Nabe Samuel 12:13 - Quiché Bible

¹³ C'o c'ut ri ajawinel chiwäch ri i rayim. Ri Ajawaxel u yo'm ri ajawinel ri xitz'onoj che.

Nabe Samuel 12:13 ပူးပေါင်းရင်းမြစ်များ

Ri Osey 13:11

In oyowarinak awuc', xebenya' tak a awajawinel, in oyowarinak awuc', xebenwesaj chawe.

Hechos 13:21

C'äte ri' xquitz'onoj jun cajawinel. Ri Dios xuya' ri Saul chque, ri u c'ojol ri Sis, ramak' ri Benjamin. Cawinak (40) junab xc'oji' che ajawinel paquiwi'.

Nabe Samuel 10:24

Ri Samuel xuc'ot qui chi' conojel: “¿La iwilom ri xcha'taj rumal ri Ajawaxel che ajawinel? Man c'o ta jun aj israel ri cäjunamataj ta ruc'.” “¡Chyok u k'ij ri ajawinel!” xecha' ri aj israelib.

Nabe Samuel 11:15

Rumal c'u ri' ronojel ri tinimit xutakej u be xbe pa Jilgal, chila' c'ut chuwäch ri Ajawaxel, xk'alajisax wi chi are' ajawinel ri Saul. Xequichi'j c'u tabal tak tok'ob che ri Ajawaxel re utzirisan ib, are c'u ri Saul xukuje' conojel ri aj israelib xenoj che quicotemal.

Nabe Samuel 12:17

Camic ri' are k'ijol ri cäk'at ri trico, man c'o ta c'u jäb, ¿la pa kastzij? Are c'u ri in quinta' na tok'ob che ri Ajawaxel chi quebutak c'u na ulok cakulja xukuje' jäb, rech ri ix quiwetamaj xukuje' qui ch'ob c'ut, je jacha' ri caril ri Ajawaxel, ri ix sibalaj itzel ri i banom chi xitz'onoj jun ajawinel.”

Nabe Samuel 12:19

Rumal ri' conojel xquibij che ri Samuel: “Bochi'j ba' la ri Ajawaxel ri Dios la paquiwi' we pataninel tak ech la ri', rech man cujcäm taj; chque c'ut conojel ri ka mac ka tikom ri u tz'onoxic jun ajawinel.”

Nabe Samuel 8:5

che u bixic che: “Ri lal, lal jun nim winak chic, ri e c'ojol la man je ta cäquibano jacha' ri caban la; rumal c'u ri', cojo' la jun ajawinel rech cajawin pakawi' jacha' ri nak'atisabal chquixo'l conojel ri nimak tak tinimit.”

Nabe Samuel 9:20

E are' tak c'u ri ati'tab tak bur ri e oc'owinak chi oxib k'ij e sachinak, matoc il chque e riktajinak chic. Ronojel c'ut ri sibalaj rayibal u wäch pa Israel cawechbej na at xukuje' ri e awachalaxic.”