Nabe Samuel 14:22 - Quiché Bible

²² Conojel c'ut ri aj israelib ri xquic'u' quib pa tak ri u juyub ri Eprain aretak xquetamaj chi ri aj pilisteyib quebanimajic, xebe che cokataxic xukuje' che u banic ch'o'j cuc'.

Nabe Samuel 14:22 ပူးပေါင်းရင်းမြစ်များ

K'atal tak Tzij 7:23

Xesiq'uix c'u ri aj israelib ri e aj ramak' ri Neptali, ri re ri Aser xukuje' conojel ri e re ri Manases rech quebe che cokataxic ri aj madianib.

Nabe Samuel 13:6

Xekaj c'u ri aj israelib pa jun nimalaj c'ax sibalaj c'u nim ri c'ax ri xquiban ri aj pilisteyib chque, rumal ri' xequic'olo quib pa tak pec xukuje' pa tak jul, xukuje' xo'l tak ri nimak tak abaj pa tak u be ja' xukuje' pa tak c'ua'.

Nabe Samuel 14:11

Je c'u ri' qui cabichal xquiya' c'olbal chi queilitaj cumal ri juk'at aj pilisteyib ri e c'o che u banic ch'o'j. Aretak c'u xeilitaj cumal wa', xquibij: “Chiwila', cätajin quebel ulok ri aj hebreyib pa tak ri pec ri xequic'olola' wi quib.”

Nabe Samuel 31:7

Aretak c'u xquil ri aj israelib ri e jekel ch'akap che ri beya' xukuje' ri e c'o pa ri elebal k'ij che ri Jordan, chi xebanimaj ri e rajch'ojab ri Israel xukuje' chi xcäm ri Saul junam cuc' ri oxib u c'ojol, xequitzak can ri e qui tinimit, xebanimajic; xepe c'u ri aj pilisteyib xejeki' pa tak ri qui tinimit.