Nabe Ajawinelab 9:4 - Quiché Bible

⁴ Are c'u ri camic, we ri at utz ruc'axic ri a c'aslemal caban chnuwäch jacha' ri xuban ri David, ri a tat, ruc' jun anima' ri man c'o ta jas cäriktaj chrij, ri suc', catoc c'u che u banic ronojel ri at nu takom wi, quebanimaj c'ut ri e nu pixab xukuje' tak ri e nu takanic,

Nabe Ajawinelab 9:4 ပူးပေါင်းရင်းမြစ်များ

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 20:5

Kas c'u are ri Abraham xbin chwe chi rana'b we ixok ri', xukuje' we ixok ri xubij chwe chi u xibal we achi ri', ronojel ri xinbano xinban ruc' u ch'ajch'ojil wanima', quinch'obo chi man c'o ta etzelal nu banom.”

Ucab Samuel 22:22

Ri in are nu takem ri u be ri Ajawaxel; ¡mawi jumul nu xutum ta can ri nu Dios!

Nabe Ajawinelab 11:38

We c'u canimaj ronojel ri catintak che u banic quebux c'u colom ri e a banoj chnuwäch, we c'u quebatz'akatisaj tak ri e nu pixab xukuje' tak ri nu takomal, jacha' ri xuban ri David, ri pataninel wech, in quinc'oji' na awuc', quinban na chi quebenjekeba' na ri awalaxic pa ri ajawinic, jacha' ri xinban che ri David; quinjach c'u na ri Israel chawe.

Nabe Ajawinelab 11:4

Aretak nim winak chic ri Salomon, ri e rixokil xquibano chi xjech'ob ri ranima' che qui k'ijilaxic jule' tak diosib chic, man kas ta c'u u jachom chi rib pa u k'ab ri Ajawaxel ri u Dios, jacha' ri xuban can ri David, ri u tat.

Nabe Ajawinelab 11:6

Jeri', ri e u banoj ri Salomon man e utz ta chic chuwäch ri Ajawaxel, man c'u xuterenej ta ri Ajawaxel ruc' jiquil, jacha' ri xuban ri David, ri u tat.

Nabe Ajawinelab 14:8

In xinwesaj ri ajawinic chque ri e rija'lil ri David, che u ya'ic chawe. Are c'u ri at man at junamatajinak ta ruc' ri David ri pataninel wech, ri xebutz'akatisaj tak ri e nu takomal, xinuterenej ruc' ronojel ri ranima', ri xebuban utzalaj tak banoj chnuwäch;

Nabe Ajawinelab 15:5

ri David utz xbinic xya' c'u u k'ij rumal ri Ajawaxel, mawi jubik' xutas ta rib che u nimaxic u banic ri xtakan wi ri Ajawaxel, xuwi ri etzelal ri xuban che ri Uriy ri aj hitit.

Nabe Ajawinelab 3:14

We c'u caban ri nu rayibal, xukuje' quebatz'akatisaj tak ri nu pixab xukuje' tak ri e nu takomal, jacha' ri xuban ri David, ri a tat, naj c'ut catin c'asba' na.”

Nabe Ajawinelab 3:3

Ri Salomon culok'oj ri Ajawaxel quebutz'akatisaj c'ut ri pixab ri e u cojom can ri David, ri u tat, xuwi c'u paquiwi' tanatak tak c'olbal quebuchi'j wi tabal tak tok'ob xukuje' c'oc'alaj k'ol,

Nabe Ajawinelab 3:6

Ri Salomon xutzelej u bixic: “Ri lal xban la nimalaj utzil che ri nu tat ri David ri pataninel ech la, ri are' xbin chwäch la ruc' tz'akatil, ruc' suq'uilal xukuje' ruc' jun ch'ajch'ojalaj ranima' uc' la. Rumal ri' xban la nimalaj utzil che, xya' c'u la che chi jun u c'ojol cät'uyi puwi' ri u tem re ajawibal, jas ri c'ulmatajinak camic.

Nabe Ajawinelab 6:12

“Chupam c'ut we rachoch Dios ri' ri cätajin cayaco, quinwaj quinbij chawe chi ri in quintz'akatisaj na ri xinchi'j che ri David, ri a tat, ri xinbij chawij, quinjeki' c'u na chquixo'l ri aj israelib, man quintzak ta canok ri Israel ri nu tinimit, we canimaj tak ri nu pixab xukuje' tak ri e nu takanic, quebatz'akatisaj c'u conojel tak ri e nu takomal je c'u cabano jas tak ri caquibij.”

Nabe Ajawinelab 8:25

Je c'u ri', Ajawaxel, u Dios ri Israel, tz'akatisaj ba' la xukuje' ri xchi'j la che ri pataninel ech la ri David, ri nu tat: ruc' ri tok'ob la, chi mawi jumul ma ta c'o jun rija'lil ri ma ta cäpaki' na puwi' ri tem re ajawibal re Israel, xuwi ta ne we ri e u c'ojol caquichajij ri qui c'aslemal utz ta c'u ruc'äxic ri qui c'aslemal caquiban chwäch la jacha' ri xuban ri are'.

Ucab Ajawinelab 20:3

“In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Ucab Tzijobelil 17:4

xane' are' xupatanij ri u Dios ri u mam, xebutz'akatisaj tak qui banic tak ri e u takomal man xutakej ta u banic rech ri cäquiban ri winak aj Israel.

Salmib 101:2

quinwaj quinjeki' pa colomal. ¿Jampa' lo cäpe la wuc'? Man c'o ta mac quinc'ulaj pa nu c'aslemal xukuje' ne chupam ri nimalaj wachoch;

Salmib 128:1

Utz awech at, ri nim cawil wi ri Ajawaxel, xukuje' catniman che.

Salmib 15:2

Xuwi ri man c'o ta mac pa ri u c'aslemal xukuje' cuban utzil, ri cubij ri kastzij ruc' ronojel ranima',

Salmib 26:1

Ajawaxel, bana' la suq'uilal chwe, man c'o ta macaj pa ri nu c'aslemal. Mawi jubik' quinwesaj ri cu'lbal nu c'u'x chij la;

Salmib 26:11

In bininak c'ut chupam ri nu ch'ajch'ojil; chinto'tajisaj la chel c'u'x la chwe.

Salmib 78:72

Are c'u ri David xuchajij ri u tinimit ri Dios; xebuchajij xuc'am c'u qui be ruc' k'abaj nawinel xukuje' animaj ri jic.

E C'ambal tak Tzij 10:9

Ri man c'o ta jubik' subunic cubano, man c'o ta jas cuxe'j wi rib; ri quieb u wäch u be, etzelal cuq'uisa' wi na u wäch.

E C'ambal tak Tzij 20:7

¡Sibalaj utz quech ri c'ojolaxelab ri quebuya' can ri bininak pa colomal tz'akat c'u pa ronojel!

E C'ambal tak Tzij 28:18

Ri winak ri tz'akatisanel pa ronojel man c'o ta cuc'ulmaj, are' c'u ri itzel winak cätzak na pa ri etzelal.

Ri Ezequiel 18:9

je cubano jas ri caquibij tak ri nu pixab kas quebutz'akatisaj tak ri nu takomal. We achi ri' are' wa' ri kas colom ri u c'aslemal, rumal c'u rech wa' cutakej c'aslemal. In, ri Ajawaxel, quinjiquiba' u bixic.

Ri Zacariy 3:7

“Are wa' ri cubij ri Ajawaxel ri c'o ronojel u cuinem: ‘Chatbin chquipam tak ri e nu be chebatz'akatisaj c'u conojel ri ya'tal qui banic awumal ri e nu yo'm qui bixic chawe. We je caban wa', quinjach na can ri wachoch pa a k'ab. Cachajij na xukuje' ri e uwo tak ja ri e c'o che, quinya' c'u na jun awekle'n chquixo'l tak ri e aj cajalaj tak tako'nib ri e c'o che nu patanixic.

Ri Lucax 1:6

Ri Zacariy ruc' ri Elisabet e suc' chuwäch ri Dios. Cäquinimaj ronojel ri u takanic ri Ajawaxel. Cäquinimaj ronojel ri pixab. Man c'o ta etzelal xriktaj chquij.

U Camulixic ri Pixab 28:1

“We kas catniman che ri Ajawaxel ri a Dios, quebaban c'u conojel ri e u takomal ri catintak che qui banic camic, ri Ajawaxel cuya' na chawe chi cattakan paquiwi' tak ri tinimit cho ri uwächulew.