Nabe Ajawinelab 8:9 - Quiché Bible

⁹ Man c'o ta c'u jas c'o chupam ri caxa xane' xak xuwi ri quieb tz'alam tak abaj ri xebuya' ri Moises chupam chila' pa Horeb, ri quieb tz'alam rech ri c'ulwächinic ri xuban ri Ajawaxel cuc' ri aj israelib aretak xebel ulok pa Ejipt.

Nabe Ajawinelab 8:9 ပူးပေါင်းရင်းမြစ်များ

Nabe Ajawinelab 8:21

Nu banom c'u ne jun c'olbal che ri caxa jawije' c'o wi ri c'ulwächinic ri xuban ri Ajawaxel cuc' ri e ka mam aretak xeresaj ulok pa Ejipt.”

Ucab Tzijobelil 5:10

Chupam ri caxa xuwi e c'o ri quieb tz'alam abaj ri xebuya' ri Moises chupam pa Horeb, ri tz'alam tak abaj re ri c'ulwächinic ri xuban ri Ajawaxel cuc' ri aj israelib aretak xebel ulok pa Ejipt.

Ucab Tzijobelil 5:9

Sibalaj c'u e nimak ri qui rabic ri e u balulil chi quebilitaj kas chupam ri Tastalicalaj C'olbal, ri c'o chuwäch ri Sibalaj Tastalicalaj C'olbal, man quebilitaj ta c'u chrij; je c'u e canajinak wa' c'ä pa ri k'ij camic.

Elem 13:21

Ri Ajawaxel xnabej chquiwäch pa k'ij pa jutac'aj sutz' che u c'amic qui be, chak'ab xnabej chquiwäch pa jutac'aj k'ak' che u c'utic ri qui be. Rumal c'u ri' xecuinic xebin chak'ab, xukuje' pa k'ij.

Elem 14:24

aretak c'u xpe u sakaric, ri Ajawaxel xebuca'yej ri ajch'ojab aj ejiptib pa ri jutac'aj k'ak' xukuje' pa ri jutac'aj sutz', xebuyojij c'ut;

Elem 16:10

Aretak cätajin cätzijon ri Aaron cuc' ri aj israelib, conojel xeca'y apan pa ri chaki'j uwo sak, xc'utun c'u ri u juluwem ri Ajawaxel chquiwäch pa jun sutz'.

Elem 16:33

Xubij c'u ri Moises che ri Aaron: “Chac'ama' jun t'uy, chaya' jun gomer (quieb litro) jaswa' chupam. Chaya' chuwäch ri Ajawaxel, rech cäc'ol can chque ri e u wi' tak i mam ri quepe na.”

Elem 25:16

chaya' c'u chupam ri caxa ri pixab ri quenya' chawe.

Elem 25:21

Chaya' ri tz'apibal puwi' ri caxa, chaya' c'u ri pixab chupam ri caxa ri quenya' chawe.

Elem 40:20

Xebuc'am ri Moises ri tz'alam tak abaj ri e tz'ibatal wi ri pixab, xebuc'ol chupam ri caxa re ri c'ulwächinic; xebujut ri u balul ri caxa pa tak u xcut xucoj c'u ri tz'apibal puwi',

Ri Ezequiel 10:4

Xwalij c'ut ri u juluwem ri Ajawaxel paquiwi' ri aj cajalaj tak to'banelab ri e c'o qui xic' xbe c'ut chuchi' ri rachoch Dios; xnoj c'u ri rachoch Dios rumal ri sutz', xtunun c'ut ri uwo ja rumal ri u tununem ri u juluwem ri Ajawaxel.

Aj Levitib 16:2

Ri Ajawaxel xubij che ri Moises: “Chabij che ri Aaron ri awachalal chi man xak ta apachique k'ijol coc chupam ri k'ijilabal ri c'o chrij ri ch'ukubal, mawi chuwäch ri tz'apibal ri c'o puwi' ri caxa', rech man cäcäm taj, quinc'ut c'u na wib pa jun sutz' puwi' ri tz'apibal.

Ajilanic 17:10

Xubij c'ut ri Ajawaxel che ri Moises: “Chatzelej ri u ch'amiy ri Aaron chuwäch ri caxa rech ri c'ulwächinic, chac'olo' c'u chi' jacha' che jun c'utbal che we tinimit ri' ri man cacaj ta ch'abexic. Jeri' caban na chi caquitanaba' na nu yok'ic chawäch, man c'u quecäm ta na.”

Ajilanic 9:15

Pa ri k'ij ri xwocotaj ri k'ijilabal, ri u bixic, ri Lic'om Rachoch Dios re ri c'ulwächinic, ri sutz' xch'ukuwic. Xuwi c'u caxk'ekayiric cac'utun u wächbal jun kak' puwi' ri k'ijilabal c'ä cäsakar na.

U Camulixic ri Pixab 31:26

“Chic'ama' we wuj ri' re ri pixab, chiya' pa u xcut ri caxa re ri u c'ulwächinic ri Ajawaxel, ri i Dios, rech cäc'oji' chila' jacha' jun k'alajisanel chiwij.

U Camulixic ri Pixab 4:13

Ri Ajawaxel xuya' retamaxic ri u c'ulwächinic chiwe, e lajuj takomal c'ut ri xebutz'ibaj chuwäch quieb tz'alam tak abaj ri xixutak wi ri caquibij.

Hebreos 9:4

Chila' xc'oji' wi jun porobal coc'al re k'an puak, xukuje' ri u caxa ri c'ulwächinic. Ri u caxa ri c'ulwächinic ronojel ch'ukutal rij che k'an puak. Chupam c'u wa' xc'oji' wi jun tzima re k'an puak ri xc'oji' wi ri jaswa', ri u ch'imiy ri Aaron ri xtuxic, xukuje' ri tz'alam tak abaj ri tz'ibam wi ri c'ulwächinic.

Apocalipsis 15:8

Xnoj ri k'ijilabal che ri u sib ri u juluwem ri Dios xukuje' re ri u cuinem. Man c'o ta jun cäcuinic coc bic pa ri k'ijilabal, c'ä quebantaj na ri wukub c'axc'olil ri e cuc'am ri wukub tako'nib aj caj.