Nabe Ajawinelab 9:3 - Quiché Bible

³ xubij c'u che: “Nu c'amowam ri ch'awem ri a banom xukuje' ri bochi'nic ri a banom chwe nu tasom c'ut we ja ri' ri a yacom jacha' jun jekelibal che ri nu bi' amak'el. Amak'el c'ut quinchajij na man cäsach ta c'u pa nu jolom.

Nabe Ajawinelab 9:3 ပူးပေါင်းရင်းမြစ်များ

Nabe Ajawinelab 8:29

Chi pa k'ij chi chak'ab, mätanaba' la u ca'yexic we achoch la ri', c'olbal ri bim wi la chi chi' cäriktaj wi la. Chtatabej la ri ch'abebexic la ri cuban ri pataninel ech la waral.

Ucab Ajawinelab 20:5

“Chattzelejok chabij che ri Ezequiy, ri c'amal u be ri nu tinimit: ‘Ri Ajawaxel, ri u Dios ri a mam David, cubij: In xintatabej ri a bochi'nic xukuje' xebenwil ri e u wa'l tak a wäch. Catinwutzirisaj na, pa oxib k'ij c'ut catcuinic catbe chupam ri rachoch ri Ajawaxel.

Ucab Ajawinelab 21:7

Xucoj c'u jun u wächbal ri Asera chupam ri rachoch ri Ajawaxel, ri xubij wi ri Ajawaxel che ri David xukuje' che ri Salomon ri u c'ojol: “We wachoch ri' ri c'o pa Jerusalen, ri nu cha'om chquixo'l conojel ri ramak' ri Israel, cux na u jekelibal ri nu bi' amak'el.

Ucab Tzijobelil 33:7

Xukuje' xutac'aba' ri dios (jun u cawäch ri Dios) ri xuban chupam ri rachoch ri Dios, ri u bim wi ri Dios che ri David xukuje' che ri Salomon ri u c'ojol: “We rachoch Dios ri' pa Jerusalen, ri nu cha'om chquixo'l tak ri amak' re Israel, are wa' ri cux na u jekelibal ri nu bi' amak'el.

Ucab Tzijobelil 6:40

Choc ba la il nu Dios, chtatabej la ri ch'awem ri queban chupam we c'olbal ri'.”

Ri Esdras 6:12

¡Are' c'u ri Dios ri xucha' ri Jerusalen che u jekelibal ri u bi', chusachisaj u wäch apachique ajawinel, o apachique nim tinimit ri cuyac rib che u banic etzelal o c'axc'olil che ri Rachoch ri Ajawaxel ri c'o pa Jerusalen! In, Dariy, in in yowinak we takanic ri'. Je chbanok je jas ri tz'ibatalic.”

Salmib 10:17

Ajawaxel, lal cata' la ri qui ch'awem ri e mach'alic, cäya' la qui chuk'ab xukuje' coc la il chque.

Salmib 116:1

Quinlok'ok'ej ri Ajawaxel xutatabej c'ut ri nu bochi'nic,

Salmib 34:17

Ri Ajawaxel coc il che ri cok'ej ri winak ri utz canima', queresaj c'u chquipam tak ri qui c'axc'olil.

Salmib 65:3

Ri ketzelal, uj qui kajbem, ri lal c'ut quesach la ri e ka mac.

Salmib 66:19

xinutatabej c'ut, xoc il che ri nu ch'awem.

Elem 20:11

Rumal rech chi wakib k'ij xucoj ri Ajawaxel che u banic ri caj, ri ulew, ri plo xukuje' ronojel ri c'o chquipam, xoc c'u che uxlanem chupam ri uwuk k'ij. Rumal ri' ri Ajawaxel xutewichi'j ri k'ij re uxlanem xuk'alajisaj c'ut chi tastalic k'ij.

Elem 29:44

Quintas na ri Lic'om Rachoch Dios re rikoj ib, xukuje' ri porobal, xukuje' quitas na ri Aaron e rachil ri e u c'ojol e jacha' che e cojol tabal tok'ob ri e wech.

Ri Jeremiy 15:1

Ri Ajawaxel xubij chwe: “Pune' ta ne ri Moises rachil ri Samuel quelquitac'aba' ta quib waral, chnuwäch in, man quel ta na nu c'u'x che we tinimit ri'. Chabij chque chi chebel chnuwäch, chi cheboj.

Ri Jeremiy 7:10

chwi chi c'u wa' quixpe chupam we wachoch ri' ri tasom chwe, che u tac'abaxic iwib chnuwäch. Are c'u pa i c'u'x chi man c'o ta quic'ulmaj waral; are c'u pa i c'u'x chi quixcuinic quitakej qui banic ri jastak ri man quebencoch' taj.

Ri Daniel 9:23

Xuwi xachaplej u banic ch'awem ruc' Dios, ri Dios xutzelej u wäch ri a tz'onon. Ri in in petinak chubixic chawe ri xubij, rumal c'u rech chi sibalaj at lok' chuwäch ri Dios. Are c'u ri camic kas chatatabej ri quinbij chawe, rech cach'ob ri c'utwächinic:

Ajilanic 16:38

Ri e qui bukibal tak we achijab ri e cäminak rumal rech ri mac ri qui banom, e tastajinak canok rumal rech chi xecoj che u ya'ic c'oc' k'ol chnuwäch. Chibana' ba' ripirak tak ch'ich' che we ch'ich' ri', che u ch'ukic rij ri porobal, c'utbal c'u wa' ri chcanaj chque ri aj israelib.”

Ri Matey 6:9

Ri ix c'ut je ch'awem wa' chibana': ‘Ka Tat ri c'o la pa ri caj, chtastaj ri bi' la.

Ri Xuan 11:42

Ri in weta'm chi amak'el quintatabej la. Xinbij c'u wa' rumal quech ri e q'ui winak ri e c'o chwij, rech cäquicojo chi ri lal xintakow la ulok.”

Hechos 10:31

Je xubij wa' chwe: ‘Cornel, tatajinak ri a ch'awem rumal ri Dios natal c'u che chi c'o a yo'm chque ri mebayib.

U Camulixic ri Pixab 11:12

Are jun ulew ri kas are' ri Ajawaxel quilinic; puwi' u yo'm wi ri e u bak'wäch ronojel ri junab.

U Camulixic ri Pixab 12:11

chupam c'ut ri c'olbal ri cucha' na ri Ajawaxel ri i Dios jacha' che u jekelibal ri u bi', quichi'j c'u na che ronojel ri nu takom u banic chi quibano: awaj tak ri quepilic xukuje' queporox tak che u ya'ic u k'ij, lajujil, tak cuchuj tak ri sipanic tak ri e cha'om chque tak ri chi'nic ri e i banom che ri Ajawaxel.

U Camulixic ri Pixab 12:21

We c'u ne sibalaj naj c'o wi ri c'olbal chiwe ri cucha' che u jekelibal ri u bi', cuya' quebipil wacax xukuje' ri chij ri e u yo'm ri Ajawaxel chiwe, quitij c'u ronojel ri quiwaj pa ri c'olbal ri ix jekel wi, jas ri takanic ri nu yo'm chiwe.

U Camulixic ri Pixab 12:5

chquixo'l tak ri iwamak' ri Ajawaxel cucha' na jun c'olbal ri cäjeki' wi na ri u bi', chila' c'u quixbe wi na che u k'ijilaxic.

U Camulixic ri Pixab 16:11

Quiban c'u nimak'ij chuwäch ri Ajawaxel ri i Dios, pa ri c'olbal ri u cha'om che u jekelibal ri u bi', junam cuc' ri e iwalc'ual, ri pataninel tak iwech ri e lok'om, ri aj levitib, ri man e i winakil ta, ri minorib xukuje' ri malca'nib ri e jekel pa ri i tinimit.

1 Juan 5:14

Are wa' ka cu'bisam wi ka c'u'x chrij ri Dios, chi we c'o ri cäkatz'onoj jas ri u beya'l ri u rayinic, cujutatabej.