka tz'ibaj bic chque chi chquitasa' quib maquinak apachique jasach awasim cumal ri diosib, chi man cäquiban ta macunic cuc' achijab ixokib, mequitij qui ti'jal awaj ri e jitz'itajinak, o ri e jik'inak, mawi quic'.

Romanos 2:1

Rumal c'u ri', man c'o ta cawesaj wi awib, xa' ta ne at apachinok ri catk'atow tzij. Aretak c'u cak'at tzij puwi' jun chic, cätajin cac'am ulok c'ax pawi' chbil awib. Ri at c'ut ri catk'atan tzij, xa' junam caban ruc' ri jun ri cak'at tzij puwi'.

U Camulixic ri Pixab 12:16

Mitij c'u ri u quiq'uel, xa chijamij pa ulew jacha' ja'.

U Camulixic ri Pixab 12:23

Mawi c'u jubik' mitij ri quic', are c'u c'aslemal ri quic'; mitij ba ri c'aslemal junam ruc' ri ti'j,

U Camulixic ri Pixab 15:23

Mitij ri u quiq'uel, xa chi jamij puwi' ri ulew jacha' ja'.”

Nabe Samuel 14:34

Xubij chi c'u na ri Saul chibij chque ri winak chquijujunal chequic'ama' ulok ri ama' qui wacax o ri qui chij, rech ix quixtok'ow u kul chewok c'ut, memacun c'ut chuwäch ri Ajawaxel u mac rech ri u tijic ri ti'j rachilam ri u quiq'uel.” Kas pa ri chak'ab ri', chquijujunal xquic'am ulok ri ama' qui wacax, xquitok' c'u u kul chila'.