Nabe Ajawinelab 5:4 - Quiché Bible

⁴ Are c'u ri camic ri Ajawaxel ri nu Dios u yo'm jamaril chke pa conojel tak ri c'olbal, man e c'o ta ka c'ulel mawi tak c'axc'olil.

Nabe Ajawinelab 5:4 ပူးပေါင်းရင်းမြစ်များ

Ucab Samuel 7:5

“Jät jatzijobej ri pataninel wech ri David, chaya' u bixic che chi ri in, ri Ajawaxel, nu bim: ‘Man at taj ri catyacow ta na jun wachoch rech quinc'oji' chupam.

Nabe Ajawinelab 11:25

Xuban u c'ulel che ri Israel joropa' k'ij xc'asi' ri Salomon, are' c'u jun xucoj rib che u banic ri etzelal ri xuban ri Hadad, cäretzelaj c'u u wäch ri Israel. Je c'u wa' ri xuban che roquic che ajawinel pa Siriy.

Nabe Ajawinelab 4:24

xtakan c'u ri Salomon puwi' ronojel ri ulew ri c'o che ri u kajebal k'ij che ri Euprats, cachapletaj pa Tips quetakal c'ä pa Gaz, xukuje' paquiwi' conojel tak ri ajawinelab re we ulew ri', c'o jamaril pa ronojel ri ulew ri sutininak rij.

Nabe Ajawinelab 5:18

Ri rajchaquib ri Salomon xukuje' ri e rech ri Hiram, xukuje' tak ri e c'ulja aj Jebal, xequisuc'umaj tak ri che' xukuje' xequitzoc' tak ri abaj ri quebajwataj che u yaquic ri rachoch Dios.

Ucab Ajawinelab 18:8

Xch'äcan c'u paquiwi' ri aj pilisteyib c'ä pa Gaz xukuje' tak ri u c'ulbatil, kas cuc' tak ri tac'atak tak ja quech chajibal c'ä cuc' tak ri tinimit ri e c'o pa nimak tak tapia.

Nabe Tzijobelil 22:9

Cac'oji' c'u na jun a c'ojol ri cux na jun jamarilalaj achi; quinban c'u na chi conojel ri e u c'ulel pa conojel tak c'olbal caquiya' can pa jamaril. Rumal ri' Salomon cubinaj na. Pa ri u k'ijol quinya' na jamaril xukuje' uxlanem che ri Israel.

Ri Esdras 4:20

chi xec'oji' tak ajawinelab pa Jerusalen ri nimak tak qui cuinem ri xetakan puwi' ri ulew ri c'o pa ri u kajebal k'ij che ri nima' Euprats, ri xtoj ri takal u tojic pa qui k'ab, xukuje' tak ri tojbal.

Salmib 72:7

¡Chtelechi'n ri jamaril xukuje' ri colomal pa tak ri k'ij ri cäk'atan tzij, c'ä cäsach na u wäch ri ic'!

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Hechos 9:31

Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

Ri Josue 15:47

Ri tinimit re Asdod e rachil tak ri e u tinimit xukuje' ri e u k'ab tak u tinimit, xukuje' ri tinimit re Gaz e rachil tak ri e u tinimit xukuje' ri e u k'ab tak u tinimit, quetakal c'ä chuchi' ri nima' re Ejipt, xukuje' chuchi' ri Plo Mediteran.