Nabe Ajawinelab 14:21 - Quiché Bible

²¹ Pa Juda cätajin cajawin wi ri Roboam, u c'ojol ri Salomon. C'o chi cawinak jun (41) u junab aretak xuchaplej ajawinic, wuklajuj (17) junab xajawin pa Jerusalen, ri tinimit ri xucha' ri Ajawaxel chquixo'l tak ri tinimit chquixo'l tak ri ramak' ri Israel che u jekelibal ri u bi'. Ri u nan ri Roboam, Naama u bi', aj amon c'ut.

Nabe Ajawinelab 14:21 ပူးပေါင်းရင်းမြစ်များ

Nabe Ajawinelab 11:1

Ri Salomon man xuwi ta xulok'ok'ej ri u mia'l ri paraon, xane' xukuje' niq'uiaj ixokib chic ri man e u winakil taj: aj moabib, aj amonib, aj edomib, aj sidonib xukuje' aj hititib;

Nabe Ajawinelab 11:32

Xa' c'u jun amak' quinya' can che ri Salomon, xa c'u che u tok'obisaxic u wäch ri David xukuje' ri Jerusalen ri tinimit ri nu cha'om chquixo'l tak ri u tinimit ri ramak' ri Israel.

Nabe Ajawinelab 11:36

Xa jun amak' quinya' can che ri u c'ojol rech ri u chaj ri David, ri pataninel wech, amak'el canicow chnuwäch pa Jerusalen, ri tinimit ri xincha'o che u jekelibal ri nu bi'.

Nabe Ajawinelab 11:43

aretak c'u xcämic xmuk chupam ri u Tinimit ri David, ri u tat. Are' c'u xajawin ri Roboam ri u c'ojol che u q'uexwäch.

Nabe Ajawinelab 12:17

Are' tak c'ut ri aj israelib ri e jekel chquipam tak ri tinimit ri e c'o pa Juda, ri Roboam xutakej ajawinic paquiwi'.

Nabe Ajawinelab 14:20

Ri Jeroboam juwinak quieb (22) junab xajawinic, chwi' ri u cämical xajawin ri Nadab ri u c'ojol.

Nabe Ajawinelab 14:31

aretak c'u xcäm ri Roboam, xmuk cuc' ri e u mam chupam ri u Tinimit ri David. Ri u nan Naama u bi', aj Amon c'ut. Are c'u xajawin na ri Abiam ri u c'ojol che u q'uexwäch.

Nabe Ajawinelab 22:42

Juwinak olajuj (35) c'ut ri u junab, juwinak job (25) junab c'ut xajawin pa Jerusalen. Ri u nan Azub u bi', u mia'l ri Sili.

Nabe Ajawinelab 8:16

‘Kas pa ri k'ij ri xinwesaj ulok ri nu tinimit Israel pa Ejipt, man nu cha'om ta jun tinimit chquixo'l conojel ri amak' tak re Israel rech chupam cäyac ta wi jun rachoch Dios ri cajeki' ta wi na ri nu bi'. Xincha' c'u ri David rech cajawin puwi' ri nu tinimit Israel.’

Nabe Ajawinelab 8:29

Chi pa k'ij chi chak'ab, mätanaba' la u ca'yexic we achoch la ri', c'olbal ri bim wi la chi chi' cäriktaj wi la. Chtatabej la ri ch'abebexic la ri cuban ri pataninel ech la waral.

Nabe Ajawinelab 8:44

Aretak ri tinimit la quebel bic che u tijic u chuk'ab cuc' tak ri e u c'ulel, apawije' ta ne ri catak wi la bic, we cuban ch'awem uc' la chusuq'uil ri nimalaj tinimit ri xcha' la xukuje' che ri achoch la ri nu yacom che la,

Ucab Tzijobelil 12:1

Aretak xc'oji' u chuk'ab ri rajawibal ri Roboam xuna' c'u rib chi co chic c'olic, xutanaba' u tz'akatisaxic ri u pixab ri Ajawaxel ronojel c'u Israel junam xubano.

Ucab Tzijobelil 12:13

Ri ajawinel Roboam xq'uiy ri u cuinem pa Jerusalen, xutakej c'u ajawinic. Aretak xuchaplej ajawinic cawinak jun u junab, wuklajuj junab c'ut xajawin pa Jerusalen, ri tinimit ri xucha' ri Ajawaxel chquixo'l conojel ri amak' re Israel rech cajeki' chupam. Naama u bi' ri u nan ri Roboam, aj c'u Amon.

Ucab Tzijobelil 13:7

Xquimulij c'u quib jujun tak achijab ruc', ri e sak'orib e banal tak etzelal, ri xquik'atij u wäch ri Roboam, u c'ojol ri Salomon, rumal rech chi c'ä c'ojol man c'o ta u chuk'ab ri u tzij. Rumal c'u ri' man xc'oji' ta u chuk'ab che u k'atixic qui wäch.

Elem 20:24

Chibana' jun porobal re ulew chwe, chebichi'j c'ut chwe puwi', ri e iwawaj quech ri e i tzobaj xukuje' tak wacax jacha' che tabal tok'ob ri cächajirisaxic xukuje' tabal tak tok'ob re utzirisan tak ib. Quinpe' c'u na quixintewichi'j c'u na chquipam ri jujun tak c'olbal ri quinwaj wi chi cänatax ri nu bi'.

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

U Camulixic ri Pixab 12:21

We c'u ne sibalaj naj c'o wi ri c'olbal chiwe ri cucha' che u jekelibal ri u bi', cuya' quebipil wacax xukuje' ri chij ri e u yo'm ri Ajawaxel chiwe, quitij c'u ronojel ri quiwaj pa ri c'olbal ri ix jekel wi, jas ri takanic ri nu yo'm chiwe.

U Camulixic ri Pixab 12:5

chquixo'l tak ri iwamak' ri Ajawaxel cucha' na jun c'olbal ri cäjeki' wi na ri u bi', chila' c'u quixbe wi na che u k'ijilaxic.

U Camulixic ri Pixab 23:3

Ri aj amonib xukuje' ri aj moabib mawi jubik' queboc ta pa ajilabal chquixo'l ri aj israelib, pune' ta ne oc'owinak chi lajuj ija'lil;