Nabe Samuel 14:15 - Quiché Bible

¹⁵ Conojel ri e c'o pa ri kajebal, xukuje' ri e c'o chrij ri kajebal, xenoj che xe'n ib. Ri ajch'ojab ri e c'o che chajinelab xukuje' ri e jujun tak k'at e banal tak ch'o'j xukuje' xquixe'j quib. Xbantaj c'u ne jun cabrakan ri xukuje' xuslabej ri ulew, xc'ulmataj c'u jun nimalaj xe'n ib.

Nabe Samuel 14:15 ပူးပေါင်းရင်းမြစ်များ

Chapletajic 35:5

Aretak xebel bic chila', ri Dios xubano chi sibalaj xquixe'j quib tak ri tinimit ri e c'o apan chquinakaj, rumal ri' man c'o ta jun c'ax xquiban chque ri e ralc'ual ri Jacob.

Ucab Samuel 5:24

Aretak c'u quebata' u pa akanaj paquiwi' tak ri che', chachapa' ch'ojininic cuc', ri cubij wa' chi in benak chawäch che qui cämisaxic ri e aj pilisteyib.”

Ri Job 18:11

Xak xe'j rib pa apachique c'olbal; xe'j rib chi terenetal ri e u xo'l tak rakan.

Salmib 14:5

Quebirbot na e nojinak che quebirbit, c'o c'u ri Dios cuc' ri queniman che.

Elem 19:18

Ronojel c'u ri juyub Sinai xbukuw sib puwi', rumal rech chi ri Ajawaxel kajinak ulok pa u niq'uiajil ri k'ak'. Ri u sibal ri cäpakic junam ruc' ri u sibal jun jorno, ronojel c'u ri juyub sibalaj cäyicopic.

Ri Daniel 5:6

xsakmaqui' ri u palaj, rumal c'ut ri xe'n ib ri xoc che xquichaplej birbitem ri quieb u ch'ec c'ä chu jolom.

Ri Matey 24:6

Quita' na chi e c'o tak ch'o'j. Quita' na u tzijol tak ch'o'j. Chiwila' iwib mixsachic. Rajawaxic c'ut chi cäc'ulmax na wa'. C'ä majok c'u ri q'uisbalil.

Ri Josue 2:9

“In weta'm chi ri Ajawaxel u yo'm we ulew ri' chiwe, u banom c'ut chi ri uj sibalaj ka xe'n kib chiwäch. Conojel ri e jekel waral e cäminak che xe'n ib u mac iwech.

K'atal tak Tzij 7:21

Are c'u ri aj israelib xak jun xecanaj wi pa ri qui c'olbal, chquij ri c'ulel, conojel c'u ri ajch'ojab aj madianib xquirak qui chi', xebanimajic

Nabe Samuel 13:17

e c'o c'u ne ox k'at ajch'ojab aj pilisteyib xebel ulok chupam ri qui kajebal ri juk'at xbe chusuq'uil ri Opra rulew ri Sual,

Nabe Samuel 13:18

ri juk'at chic xebe pa Bet-horon, ri urox xbe tza'm ri juyub ri c'o pa u niq'uiajil ri beya' aj Zeboim, ri cäca'y pa ri chaki'j uwo sak.

Nabe Samuel 13:23

C'o chi c'ut juk'at aj pilisteyib ri xbe pa ri be re Micmas.

Nabe Samuel 14:14

Pa we nabe ch'ojinic ri', ri Jonatan rachil ri to'l rech man xebeytaj taj che qui cämisaxic juwinak achijab.

Nabe Samuel 14:16

Ri e u chajinelab ri Saul, ri e c'o pa Gabaa aj Benjamin, xequil ri aj pilisteyib quetililic quexiq'uinilobic quebe jeri' quebe jela'.

Nabe Samuel 7:10

Aretak ri Samuel cätajin cuchi'j ri tabal tok'ob ri cächajirisaxic, ri aj pilisteyib xepe chquij ri aj israelib che qui cämisaxic; ri Ajawaxel xutak ulok jun nimalaj cakulja paquiwi' xquixe'j c'u quib, rumal c'u wa' xech'äc cumal ri aj israelib.