Nabe Ajawinelab 2:4 - Quiché Bible

⁴ Are c'u ri Ajawaxel co cutiq'uiba' ri chi'nic ri xuban chwe, chi we ri e nu c'ojol caquichajij ri qui c'aslemal, quebin c'u pa ri kastzij chuwäch ri are', ruc' ronojel ri canima' xukuje' ruc' ronojel ri qui c'aslibal, mawi ta jumul ri' ma ta c'o jun wachalaxic ri ma ta cac'oji' na puwi' ri tem re ajawibal aj Israel.

Nabe Ajawinelab 2:4 ပူးပေါင်းရင်းမြစ်များ

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 18:19

Nu cha'om rech quebutak ri e u c'ojol xukuje' ri e rija'lil che qui nimaxic ri e nu tijonic, rech cäquiban ronojel ri utz, ri suc', quinban c'u na in ronojel ri nu bim.”

Ucab Samuel 7:25

Je ba' ri', Ajawaxel xukuje' Dios, mäsach pa jolom la ri xch'ij la che ri pataninel ech la xukuje' ri rija'lil, tz'akatisaj ba' la ri bim la.

Nabe Ajawinelab 1:48

je c'u wa' xubij: ‘Tewichital ri Ajawaxel, ri u Dios ri Israel, chi u yo'm c'olbal che jun wija'lil capaki' pa ri tem re ajawibal, chinwila' c'ut.’ ”

Nabe Ajawinelab 11:36

Xa jun amak' quinya' can che ri u c'ojol rech ri u chaj ri David, ri pataninel wech, amak'el canicow chnuwäch pa Jerusalen, ri tinimit ri xincha'o che u jekelibal ri nu bi'.

Nabe Ajawinelab 3:14

We c'u caban ri nu rayibal, xukuje' quebatz'akatisaj tak ri nu pixab xukuje' tak ri e nu takomal, jacha' ri xuban ri David, ri a tat, naj c'ut catin c'asba' na.”

Nabe Ajawinelab 3:3

Ri Salomon culok'oj ri Ajawaxel quebutz'akatisaj c'ut ri pixab ri e u cojom can ri David, ri u tat, xuwi c'u paquiwi' tanatak tak c'olbal quebuchi'j wi tabal tak tok'ob xukuje' c'oc'alaj k'ol,

Nabe Ajawinelab 6:12

“Chupam c'ut we rachoch Dios ri' ri cätajin cayaco, quinwaj quinbij chawe chi ri in quintz'akatisaj na ri xinchi'j che ri David, ri a tat, ri xinbij chawij, quinjeki' c'u na chquixo'l ri aj israelib, man quintzak ta canok ri Israel ri nu tinimit, we canimaj tak ri nu pixab xukuje' tak ri e nu takanic, quebatz'akatisaj c'u conojel tak ri e nu takomal je c'u cabano jas tak ri caquibij.”

Nabe Ajawinelab 8:23

je c'u xubij wa': “Ajawaxel, u Dios ri Israel: mawi pa ri caj mawi pa ri uwächulew c'o ta jun Dios jacha' ri lal, ri cätz'akatisaj la ri c'ulwächinic la, cac'ut c'u la ri utzil la chquiwäch ri ruc' ronojel canima' quepatanin che la.

Nabe Ajawinelab 8:25

Je c'u ri', Ajawaxel, u Dios ri Israel, tz'akatisaj ba' la xukuje' ri xchi'j la che ri pataninel ech la ri David, ri nu tat: ruc' ri tok'ob la, chi mawi jumul ma ta c'o jun rija'lil ri ma ta cäpaki' na puwi' ri tem re ajawibal re Israel, xuwi ta ne we ri e u c'ojol caquichajij ri qui c'aslemal utz ta c'u ruc'äxic ri qui c'aslemal caquiban chwäch la jacha' ri xuban ri are'.

Nabe Ajawinelab 9:5

in quinjekeba' na ri awajawinic amak'el pa Israel, jacha' ri xichi'j che ri David, ri a tat, aretak xinbij che chi mawi jumul ma ta c'o jun rija'lil ri ma ta cac'oji' na puwi' ri tem re ajawibal re Israel.

Ucab Ajawinelab 20:3

“In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Ucab Ajawinelab 23:25

Man c'o ta jun ajawinel ri xc'oji' ta nabe chuwäch mawi c'ä te' ta xpe chrij are', ri jacha' ta ri are' ri xtzelej ta ruc' ri Ajawaxel ri ruc' ta ronojel ri ranima' xukuje' ruc' ta ronojel ri u c'aslibal xukuje' cuc' ta conojel ri u chuk'ab, je jas ta ri u cholajil ri u pixab ri Moises.

Ucab Ajawinelab 23:3

Xutac'aba' c'u rib ri ajawinel chuxcut ri rakan ja, xuya' c'u u tzij chuwäch ri Ajawaxel chi caniman che, cuban c'ut ri cubij ruc' tz'akatil, man ruc' ta quieb u c'u'x cutakej qui banic ri e u takomal, ri e u takanic xukuje' tak ri pixab, xukuje' ri qui tz'akatisaxic ri u cholajil ri c'ulwächinic ri e tz'ibatal chupam ri wuj. Ronojel c'ut ri tinimit xuya' u tzij che u banic.

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ucab Tzijobelil 17:3

Ri Ajawaxel xc'oji' ruc' ri Josapat, rumal rech chi je xubano jacha' ri xuban ri David, ri u mam. Man xebupatanij taj ri jalan tak u wächbal ri Baal,

Ucab Tzijobelil 6:16

Rumal c'u ri', Ajawaxel, u Dios ri Israel, tz'akatisaj ba' la xukuje' ri xchi'j la che ri pataninel ech la ri David, ri nu tat: chi mawi jubik' ri ma ta co jun rija'lil ri rumal ri tok'ob la, capaki' na puwi' ri tem re ajawibal re Israel, xuwi ta ne we ri e u c'ojol caquichajij ri qui c'aslemal caquitz'akatisaj c'ut ri pixab la jacha' ri u tz'akatisaxic ri xuban ri are'.

Ucab Tzijobelil 7:18

in co quinjekeba' na ri awajawinic jas ri xinya' u bixic che ri David, ri a tat, aretak xinbij chi mawi jubik' ri ma ta c'o na jun awi'jalil ri ma ta cajawin na pa Israel.

Salmib 119:9

¿Jas lo cuban na ri c'ojol cacuinic caruc'aj jun ch'ajch'ojalaj u c'aslemal? ¡Rajawaxic cujunaj ri u c'aslemal ruc' ri tzij la!

Salmib 37:22

Ri quetewichi'x rumal ri Ajawaxel cäquechbej na ri ulew, are c'u ri quec'okox rumal quebesax na bic chuwäch ri ulew.

Salmib 37:9

Kastzij, ri e banal tak etzelal quebesax na bic pa ri ulew, e are c'ut ri qui cuban qui c'u'x chrij ri Ajawaxel cäquechbej na ri uwächulew.

Salmib 39:1

In nu chi'm u chajixic ri nu c'aslemal, man quinmacun ta c'u ruc' ri wak', xukuje' quincoj jun jic'abal u pa chi'aj pa nu chi' aretak quinuc'ulelaj ri banal etzelal.

Ri Jeremiy 33:17

In, ri Ajawaxel, quincha': Mawi jubik' ma ta c'o jun rija'lil ri David ri ma ta cat'uyi' na puwi' ri tem re ajawibal aj Israel,

Aj Levitib 26:3

We quebitakej ri e nu pixab, we quebinimaj ri e nu takomal, quiban c'ut jas ri cäquibij,

Ri Zacariy 14:2

Pa ri k'ij ri' ri Ajawaxel quebumulij na conojel tak ri nimak tak tinimit, rech quech'ojin ruc' ri Jerusalen. Cach'äc c'u na ri tinimit, catolobax na ri u pa tak cachoch, quek'oyi na ri achijab cuc' ri e ixokib, quec'am c'u na bic pa niq'uiaj chque conojel ri winak ri e c'o chupam ri tinimit. Xuwi ri quieb oxib quecanaj na canok chupam.

Ri Matey 22:37

Ri Jesus xubij che: “ ‘Chalok'ok'ej ri Awajaw a Dios ruc' ronojel awanima', ruc' ronojel a c'aslibal, ruc' ronojel a chomanic.’

Ri Lucax 1:6

Ri Zacariy ruc' ri Elisabet e suc' chuwäch ri Dios. Cäquinimaj ronojel ri u takanic ri Ajawaxel. Cäquinimaj ronojel ri pixab. Man c'o ta etzelal xriktaj chquij.

U Camulixic ri Pixab 10:12

“Are c'u ri camic aj israelib, ¿jas ri cutz'onoj ri Ajawaxel chiwe? Xuwi chiya' u k'ij, chilok'ok'ej chebitakej c'u conojel ri e u be; xukuje' chik'ijilaj ruc' ronojel iwanima' xukuje' ruc' ronojel ri i c'aslibal,

U Camulixic ri Pixab 11:13

We ri ix quebinimaj tak ri takomal ri e nu yo'm chiwe pa we k'ij ri', quilok'ok'ej c'ut ri Ajawaxel, xukuje' quik'ijilaj ruc' ronojel iwanima' xukuje' ruc' ronojel i c'aslibal,

U Camulixic ri Pixab 6:5

Chalok'ok'ej ri Ajawaxel ri a Dios ruc' ronojel awanima', ruc' ronojel a c'aslibal xukuje' ruc' ronojel a chuk'ab.

U Camulixic ri Pixab 7:12

“We c'u aretak e tatajinak chic iwumal ix we e pixab ri' ri etz'ibatalic, quebinimaj, quixoc c'u che qui banic, ri Ajawaxel ri i Dios cutz'akatisaj na ri u tzij xukuje' ri xuchi'j u banic chque ri e i mam.

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.