Nabe Samuel 14:18 - Quiché Bible

¹⁸ C'o c'ut ri u caxa ri Dios chquixo'l ri aj israelib pa ri k'ij ri', ri Saul xubij che ri Ahiy: “Chac'ama' ulok ri caxa ri rech ri Dios waral.”

Nabe Samuel 14:18 ပူးပေါင်းရင်းမြစ်များ

Ucab Samuel 11:11

Ri Uriy xutzelej u bixic che: “Ri tastalicalaj caxa jacha' xukuje' ri ajch'ojab aj Israel xukuje' ri aj juda quewar pa tak cäbal re qui k'ab tak che'; ri Joab ri in c'o chuxe' ri u takanic, xukuje' ri e ajch'ojab la, quewar cho ri räxk'ab; are c'u ri in, ¿La quinoc ta chupam ri wachoch rech quinewokok quineuq'uianok quinek'oyol ta c'u ruc' ri wixokil? ¡Kas chwäch la ri in man cuyataj quinban we jasach ri'!”

Ajilanic 27:21

Ri Josue cutac'aba' c'u na rib chuwäch ri Eleazar ri cojol tabal tok'ob, are c'u ri Eleazar cätz'onon na chwe pa ri u bi' rumal ri Urim. Ri Josue are' ri cäyo'w na ri takanic chque ri aj israelib, che ronojel ri caquiban na.”

K'atal tak Tzij 20:18

Ri aj israelib xebe pa Betel, chila' xquita' wi che ri Dios che retamaxic jachique tinimit rajawaxic cäbe nabe che ch'o'j cuc' ri aj Benjamin. Ri Ajawaxel xubij chque chi ri Juda rajawaxic cäbe nabe.

Nabe Samuel 14:17

Ri Saul xubij chque ri ajch'ojab ri e teren chrij: “Chixsolinok rech cäkilo jachin ri kachil ri man c'o taj.” Aretak xban ri solinic, xilitajic chi man c'o ta ri Jonatan xukuje' ri to'l rech.

Nabe Samuel 14:36

Xubij chi c'u ri Saul: “Cujkaj bic pa we chak'ab ri' che u takexic qui ch'äquic ri aj pilisteyib cäkatokij c'u conojel ri jastak quech c'ä cäsakar na, man c'o ta c'u jun chque cäkac'asba' ta canok.” Conojel xquitzelej u bixic: “Bana' la jachique ri utz quil la.” Xubij c'u ri cojol tabal tok'ob: “C'ä majok c'o jas chekabana', ka ta na ka no'j che ri Dios.”

Nabe Samuel 23:9

Aretak c'u xretamaj ri David chi ri Saul cuchomaj u banic c'ax che, xubij che ri cojol tabal tok'ob Abiatar chi chuc'ama' ulok ri atz'iak ri nim u k'ij rech cutz'onoj u no'j che ri Ajawaxel.

Nabe Samuel 5:2

xquic'amo xquicoj pa ri rachoch ri dios Dagon, xquiya' c'u chuxcut ri Dagon.

Nabe Samuel 7:1

Xepe c'u ri aj Quiriat-jearim xquic'am c'u bic ri u caxa ri Ajawaxel, xquicoj pa ri rachoch ri Abinadab, ri c'o tza'm jun juyub; xquitas ri Eleazar ri u c'ojol che u chajixic.