Nabe Samuel 12:14 - Quiché Bible

¹⁴ Ri takal u banic iwumal camic are ri u ya'ic u k'ij ri Ajawaxel xukuje' u ya'ic k'ijilanic che, chixoc il che ri cubij chiwe ma ta c'u ne chinimaj ri e u takomal, we c'u ri ix, xukuje' ri iwajawinel ri cuk'ata' tzij piwi' quixbin chupam ri u rayibal ri Ajawaxel ri i Dios. We c'u je quiban wa', utz quixel na.

Nabe Samuel 12:14 ပူးပေါင်းရင်းမြစ်များ

Ucab Tzijobelil 15:2

xel bic che u c'ulaxic ri As che u bixic che: “¡Chintabej la, As, xukuje' conojel ri aj Juda xukuje' ri aj Benjamin! Ri Ajawaxel c'o uc' alak, we c'o alak ruc'. We c'u cäya' can alak, cärik na alak; we c'u catzakan alak, xukuje' ri are' cäya' can alak rumal.

Salmib 105:28

Ri Dios xutak ulok jun k'ekumalil ri ronojel xuch'uku, u mac rech chi ri aj ejiptib man xquinimaj ta ri e u tzij.

Ri Isaiy 3:10

Utz re ri suc'alaj winak, utz c'u quel na, cäquicot na ruc' ri u wächinic ri u chac.

Juyuwem 1:18

Ri Ajawaxel xuban ri takalic, rumal rech chi xebenc'ulelaj tak ri e u takanic. ¡Chinitatabej, tinimit iwonojel; chixoc il che rilic ri nu k'oxomal! ¡Ri e tak nu c'ojolab xukuje' tak ri e nu k'apojib e c'amom tak bic jacha lok'om patanijic!

Romanos 2:7

Cuya' c'u na ri junalic c'aslemal chque ri caquitzucuj ri juluwem, ri nim ilic, xukuje' ri man cämic taj; ri qui takem ri u banic ri utzil;

U Camulixic ri Pixab 13:5

Are c'u we k'axal tzij ri', o ri quec'utun jastak chuwäch, cac'okox na che cämical u mac rech chi xucoj i c'u'x che u tasic iwib chrij ri Ajawaxel ri i Dios ri xixutor chupam ri pataninic ri xixc'oji' wi pa Ejipt, xukuje' rumal rech chi xucoj u chuk'ab chiwe chi qui yacan ri be ri ix u takom ri Ajawaxel ri i Dios chi qui takej. Je quiban wa' che u sachic u wäch ri etzelal ri cac'oji' chixo'l.

Ri Josue 24:14

“Rumal rech wa', nim chiwila' wi ri Ajawaxel chipatanij ruc' jiquil man ruc' ta cawachil. Chebitzaka' can tak ri diosib ri xequik'ijilaj tak ri nabe tak i man chuchi' tak ri nima' Euprats xukuje' pa Ejipt, chipatanij ri Ajawaxel.

Ri Josue 24:20

We ri ix quixutuj quebipatanij c'u jule' tak diosib chic, cutzalc'atij na rib chiwij cuban na c'ax chiwe, cusachisaj na i wäch pune' c'u e u banom nimak tak utzil chiwe.”