Nabe Samuel 1:13 - Quiché Bible

¹³ xak c'u pa ranima' cätajin cuban ch'awem ruc' Dios. Man cätataj ta ri u ch'abal; xuwi queslab ri u chi'. Are pa u c'u'x ri Eli chi xa k'abarel,

Nabe Samuel 1:13 ပူးပေါင်းရင်းမြစ်များ

Ri Nehemiy 2:4

“¿Jas ri catinto' wi?” xcha' ri ajawinel. Xintz'onoj c'ut ri u to'banic ri Dios ri c'o pa ri caj,

Salmib 25:1

Ajawaxel, uc' la quinch'aw wi;

Ri Zacariy 9:15

Ri Ajawaxel ri c'o ronojel u cuinem cuto' na qui wi' ri e rech, ri e are' quequitac'alej na canok tak ri cabaj quech ri aj iquiak' quequibik' c'u na tak ri quequiban qui c'ulel chque; quecuq'uiaj na ri qui quiq'uel jacha' ta ne ruq'uiaxic u wa'l uva, quequinojisaj na quib chque e jacha' ta ne jun nimalaj lak, e jacha' ta ne ri e ruc'a' ri porobal.

Hechos 2:13

Niq'uiaj winak chic cäquitze'j qui wäch, xquibij: “¡Xa' e k'abarelab!”

Romanos 8:26

Jewa' xukuje' ri Uxlabaxel cuya' ka chuk'ab pa ri ka tukaril. Man keta'm ta c'ut cäkaban ch'awem ruc' Dios jas ri kas rajawaxic u banic. Kas are c'u ri Uxlabaxel cubochi'j ri Dios ruc' ch'ikowem pakawi', ri man cujcuin ta che u bixic.

1 Corintios 13:7

Ronojel cucoch'o, ronojel cucojo. Ronojel cucu'ba' wi u c'u'x, ronojel cuch'ijo.

Nabe Samuel 1:12

Rumal c'u rech chi xbeytaj ri Na' che u banic ch'awem chuwäch ri Ajawaxel, ri Eli xca'y che ri u chi';