Nabe Ajawinelab 2:5 - Quiché Bible

⁵ Are c'u ri camic, at aweta'm chic ri xuban ri Joab chwe, ri ral ri Sarb, ri u bixic ri xuban chque ri quieb qui nimal ri cajch'ojab ri aj israelib: che ri Abner (u c'ojol ri Ner), xukuje' che ri Amas (u c'ojol ri Jeter), ri xebucämisaj, xutix c'u quic' re ch'o'j pa ri k'ijol re jamaril, xuya' c'u quic' re ch'o'j chupam ri c'olbal u ch'ab ri u jequem puwi' ri u teleb, xukuje' chque tak ri e u xajäb ri c'o chque ri rakan.

Nabe Ajawinelab 2:5 ပူးပေါင်းရင်းမြစ်များ

Ucab Samuel 17:25

Ri Absalon are xucoj ri Amas che c'amal qui be ri ajch'ojab, che u q'uexwäch ri Joab. Ri Amas u c'ojol jun aj ismael ri Itra u bi' ri xuch'abej na ri Abigail, u mia'l ri Nahas ri xukuje' rachalal ri Sarb u nan ri Joab.

Ucab Samuel 18:12

Ri achi ri' xutzelej u bixic che ri Joab: “Pune' ta ne caya' jun mil puak chwe, man quintzak ta nu k'ab che u banic c'ax che ri u c'ojol ri ajawinel; rumal rech chi ri uj xkato chi ri ajawinel xuya' takanic chawe, xukuje' che ri Abisay, che ri Itay chi chito' u wi' ri Absalon.

Ucab Samuel 18:14

“Man quintakej ta u tzakic nu k'ij awuc'” xcha' ri Joab; xebuc'am c'u bic oxib ch'ab, xebe u t'isa' puwi' ranima' ri Absalon, ri c'a c'asal xo'l tak ri u k'ab ri bakit.

Ucab Samuel 18:5

Xuya' c'u bic takanic ri ajawinel che ri Joab, che ri Abisay xukuje' che ri Itay chi, maquiban c'ax che ri Absalon che u tok'obisaxic nu wäch, conojel c'ut ri ajch'ojab xquita' ri takanic ri xuya' ri ajawinel chque ri e qui nimakil ri ajch'ojab jas ri cäban che ri Absalon.

Ucab Samuel 2:13

are' c'u ri Joab, ri ral ri Sarb, xukuje' ri e banal tak u ch'o'j ri David, xebel ulok pa Hebron xequirika' c'u quib cuc' chunakaj ri c'olbal ja' re Gabaon. Ri cak'at ajch'ojab xquijekeba' quib chila', ri niq'uiaj chuwäch ri c'olbal ja' ri niq'uiaj chic chrij ri c'olbal ja'.

Ucab Samuel 2:18

E c'o c'ut ri oxib ral ri Sarb chi': Ri Joab, ri Abisay, ri Asael. We q'uisbal ri' sibalaj can che ri xiq'uinem jacha' jun masat pa jun juyub ri jamalic.

Ucab Samuel 20:10

Ri Amas man xuchajij ta rib che ri ch'ich' ri xuchap ri Joab. Ruc' aninakil xujulupij ri ch'ich' re ch'o'j chupam, ronojel ri rixco'l xmuli cho wi ulew. Xcämic man xajwataj taj xq'uis u cämisaxic rumal ri Joab. Ri Joab ruc' ri Abisay ri cachalal quib xquitakej u rikic ri Seba, u c'ojol ri Bicri.

Ucab Samuel 3:27

Aretak xopan ri Abner pa Hebron, ri Joab xuc'am bic chuwäch ri roquibal ri tinimit, rech xa u tuquiel cätzijon ruc' xucoj c'u jun ch'ich' re ch'o'j chupam che u cämisaxic, che u tojic u q'uexel ri u cämisaxic ri Asael ri rachalal.

Ucab Samuel 3:39

Rumal c'u ri' ri in, pune' in ri ajawinel ri cha'om rumal ri Dios, quinna' chi in tukar chuwäch ri nimalaj etzelal ri xquiban ri e ral ri Sarb. ¡Are' ri Ajawaxel chyo'w rajil u q'uexelal che jachin xbanow we etzelal ri'!”

Nabe Ajawinelab 1:7

U c'ulam rib u tzij ruc' ri Joab, ri ral ri Sarb, xukuje' ruc' ri cojol tabal tok'ob Abiatar, ri qui yo'm qui tzij che u to'ic.

Nabe Ajawinelab 2:32

Ri Ajawaxel cuban na chi are' cäkajben ri macaj rech ri kas u cämical, man c'u xretamaj ta ri nu tat, ri Joab xebutok' quieb achijab che ch'ich' ri sibalaj e jic xukuje' e utz na chuwäch ri are': ri Abner ri u c'ojol ri Ner, quinimal ri cajch'ojab ri aj israelib, xukuje' ri Amas, ri u c'ojol ri Jeter, quinimal ri cajch'ojab aj Juda.

Ri Jeremiy 2:34

Tz'ajtajinak ronojel ri awatz'iak cumal ri qui quiq'uel ri mebayib ri man c'o ta qui mac, quech winak ri man xebarik taj ri cätajin ta caquiban jun il.

Ri Jeremiy 6:15

¡Cheq'uix ta ba' che qui banic ri jastak ri man queben coch' taj! Man je ta c'u ri' man c'o ta jubik' qui q'uixbal, ¡mawi ne queta'm chic jas ri' ri q'uixbal ri quelic! Rumal ri' aretak chenc'äjisaj qui wäch, caquichak'ij na quib quetzak c'u na e jacha' ri e jule' chic. In, ri Ajawaxel, quinbij.”

Ri Matey 3:4

Ri Xuan rismal camey ri ratz'iak, tz'um ri ximibal u pam. Ri u wa ri cutijo are sac' xukuje' juyubal räx cab.

U Camulixic ri Pixab 27:24

‘C'okotajinak ri winak ri xak c'ätetal cucämisaj ri rajil u tz'akat.’ Conojel ri tinimit cäquibij na: ‘Je chelok.’