Nabe Samuel 11:1 - Quiché Bible

¹ Ri Nahas, ajawinel pa Amon, xwalijic xebuc'am bic ri rajch'ojab che u banic ch'o'j ruc' ri tinimit Jabes re Galaad. E are' c'u ri aj Jabes xequibij che: “Chabana' jun c'ulwächinic kuc' cäkajach c'u kib pa k'ab.”

Nabe Samuel 11:1 ပူးပေါင်းရင်းမြစ်များ

Chapletajic 26:28

Ri e are' xquibij che: “Kilom chi c'o ri Ajawaxel awuc', rumal ri' xkachomaj chi cakaban jun c'ulwächinic awuc'. Ri c'ulwächinic are wa':

Ucab Samuel 10:1

Oc'owinak chi quieb oxib junab xcäm ri Nahas, ri cajawinel ri aj amonib, are' c'u xcanaj can ri Hanun ri u c'ojol che u q'uexwäch.

Ucab Samuel 10:2

Xpe c'u pa u jolom ri David chi je cuban che ri Hanun, ri u c'ojol ri Nahas, jas ri kas utzil ri xuban ri u tat che ri are', xebutak c'u bic jujun qui nimal ri rajch'ojab che ch'abenic rumal ri u cämic ri u tat. Aretak c'u xebopan ri e qui nimakil ajch'ojab ri xebutak bic ri David pa ri culew ri amonib,

Ucab Samuel 17:27

aretak c'u xopan ri David pa Mahanaim, xel ulok ri Sob che u c'ulaxic, u c'ojol ri Nahas, ri quel pa Raba ri c'o pa Amon; ri Maquir, u c'ojol ri Amiel, ri quel pa Lodebar; xukuje' ri Barzilay, ri quel pa Rojelim ri c'o pa Galaad.

Ucab Samuel 2:5

ri David xebutak bic jujun tako'n che u bixic chque: “Chi are' ri Ajawaxel quetewichinic rumal ri nimalaj utzil ri xquiban che ri Saul, ri cajaw, chi xquimuku.

Nabe Ajawinelab 20:34

Xubij c'ut ri Ben-adad che: “Quebentzelej na ri tinimit tak ri xebutokij ri nu tat che ri awech at; ri at cuya' caban a ch'äcoj pa Damasc, jacha' ri xuban ri nu tat pa Samar.” “In, quinya' nu tzij, catintzokopij bic,” xcha' ri Acab. Jewa' ri xbanic, ri Acab xuban jun c'ulwächinic ruc' ri Ben-adad, xutzokopij c'u bic.

Nabe Tzijobelil 10:11

Aretak xoc pa qui jolom conojel ri aj Jabes re Galaad ri xquiban ri pilisteyib che ri Saul,

Nabe Tzijobelil 10:12

xquijunamaj qui tzij conojel ri cowilaj tak achijab xebe che u c'amic ulok ri u cuerp ri Saul xukuje' ri quech ri e u c'ojol xequic'am c'u bic pa Jabes. Chila' xequimuk wi ri qui cuerp chuxe' jun nimalaj räx che'. Man xewa' ta c'u na wukub k'ij.

Ri Job 41:4

¿La caban ta lo che chi cuchi'j chawe chi cux a lok'om pataninel pa ronojel ri a c'aslemal?

Elem 23:32

Muc'ulaj rib a tzij cuc' mawi cuc' ri e qui diosib,

Ri Isaiy 36:16

Minimaj ri cubij chiwe. Ri ajawinel aj Asiriy xinutak ulok che u bixic chiwe chi chixutzir ruc', chijacha iwib pa u k'ab jeri' chijujunal quixcuinic quitij ri u wächinic ri e i uva xukuje' ri u wächinic ri i e higo ri e i ticom, xukuje' quitij na ri ja' ri c'o pa tak ri i c'ua'.

Ri Jeremiy 40:11

Xukuje' ri aj judeyib ri e c'o pa Moab, Amon, Edom xukuje' pa jule' tak ulew chic xquetamaj chi ri ajawinel re Babilon u yo'm c'olbal chi xecanaj can jujun aj judeyib pa ri ulew, chi u cojom c'ut ri Jedaliy che k'atal tzij paquiwi'.

Ri Jeremiy 40:14

xquibij c'u che: “¿La ma ta aweta'm chi ri ajawinel Baalis aj Amon u takom ulok ri Ismael, u c'ojol ri Netaniy, che a cämisaxic?” Are c'u ri Jedaliy man xucoj taj ri xquibij che.

Ri Ezequiel 17:13

Xuc'am c'u ri u c'ojol ri ajawinel xuban jun c'ulwächinic ruc', xutakchi'j c'ut chi cuban ri chi'nic ri kas cäban na chi chux jic, xebuc'am c'u bic ri winak ri nimak tak qui k'ij ri e c'o pa ri ulew

U Camulixic ri Pixab 23:3

Ri aj amonib xukuje' ri aj moabib mawi jubik' queboc ta pa ajilabal chquixo'l ri aj israelib, pune' ta ne oc'owinak chi lajuj ija'lil;

K'atal tak Tzij 10:7

Rumal ri' ri Ajawaxel xoyowar chquij, xebujach c'u pa qui k'ab ri aj pilisteyib xukuje' pa qui k'ab ri aj amonib.

K'atal tak Tzij 11:4

Oc'owinak chi quieb oxib junab, ri aj amonib xewalij chquij ri aj israelib,

K'atal tak Tzij 21:8

¿La c'o jun tinimit aj Israel waral ri man xc'oji' ta chuwäch ri Ajawaxel pa Mizpa?” Xnataj c'u chque chi ri aj Jabes ri e c'o pa Galaad man c'o ta jun chque xopan pa ri mulin ib,

Nabe Samuel 12:12

Ri ix aretak c'u xiwilo chi ri Nahas ri cajawinel ri aj amonib are' cäraj cach'ojin iwuc', ri ix xitz'onoj jun ajawinel chwe ri cäk'atow ta na tzij piwi', are c'u ne iwajawinel ri Ajawaxel ri i Dios.

Nabe Samuel 14:47

Jeri' ri Saul xumajij ajawinic pa Israel, xch'ojin c'u cuc' conojel ri e u c'ulel ri xebel ulok chrij pa ronojel c'olbal, e are c'u wa' ri Moab, ri Amon, ri Edom, ri ajawinel ri c'o pa Soba xukuje' ri aj pilisteyib. Apawije' ta ne ri cäbe wi che u banic ch'o'j, cäch'äcanic.