Nabe Ajawinelab 9:9 - Quiché Bible

⁹ Cätzelex c'u na u wäch ri u tzij are xbanowic chi xquixutuj can ri Ajawaxel ri qui Dios, ri xebesan ulok ri e qui mam pa Ejipt, rumal c'u rech chi are xbe qui c'u'x che qui k'ijilaxic xukuje' che qui patanixic jule' tak diosib chic; rumal c'u ri' ri Ajawaxel xubano chi xpe we nimalaj etzelal ri' paquiwi'.”

Nabe Ajawinelab 9:9 ပူးပေါင်းရင်းမြစ်များ

Nabe Ajawinelab 18:18

“Man in taj ri cätajin quinban c'ax,” xcha' ri Eliy, “xane' lal xukuje' ri e winak la, rumal ri qui ya'ic can tak ri e u takomal ri Ajawaxel xquiya' c'u k'ijilanic chque ri jalan tak qui wächbal ri Baal.

Ucab Ajawinelab 22:17

Kas in quixutum canok qui porom c'u c'oc' k'ol chquiwäch jule' tak diosib, xa' c'u woyowal caquiyac rumal ronojel ri cäquibano; rumal ri' nicowinak ri woyowal chrij we c'olbal ri', man c'u cächup ta na.

Ucab Tzijobelil 29:8

Rumal ri', ri Ajawaxel xoyowar ruc' ri Juda xukuje' ri Jerusalen, xuban c'u chque chi xebux xibibal xukuje' chi quequiya' tak xe'n ib, jacha' ri e iwilom ix cuc' ri kas e i bak'wäch.

Ucab Tzijobelil 7:22

Catzelex c'u na u bixic u mac rech chi xquitzak canok ri Ajawaxel, ri qui Dios ri e qui mam, ri xebesan ulok pa Ejipt, xukuje' u mac rech chi are xbe canima' che qui k'ijilaxic xukuje' che qui patanixic tak diosib chic; rumal c'u ri' xubano chi xpe jun nimalaj u q'ueyowal paquiwi'.”

Ri Jeremiy 2:19

Ri kas awetzelal cac'äjisan na a wäch, ri man a jiquil taj catc'okon na. Chatchomanok cawil c'u na ri lawaloyil xukuje' ri c'ayil ri uxinak chi quinaq'uiak canok man a yo'm ta nu k'ij in, ri in ri Ajawaxel ri a Dios. In, ri Ajawaxel ri c'o ronojel u cuinem, quinjiquiba' u bixic.”

Ri Jeremiy 22:8

Winak quech nimak tak tinimit queboc'ow na chunakaj we tinimit ri', caquic'otola' c'u na qui chi': ‘¿Jasche ri Ajawaxel je xuban wa' che we tinimit ri' ri sibalaj nim?’

Ri Jeremiy 44:23

We quiäkasakil ri' ri quixriktaj tak wi camic petinak wa' piwi' rumal rech chi xebichi'j c'oc' k'ol chque jule' tak diosib, macunic c'u wa' xiban chuwäch ri Ajawaxel, xukuje' rumal rech chi man xebequinimaj taj ri e u pixbenic xukuje' tak ri pixab, mawi xebequitz'akatisaj tak ri e u takanic.”

Ri Jeremiy 5:19

Aretak chi qui c'ot achi': ‘¿Jasche ri Ajawaxel ri ka Dios xuban ronojel wa' chke?’, chatzelej u bixic chque: ‘Je' jacha' ri xibano xitzak can ri Ajawaxel xixoc c'u che qui patanixic qui diosib winak re jun ulew chic chupam ri kas rulew, jeri' xukuje' quequipatanij na winak chupam jun ulew ri man quech taj.’ ”

Ri Jeremiy 50:7

Aretak queriktaj cumal ri qui banom qui c'ulel chque caquibij c'ut: ‘Man ka mac taj, rumal rech chi ri e are' xemacun chuwäch ri Ajawaxel, ri jicalaj tzukul quech, ri queyebal c'u'x ri e qui mam.’

Juyuwem 2:15

Aretak catquil ri queboc'ow pa ri be caquipak'apa' qui k'ab che a yok'ic; quexulk'ubic caquislabaj c'ut ri qui jolom che retz'bexic a wäch, je c'u caquibij wa' che ri je'lalaj Jerusalen: “¿La are ta c'u tinimit wa' ri cabinaxic ri tz'akatalaj je'lical re ri uwächulew?”

U Camulixic ri Pixab 29:23

cäquil c'u na chi ronojel ri ulew xa asubre chic, xa atz'am chic xukuje' c'atinak ulew. Man c'o ta chi jas cuya' cätic pa we ulew ri'. Man cuya' ta chic u wächinic mawi k'ayes cäq'uiy chi chuwäch, jas ri xc'ulmatajic aretak xeporox tak ri tinimit re Sodom, re Gomor, ri Adma xukuje' ri Zeboim, ri xsachisax qui wäch rumal ri Ajawaxel pa ri u k'ak'al ri royowal.