Nabe Samuel 1:28 - Quiché Bible

²⁸ Ri in pa wech wi nu jachom pu k'ab ri Ajawaxel joropa' c'u junab cac'asi'c e are junab ri' cacanaj ruc'.” Are c'u ri Eli xumej rib c'ä xuya' na ri u palaj cho ri ulew chuwäch ri Ajawaxel.

Nabe Samuel 1:28 ပူးပေါင်းရင်းမြစ်များ

Chapletajic 24:26

Ri pataninel xxuquic, xuk'ijilaj c'u ri Ajawaxel,

Chapletajic 24:48

Xinxuqui' c'ut xink'ijilaj ri Ajawaxel; xinya' u k'ij ri Ajawaxel ri u Dios ri wajaw Abraham, rumal chi u c'amom nu be pa suc'alaj be che u c'amic ri u mia'l ri rachalaxic ri wajaw Abraham che rixokil ri u c'ojol.

Chapletajic 24:52

Aretak ri u pataninel ri Abraham xebuta' we tzij ri', xxuqui' chuwäch ri Ajawaxel xumej rib.

E C'ambal tak Tzij 31:2

Wal, qui wächinic ri nu c'u'x, tzelebal qui wäch tak ri nu bochi'nic ri xuya' ri Dios, ¿jas ta chic ri quincuin ta chi che u bixic chawe?

Ajilanic 6:8

Ronojel ri k'ijol ri cäbeytaj ri u chi'nic cäcanaj tastalic che u ternexic ri Ajawaxel Dios.

2 Timoteo 3:15

Aweta'm c'ut chi aretak at ch'utin na xawetamaj ri tastalic tak Tz'ibatalic, ri cäcuin chuyic a no'j chrij ri a colic rumal ri cojonic che ri Crist Jesus.

K'atal tak Tzij 7:15

Aretak xuta' ri ichic' ri xtzijoxic xukuje' ri quel cubij ri ichic', ri Jedeon xuk'ijilaj ri Ajawaxel. Xtzelej c'u pa ri qui kajebal ri aj israelib, xuya' c'u takanic: “Chixwalijok, ri Ajawaxel quebujach na ri aj madianib pa ka k'ab.”

Nabe Samuel 1:11

xuban c'u we chi'nic ri' che: “Ajawaxel ri c'o ronojel u cuinem: we ta quel c'u'x la che ri c'axc'olil ri c'o wi we pataninel ech la ri', quinnataj ta c'u che la, cäya' ta c'u la jun wal ala, in quinjach na che patanixic la, che c'u ri retal we tastajic ri' man cäsocax ta ri u wi' conojel ri k'ij ri cac'asi'c.”

Nabe Samuel 1:22

man xbe ta c'u ri Na'. Xubij c'u che ri rachajil: “Man quinbe ta na c'ä quel na ri ne' puwi' ri tu', c'äte ri' quinc'am bic che u jachic pu k'ab ri Ajawaxel xa c'u jumul chcanaj can chila'.”

Nabe Samuel 2:11

Xtzelej ri Elcan xbe cho rachoch pa Rama, are c'u ri ac'al xcanaj can che u patanixic ri Ajawaxel chuxe' ri u takanic ri Eli, ri cojol tabal tok'ob.

Nabe Samuel 2:20

Cäpe c'u ri Eli cutewichi'j ri Elcan xukuje' ri rixokil, jewa' cubij chque: “Ri Ajawaxel chuya' rajil u q'uexelal chiwe chebuya' c'u a c'ojol we ixok ri', che u q'uexwäch ri u jachom che u patanixic ri Ajawaxel.” Aretak c'u cätz'akat u banic ronojel quetzelej cho cachoch,

Nabe Samuel 28:2

Ri David xutzelej u bixic che: “Utz ri'. Camic quil na la ri cacuin we pataninel ech la ri' che u banic.” “We jeri',” xcha' ri Aquix che ri David, “catincoj che qui nimal ri e chajil wech joropa' k'ij quinc'asi'c.”