Nabe Samuel 1:10 - Quiché Bible

¹⁰ Ri Na' ruc' ronojel ranima' cätajin cok' ruc' c'ayil, xoc che u banic ch'awem chuwäch ri Ajawaxel

Nabe Samuel 1:10 ပူးပေါင်းရင်းမြစ်များ

Chapletajic 30:1

Aretak ri Raquel xrilo chi man c'o ta ral quec'oji' ruc' ri Jacob, xoyowar chrij ri Lea, xubij c'u che ri rachajil: “Chebaya' wal, we c'u man quebaya', quincäm na.”

Chapletajic 50:10

Aretak xebopan pa Goren-ha-atad ri c'o pa elebal k'ij che ri nima' Jordan, xquiban jun nimalaj ok'ej chila' che u bisoxic ri Jacob. Ri Jose wukub k'ij xrok'ej ri u tat chila'.

Ucab Samuel 13:36

Xak c'u alicha' u q'uisom tzijonem aretak xebopan tak ri e u c'ojol ri ajawinel xquichaplej c'u ok'ej co xquirak qui chi'. Are jun ri ajawinel xukuje' conojel ri e rach k'atal tak tzij xquiq'uis quib che ok'ej.

Ucab Samuel 17:8

Ri lal eta'm la chi ri tat la xukuje' ri e rachil sibalaj e cowilaj tak achijab, e ch'ujarinak c'u camic jacha' jun juyubal ati't os ri e tokim ri ral. Xak c'u u wi' chic, ri tat la nak'atal che u banic ch'o'j man caroc'owisaj ta ri ak'ab chquixo'l tak ri e rajch'ojab.

Ucab Ajawinelab 20:3

“In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Ri Job 10:1

“¡In cosinak chic che ri c'aslemal! Quinco' wib cumal tak ri e nu tzujunic, quintzokopij na ulok ri nu c'ayil.

Ri Job 7:11

Rumal ri' man cuya' taj chi ma ta c'o jas quinbij. Chupam ri nu k'oxomal xukuje' ri c'ayil ri in c'o wi quinya' qui bixic tak ri quinna' pa ri wanima'.

Ri Job 9:18

quinunojisaj na ri' che c'ayil man cuya' ta na ri' chwe quinjic' ri wuxlab.

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

E C'ambal tak Tzij 14:10

Ri anima'aj quebuch'ob ri kas e u c'ayilal, man cujach ta qui wäch ri man reta'm ta u wäch man cunim ta na rib chupam ri u quicotemal.

Ri Isaiy 38:15

¿Jas ta c'u ri quincuin ta che u bixic che we ri are' are xbanowic? Man coc ta chi ri nu waram rumal ri u c'axc'ol ri nu c'aslemal.

Ri Isaiy 54:6

At je jas jun ali c'ulanic ri xutum canok xukuje' cäbisonic, are c'u ri a Dios at u siq'uim chi jumul cubij c'u chawe:

Ri Jeremiy 13:17

We c'u ne man quixoc ta il che u nimaxic ri cäya' u bixic chiwe, quinok' na chi c'uyal u mac ri nimal ri quixc'amowic; quebelel na ri u wa'l tak wächaj chque ri nu bak'wäch, rumal rech chi e yutuyuj quec'am na bic ri e u jumulaj ri Ajawaxel.

Ri Jeremiy 22:10

Miwok'ej ri ajawinel Josiy, miwok'ej ri u cämical; are chi wok'ej ri Salum ri u c'ojol, ri cäbec man cätzelej ta chi c'u ulok mawi c'u jumul cäril ta chi na ri ulew ri xalax wi. Jewa' cubij ri Ajawaxel che ri cuc'ulmaj na ri Salum, u c'ojol ri Josiy, ajawinel re Juda, ri xcanaj can che u q'uexwäch ri u tat puwi' ri tem re ajawibal, xel c'u bic chupam we c'olbal ri': “Man cätzelej ta chi c'u na ulok,

Juyuwem 3:15

Ri Ajawaxel in u nojisam chque c'ayil; c'a ri uq'uia' ri u yo'm chwe.

Ri Lucax 22:44

Aretak xel ch'u'j ri ranima', sibalaj xbochi'n che ri Dios. Are ri u c'atanal je jas ri ju tak tz'uj quic' ri cäkaj cho ri ulew.

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

K'atal tak Tzij 21:2

Xquimulij c'u quib pa Betel, xec'oji' chuwäch ri Ajawaxel c'ä xoc na ri ak'ab, xquiq'uis quib che ok'ej xquibij:

Ri Rut 1:20

Ri are' xutzelej u bixic chque: “Man quibij ta chic Noemi chwe; C'ayil chixchok chwe, rumal rech chi ri Dios ri c'o ronojel u cuinem in u nojisam che c'ayil.

Nabe Samuel 1:11

xuban c'u we chi'nic ri' che: “Ajawaxel ri c'o ronojel u cuinem: we ta quel c'u'x la che ri c'axc'olil ri c'o wi we pataninel ech la ri', quinnataj ta c'u che la, cäya' ta c'u la jun wal ala, in quinjach na che patanixic la, che c'u ri retal we tastajic ri' man cäsocax ta ri u wi' conojel ri k'ij ri cac'asi'c.”

Nabe Samuel 1:9

C'o c'u jumul, aretak c'o ri Na' pa Sil, xwalijic aretak xtijtaj ri u wa. Ri Eli ri cojol tabal tok'ob t'uyul puwi' jun tem chunakaj ri oquibal ri queboc wi ri winak pa ri rachoch ri Dios.