Nabe Ajawinelab 3:3 - Quiché Bible

³ Ri Salomon culok'oj ri Ajawaxel quebutz'akatisaj c'ut ri pixab ri e u cojom can ri David, ri u tat, xuwi c'u paquiwi' tanatak tak c'olbal quebuchi'j wi tabal tak tok'ob xukuje' c'oc'alaj k'ol,

Nabe Ajawinelab 3:3 ပူးပေါင်းရင်းမြစ်များ

Nabe Ajawinelab 11:34

man quinwesaj ta c'u na ronojel ri ajawibal che, quinya' na can che k'atal tzij joropa' k'ij ri cäc'asi'c, xa c'u che u tok'obisaxic u wäch ri David ri pataninel wech, ri xincha'o, ri xebutz'akatisaj tak ri e nu takomal xukuje' tak ri e nu pixab.

Nabe Ajawinelab 11:38

We c'u canimaj ronojel ri catintak che u banic quebux c'u colom ri e a banoj chnuwäch, we c'u quebatz'akatisaj tak ri e nu pixab xukuje' tak ri nu takomal, jacha' ri xuban ri David, ri pataninel wech, in quinc'oji' na awuc', quinban na chi quebenjekeba' na ri awalaxic pa ri ajawinic, jacha' ri xinban che ri David; quinjach c'u na ri Israel chawe.

Nabe Ajawinelab 11:4

Aretak nim winak chic ri Salomon, ri e rixokil xquibano chi xjech'ob ri ranima' che qui k'ijilaxic jule' tak diosib chic, man kas ta c'u u jachom chi rib pa u k'ab ri Ajawaxel ri u Dios, jacha' ri xuban can ri David, ri u tat.

Nabe Ajawinelab 11:6

Jeri', ri e u banoj ri Salomon man e utz ta chic chuwäch ri Ajawaxel, man c'u xuterenej ta ri Ajawaxel ruc' jiquil, jacha' ri xuban ri David, ri u tat.

Nabe Ajawinelab 14:23

xukuje' c'u ri e are' xequiyac k'ijilabal ri quek'ijilax wi tak diosib xequitac'aba' tak abaj xukuje' tastalicalaj tak cuta'm paquiwi' tak ronojel tac'atak tak juyub xukuje' chquixe' conojel jewejak tak che'.

Nabe Ajawinelab 14:8

In xinwesaj ri ajawinic chque ri e rija'lil ri David, che u ya'ic chawe. Are c'u ri at man at junamatajinak ta ruc' ri David ri pataninel wech, ri xebutz'akatisaj tak ri e nu takomal, xinuterenej ruc' ronojel ri ranima', ri xebuban utzalaj tak banoj chnuwäch;

Nabe Ajawinelab 15:11

Ri e u banoj tak ri As e utz xeril ri Ajawaxel, je xubano jas ri xebuban ri David ri e u mam.

Nabe Ajawinelab 15:14

Pune' c'u man xebesax taj tak ri k'ijilabal ri quek'ijilax wi tak ri diosib, ri As amak'el xux jic chuwäch ri Ajawaxel,

Nabe Ajawinelab 15:3

Ri Abiam xebuban ri junam tak macaj ri xebuban ri u tat nabe, man xux ta c'u jic ri ranima' che u nimaxic ri Ajawaxel ri u Dios, jacha' ri xuban ri David ri e u mam.

Nabe Ajawinelab 15:5

ri David utz xbinic xya' c'u u k'ij rumal ri Ajawaxel, mawi jubik' xutas ta rib che u nimaxic u banic ri xtakan wi ri Ajawaxel, xuwi ri etzelal ri xuban che ri Uriy ri aj hitit.

Nabe Ajawinelab 22:43

Ri Josapat xbin pa ronojel suq'uilal jacha' ri As, ri u tat. Ri jastak ri xebubano e suc' chuwäch ri Ajawaxel. Man xebesax ta c'u ne tak ri k'ijilabal ri quek'ijilax wi diosib, ri cuchi'j wi tabal tak tok'ob ri tinimit xukuje' quequiporoj wi c'oc' k'ol chquiwäch tak ri diosib, man xebesax taj.

Nabe Ajawinelab 22:44

Ri Josapat xuban jun c'ulwächinic re jamaril ruc' ri rajawinel ri Israel.

Nabe Ajawinelab 3:14

We c'u caban ri nu rayibal, xukuje' quebatz'akatisaj tak ri nu pixab xukuje' tak ri e nu takomal, jacha' ri xuban ri David, ri a tat, naj c'ut catin c'asba' na.”

Nabe Ajawinelab 3:6

Ri Salomon xutzelej u bixic: “Ri lal xban la nimalaj utzil che ri nu tat ri David ri pataninel ech la, ri are' xbin chwäch la ruc' tz'akatil, ruc' suq'uilal xukuje' ruc' jun ch'ajch'ojalaj ranima' uc' la. Rumal ri' xban la nimalaj utzil che, xya' c'u la che chi jun u c'ojol cät'uyi puwi' ri u tem re ajawibal, jas ri c'ulmatajinak camic.

Nabe Ajawinelab 8:25

Je c'u ri', Ajawaxel, u Dios ri Israel, tz'akatisaj ba' la xukuje' ri xchi'j la che ri pataninel ech la ri David, ri nu tat: ruc' ri tok'ob la, chi mawi jumul ma ta c'o jun rija'lil ri ma ta cäpaki' na puwi' ri tem re ajawibal re Israel, xuwi ta ne we ri e u c'ojol caquichajij ri qui c'aslemal utz ta c'u ruc'äxic ri qui c'aslemal caquiban chwäch la jacha' ri xuban ri are'.

Nabe Ajawinelab 8:61

Rumal ri', man yataltaj chi qui tas ta iwib chrij ri Ajawaxel ri ka Dios, chebitz'akatisaj c'ut qui banic ri u pixab chebinimaj c'ut ri e u takomal jacha' ri pa we k'ij ri'.”

Nabe Ajawinelab 9:4

Are c'u ri camic, we ri at utz ruc'axic ri a c'aslemal caban chnuwäch jacha' ri xuban ri David, ri a tat, ruc' jun anima' ri man c'o ta jas cäriktaj chrij, ri suc', catoc c'u che u banic ronojel ri at nu takom wi, quebanimaj c'ut ri e nu pixab xukuje' tak ri e nu takanic,

Ucab Ajawinelab 12:3

Man c'u xebesax taj ri quek'ijilax wi ri diosib, ri xquitakej wi quichi'xic tabal tak tok'ob ri tinimit xukuje' xequiporoj wi c'oc' tak k'ol.

Ucab Ajawinelab 12:4

C'o jun k'ij, xubij ri Joas chque ri e cojol tabal tok'ob: “Chimulij ix ronojel ri puak que ri sipanic ri quec'am ulok pa ri rachoch ri Ajawaxel, ri puak ri caquitoj ri winak chquijujunal xukuje' ronojel ri cuchuj ri caquic'am ulok ri winak xak pa quech wi chquijujunal chupam ri rachoch ri Ajawaxel. Chitaka' c'u u c'ojoxic ri e u rikom wi tak c'ax ri rachoch ri Ajawaxel.”

Ucab Ajawinelab 14:3

Ri e u banoj tak ri Amasiy e suc' chuwäch ri Ajawaxel, man kas ta c'u je jacha' ri xuban ri David ri u mam. Xak c'u junam xubano jas ri xuban ri Joas ri u tat,

Ucab Ajawinelab 14:4

man c'u xebesax taj ri c'olbal ri quek'ijilax wi ri diosib, ri xequitakej wi qui chi'xic tabal tak tok'ob ri tinimit xukuje' qui poroxic c'oc' k'ol.

Ucab Ajawinelab 15:35

xuban c'ut ri nimalaj u chi' ri rachoch ri Ajawaxel. Man c'u xebesax taj ri quek'ijilax wi ri diosib, ri u takem wi u chi'xic tabal tak tok'ob ri tinimit quebequiporoj c'u c'oc' k'ol.

Ucab Ajawinelab 15:4

Man c'u ne xebesax taj ri c'olbal ri quek'ijilax wi tak ri diosib, ri c'ä quequichi'j wi tabal tak tok'ob ri winak xukuje' quequiporoj wi c'oc' tak k'ol.

Ucab Ajawinelab 18:22

We c'u ri ix quibij chwe: ri uj ka jiquibam ka c'u'x chrij ri Ajawaxel ri ka Dios, ri Ezequiy ¿La ma ta pa u xebuchupisaj qui wäch ri c'olbal quech tak k'ijilanic xukuje' tak ri porobal che we Dios ri', xuya' c'u takanic chi conojel ri winak ri e c'o pa Juda xukuje' ri e c'o pa Jerusalen chquiya' k'ijilanic che xuwi puwi' ri porobal ri c'o pa Jerusalen?

Ucab Ajawinelab 18:4

Are' ri xebensan tak ri k'ijilabal ri quek'ijilax wi diosib, xebuc'äjij ri tastalic tak abaj, xebupaxij tak ri e u wächbal tak ri Asera xukuje' xumuch ri cumätz re k'an ch'ich' ri xuban ri Moises ri c'ä quitakem u poroxic c'oc' k'ol chuwäch Nehustan quecha' c'u che.

Ucab Tzijobelil 15:17

Pune' c'u man xebesax taj pa Israel ri k'ijilabal ri quek'ijilax wi ri diosib, ri As xcanaj jic amak'el,

Salmib 145:20

Ri Ajawaxel quebuch'uku ri quelok'ok'en che, are c'u ri e banal tak etzelal, cusach qui wäch.

Salmib 31:23

Chilok'ok'ej ri Ajawaxel, iwonojel ri ix jicalaj tak pataninel rech, quebuchajij c'ut ri jic canima'; are c'u ri cäquinimarisaj quib cuya' na u wi' ri c'äjisabal qui wäch.

Aj Levitib 17:5

Xya' we takanic ri' rech ri aj israelib quequichi'j na che ri Ajawaxel ri awaj ri quequipil pa apachique c'olbal, quequic'ama' ulok che ri cojol tabal tok'ob chuchi' ri Lic'om Rachoch Dios re rikoj ib, rech quebuchi'j che qui q'uexwäch jacha' che tabal tok'ob che utzirisan ib.

Ri Matey 22:37

Ri Jesus xubij che: “ ‘Chalok'ok'ej ri Awajaw a Dios ruc' ronojel awanima', ruc' ronojel a c'aslibal, ruc' ronojel a chomanic.’

Ri Xuan 14:15

“We quinilok'ok'ej, quebinimaj na ri' ri e nu takomal.

Ri Xuan 14:21

Jachin ri c'o ri nu takomal ruc', ri u nimam c'ut, are ri' ri quinulok'ok'ej. Jachin c'ut ri quinulok'ok'ej, ri are' cälok'ok'ex na rumal ri nu Tat, ri in quinlok'ok'ej c'u na, quinc'ut c'u na wib chuwäch.”

Romanos 8:28

Keta'm c'ut chi conojel ri jastak quetoban che utzil chque ri quelok'ok'en ri Dios, chque wa' ri e siq'uim jas kas u chomanic ri Dios.

1 Corintios 8:3

Are c'u ri cälok'ok'en ri Dios, are ri' etamatal u wäch rumal ri Dios.

U Camulixic ri Pixab 10:12

“Are c'u ri camic aj israelib, ¿jas ri cutz'onoj ri Ajawaxel chiwe? Xuwi chiya' u k'ij, chilok'ok'ej chebitakej c'u conojel ri e u be; xukuje' chik'ijilaj ruc' ronojel iwanima' xukuje' ruc' ronojel ri i c'aslibal,

U Camulixic ri Pixab 10:13

xukuje' chi quebinimaj conojel tak ri e u takomal, conojel tak ri e u pixab, rech utz quixel na.

U Camulixic ri Pixab 11:13

We ri ix quebinimaj tak ri takomal ri e nu yo'm chiwe pa we k'ij ri', quilok'ok'ej c'ut ri Ajawaxel, xukuje' quik'ijilaj ruc' ronojel iwanima' xukuje' ruc' ronojel i c'aslibal,

U Camulixic ri Pixab 30:16

We quinimaj ri quix tak che u banic camic, quilok'ok'ej ri Ajawaxel ri i Dios, xukuje' quebitakej ri u be, xukuje' quixoc chubanic ri cäquibij ri e u takomal, pixab tak, xukuje' tak pixab tak ri e tz'ibam, quixc'asi' na xukuje' queq'uiyir na ri iwalc'ual, ri Ajawaxel ri i Dios quixutewichi'j na pa ri ulew ri quixjeki' wi na.

U Camulixic ri Pixab 30:20

chilok'ok'ej ba ri Ajawaxel ri i Dios, chixniman che, chixux jic chuwäch, pa u k'ab c'ut c'o wi ri c'aslemal xukuje' are cäyo'w chiwe chi quixc'asi'c q'ui junab pa ri ulew aretak xuban ri chi'nic ri kas cäban na chi cuya' che ri Abraham, ri Isaac xukuje' ri Jacob, ri e i mam.”

U Camulixic ri Pixab 30:6

Cucoj na ri retal ri c'ulwächinic pa tak ri iwanima', xukuje' pa tak ri canima' ri e iwija'lil, rech quilok'ok'ej na ruc' ronojel iwanima', xukuje' ruc' ronojel i c'aslibal, rech cäc'oji' i c'aslemal.

U Camulixic ri Pixab 6:5

Chalok'ok'ej ri Ajawaxel ri a Dios ruc' ronojel awanima', ruc' ronojel a c'aslibal xukuje' ruc' ronojel a chuk'ab.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.

Nabe Samuel 9:12

Ri alitomab xquibij chque: “Je', quixbin chi c'u na apan jubik'. Jix aninak, ulinak c'u pa ri tinimit rumal rech chi camic coc'owisax ri u ya'ic ri tabal tok'ob pa ri k'ijilabal.