Nabe Samuel 12:12 - Quiché Bible

¹² Ri ix aretak c'u xiwilo chi ri Nahas ri cajawinel ri aj amonib are' cäraj cach'ojin iwuc', ri ix xitz'onoj jun ajawinel chwe ri cäk'atow ta na tzij piwi', are c'u ne iwajawinel ri Ajawaxel ri i Dios.

Nabe Samuel 12:12 ပူးပေါင်းရင်းမြစ်များ

Chapletajic 17:7

Ri c'ulwächinic ri quinban awuc', ri xukuje' quinban cuc' conojel ri e awija'lil ri quepe na, chi ri in quinux na a Dios amak'el xukuje' qui Dios ri e are'.

Salmib 74:12

Ojer ulok, lal ri' ri lal wajawinel; Lal, nu Dios, xerik la q'ui tak ch'äcanic pa u niq'uiajil ri uwächulew:

Ri Isaiy 33:22

Ri colob ri taninem quech ri che' ri c'o pa qui niq'uiajil ri jucub quet'okpinic, man culic' ta rib ri atz'iak ri cäc'amow qui be. Quekatokij na q'ui tak k'inomal chque ri c'ulel, xukuje' ne ri moy curik na re ri jastak, ri man tz'akat ta cakan qui k'ab cäquitokij na que. Are' c'ut ri Ajawaxel are ka k'atal tzij, are cujpixbenic, xukuje' are' kajawinel, are' cujcolow na.

Ri Jeremiy 40:11

Xukuje' ri aj judeyib ri e c'o pa Moab, Amon, Edom xukuje' pa jule' tak ulew chic xquetamaj chi ri ajawinel re Babilon u yo'm c'olbal chi xecanaj can jujun aj judeyib pa ri ulew, chi u cojom c'ut ri Jedaliy che k'atal tzij paquiwi'.

Ri Osey 13:10

¿Jawije' c'u c'o wi camic ri awajawinel, chatuto' pa conojel tak ri a tinimit? ¿Jawije' e c'o wi ri quetakan pawi', ri xatz'onoj awajawinel chque xukuje' e c'amal tak i be?

Ajilanic 23:21

Man c'o ta jachin jun rilom ta subunic mawi etzelal pa Israel, ri u tinimit ri Jacob. Ri Ajawaxel ri u Dios c'o cuc', ri e are' caquiya' u k'ij jacha' jun ajawinel.

K'atal tak Tzij 8:23

Ri Jedeon xubij chque: “Mawi ri in mawi ri e nu c'ojol cujtakan ta na piwi', ri Ajawaxel are ri cätakan na piwi'.

K'atal tak Tzij 9:18

are c'u ri ix xixwalij chquij ri e u c'ojol ri nu tat, xebicämisaj ri oxc'al lajuj u c'ojol puwi' xa jun abaj. We c'u xa jubik' ri etzelal i banom xicoj chi c'u ri Abimelec che ajawinel, ri ral ri jun ixok ri man kas ta rixokil ri Jerobaal, xa rumal rech chi c'o quixux che.

Nabe Samuel 10:19

Are' c'u ri ix camic quiwetzelaj u wäch ri i Dios; ri ix resam pa conojel tak ri u q'ueyowal xukuje' pa tak ri rikoj tak c'ax, i xutum c'ut aretak i tz'onon jun iwajawinel ri cätakan piwi'. Rumal ri', chixeltac'al chuwäch ri Ajawaxel camic pa tak amak' pa tak u k'ab achalaxic.”

Nabe Samuel 8:3

Man je ta' c'u xquibano jacha' ri xuban ri qui tat, man xebux ta jic, are xkaj chquiwäch chi cäban u pa qui k'ab, man xquiban ta c'u ri suq'uilal.