Nabe Samuel 13:6 - Quiché Bible

⁶ Xekaj c'u ri aj israelib pa jun nimalaj c'ax sibalaj c'u nim ri c'ax ri xquiban ri aj pilisteyib chque, rumal ri' xequic'olo quib pa tak pec xukuje' pa tak jul, xukuje' xo'l tak ri nimak tak abaj pa tak u be ja' xukuje' pa tak c'ua'.

Nabe Samuel 13:6 ပူးပေါင်းရင်းမြစ်များ

Ucab Samuel 24:14

Xutzelej c'u u bixic ri David che ri Gad: “In c'o pa jun nimalaj latz'. Are c'u ri camic, are catan na chi cujkaj pa u k'ab ri Ajawaxel, sibalaj c'u nim na ri rutzil ranima', man pa qui k'ab ta c'ut ri achijab.”

Ri Isaiy 42:22

are c'u we tinimit ri' queläk'axic xukuje' queboc eläk'omab ruc', conojel banom chque chi quekaj pa che', e tz'apim pa jun k'ekumalaj c'olbal quemajixic c'ut, man c'o ta c'u jachin quetorowic; quebeläk'ax bic, man c'o ta jachin quetokin ta canok.”

Ri Jeremiy 41:9

Ri c'ua' ri xebuq'uiak wi bic conojel ri achijab ri e u cämisan are c'ua' wa' ri xutak u banic ri ajawinel As aretak cuto' rib chuwäch ri Baas ajawinel re Israel. Are c'u jun c'ua' ri sibalaj nim, xnoj c'u cumal ri qui cuerp ri winak ri xebucämisaj ri Ismael.

Ri Ezequiel 33:27

Chabij chque xukuje': ‘Je' wa' cubij ri Ajawaxel: Quinban ri chi'nic ri kas cäban na rumal ri nu bi' chi ri e jekel chquipam tak ri tinimit ri e etzeletajinak xukuje' quecämisax na, e are' c'u ri e jekel pa tak ri juyub quinban na chi quetij cumal ri juyubal tak awaj, e are' c'u ri e jekel chquipam tzac'atzak tak abaj xukuje' pa tak pec quecäm na cumal yabilal.

Filipenses 1:23

Man quinrik taj jachique we quieb ri' quincha'o. Quinwaj quincämic, quinel cho we uwächulew rech quinec'ol ruc' ri Crist. Are wa' sibalaj utz na.

Hebreos 11:38

Ri winak re ri uwächulew man takal ta chque quec'oji' ri winak ri' cuc'. Xebinicat pa tak chaki'j uwo sak, pa tak ri juyub, pa tak ri pec, xukuje' pa tak jul chupam ri ulew.

Ri Josue 8:20

Aretak ri achijab aj Hai xquitzalc'atij quib xeca'y chquij, xtaki' qui wäch chi ri u sibal ri tinimit xpaki' c'ä cho ri caj. Man c'o ta chi jawije' caquito' ta chi wi quib, are' c'u ri aj israelib ri xebanimaj pa ri chaki'j uwo sak, xquitzalc'atij quib che u banic ri ch'o'j.

K'atal tak Tzij 10:9

Ri aj amonib xek'ax pa ri nima' Jordan che u banic ch'o'j chrij ri Juda xukuje' ri Benjamin xukuje' ri Eprain; xpe c'u nimalaj c'ax paquiwi' ri aj israelib.

K'atal tak Tzij 20:41

Ri aj israelib xech'ojin cuc' ri aj Benjamin, ri e are' c'ut xquixe'j quib aretak xquil ri c'ax ri petinak paquiwi'.

K'atal tak Tzij 6:2

Xquichaplej c'u u banic c'ax ri aj madianib chque ri aj israelib, ri aj israelib rumal ri qui xe'n ib xequiban c'ubal tak quib pa tak ri juyub, pa tak ri pec, xukuje' pa tak ri c'olbal ri c'ax quirikic.

Nabe Samuel 13:15

Ri Samuel xel bic pa Jilgal che u takexic ri u be. Ri ajch'ojab ri e canajinak xquiterenej ri Saul che u banic ch'o'j, quelic pa Jilgal xebopan pa Gabaa aj Benjamin. Ri Saul chila' c'u xerajilaj wi ri ajch'ojab ri e achilaninak, e wakib sient (600) achijab c'ut.

Nabe Samuel 14:11

Je c'u ri' qui cabichal xquiya' c'olbal chi queilitaj cumal ri juk'at aj pilisteyib ri e c'o che u banic ch'o'j. Aretak c'u xeilitaj cumal wa', xquibij: “Chiwila', cätajin quebel ulok ri aj hebreyib pa tak ri pec ri xequic'olola' wi quib.”

Nabe Samuel 14:22

Conojel c'ut ri aj israelib ri xquic'u' quib pa tak ri u juyub ri Eprain aretak xquetamaj chi ri aj pilisteyib quebanimajic, xebe che cokataxic xukuje' che u banic ch'o'j cuc'.

Nabe Samuel 23:19

E are' c'u ri aj Zip xebe pa Gabaa che u ch'abexic ri Saul, xquibij c'u che: “Ri David u c'u'm rib pa ri kulew, pa jujun tak to'bal ib ri e c'o pa ri juyub Haquil, pa Hors, pa ri u mox ri chaki'j uwo sak.

Nabe Samuel 24:3

Pa ri u be xopan cuc' jujun tak c'olbal ri quewar wi tak ri chij chquinakaj wa' c'o wi jun pec ri qui c'olom wi quib ri David xukuje' ri rachijab. Ri Saul xoc pa ri pec che u banic ri u ch'uclem,

Nabe Samuel 31:7

Aretak c'u xquil ri aj israelib ri e jekel ch'akap che ri beya' xukuje' ri e c'o pa ri elebal k'ij che ri Jordan, chi xebanimaj ri e rajch'ojab ri Israel xukuje' chi xcäm ri Saul junam cuc' ri oxib u c'ojol, xequitzak can ri e qui tinimit, xebanimajic; xepe c'u ri aj pilisteyib xejeki' pa tak ri qui tinimit.

Nabe Samuel 7:7

Aretak c'u xquetamaj ri aj pilisteyib chi ri aj israelib qui mulin quib pa Mizpa, ri e qui nimal ri aj pilisteyib xewalij ulok xepe chquij. Ri aj israelib aretak xquetamaj, xquixe'j quib