Nabe Samuel 10:11 - Quiché Bible

¹¹ Conojel c'ut ri queta'm ulok u wäch nabe, aretak xquilo chi xkaj pa majtajem junam cuc' ri e k'axal tak tzij, xequibila' chquixo'l: “¿Jas ri xuc'ulmaj ri u c'ojol ri Sis? ¿La xukuje' ri Saul are' jun cuc' ri e k'axal tak tzij?”

Nabe Samuel 10:11 ပူးပေါင်းရင်းမြစ်များ

Ri Amos 7:14

Are c'u ri Amos xutzelej u bixic che: “In man in ta k'axal tzij, mawi quintzucuj u banic. Quinch'äc ri quebajwataj chwe rumal qui chajixic chij xukuje' quimolic juyubal tak higo,

Ri Amos 7:15

are' c'u ri Ajawaxel xinresaj chquij tak ri chij, xubij c'u chwe: ‘Jät chach'abej ri nu tinimit Israel pa ri nu bi'.’

Ri Xuan 7:15

Xquimay ri aj judeyib, xquibij: “¿Jasche wa' c'o retamabal ri are', man u tijom ta c'u rib?”

Hechos 3:10

Cäquich'ob c'u u wäch chi are wa' ri cät'uyi' che u tz'onoxic u cochinic chuchi' ri oquibal pa ri rachoch Dios, ri u binam Je'lic. Sibalaj xquimayo, xsach qui c'u'x rumal rech ri xbantajic.

Hechos 4:13

Aretak ri e nimak tak tatayib xquilo chi ri Lu' xukuje' ri Xuan man cäquixe'j ta quib quech'awic; xukuje' xquilo chi xak e winak ri man c'o ta quitijom wi quib quemayijinic; queta'm c'u qui wäch chi xec'oji' ruc' ri Jesus.

Hechos 9:21

Conojel ri xquitatabej ri u tzij, xemayinic, xquibij: “¿La ma ta are' wa' xbanow c'ax chque ri winak pa Jerusalen ri caquinataj ri u bi' ri Jesus? ¿La ma ta xukuje' petinak waral che quiyutic bic quebuc'am c'u bic chquiwäch ri e c'amal qui be ri cojol tabal tok'ob?”

Nabe Samuel 19:24

xresaj c'u ne ri ratz'iak je u banom wa', ch'analic, xutakej c'u u k'axexic tzij chuwäch ri Samuel ronojel ri jun k'ij xukuje' ronojel ri jun ak'ab, chi' c'u xpe wi ri tzij cäbixic: “¿A xukuje' ri Saul are jun chquixo'l ri e k'axal tak tzij?”