Nabe Ajawinelab 13:34 - Quiché Bible

³⁴ Rumal rech chi je cäban wa' are' xbanowic chi xemacun ri rija'l ri Jeroboam, xukuje' rumal c'u rech wa', xsach qui wäch chi nimalaj conojel.

Nabe Ajawinelab 13:34 ပူးပေါင်းရင်းမြစ်များ

Nabe Ajawinelab 12:26

Xuchomaj c'ut: “Ri u c'ojol ri David cacuin che u k'axexic ronojel ri ajawibal pa u k'ab,

Nabe Ajawinelab 12:30

Are' c'u xbanow wa' chi xmacun ri Israel, quebe c'u ri winak pa Betel xukuje' pa Dan che qui k'ijilaxic.

Nabe Ajawinelab 14:1

Pa ri k'ijol ri', ri Abiy, ri u c'ojol ri Jeroboam, xkaj che yabilal.

Nabe Ajawinelab 14:10

Rumal ri' quinc'am ulok ri c'axc'olil paquiwi' ri awija'lil: quinban na chi quecäm conojel ri awija'l achijab pa Israel; mawi jun cac'asi' ta canok. Quebenmes na bic ri e awija'lil, jacha' ta ne ri quinmes qui mes awaj.

Nabe Ajawinelab 14:11

Ri e awija'lil ri quecäm chupam ri tinimit quetijow na cumal tz'i'; e are' ri quecäm pa ri juyub quetijow na cumal awaj ri e c'o qui xic', in c'ut, ri Ajawaxel, je nu chomam u banic.’

Nabe Ajawinelab 14:16

Ri Ajawaxel cujach na ri Israel qui mac quech ri macaj ri xebuban ri Jeroboam xuban c'ut chi xmacun ri Israel.”

Nabe Ajawinelab 14:7

chattzelej ba' chabij che ri Jeroboam chi ri Ajawaxel, ri u Dios ri Israel, u bim: ‘In xatinwesaj chquixo'l ri winak, xinban c'u chawe chi catux c'amal u be ri nu tinimit Israel.

Nabe Ajawinelab 15:25

Pa ri ucab junab ri rajawinic ri As pa Juda, ri Nadab, u c'ojol ri Jeroboam, xuchaplej ajawinic pa Israel, quieb junab c'ut xbeytaj ri rajawinic.

Nabe Ajawinelab 15:26

Man utz ta c'ut xril ri Ajawaxel ri e u banoj; xebuban ri junam tak macaj ri xuban ri u tat, ri xbanowic chi xemacun tak ri aj israelib.

Nabe Ajawinelab 21:22

Je c'u quenbana' na che ri awija'lil junam jas ri xinban che ri rech ri Jeroboam, ri u c'ojol ri Nabat, ri xukuje' je xinban che ri rech ri Baas, u c'ojol ri Ahiy, rumal rech chi xuyac ri woyowal aretak xubano chi u mac rech xmacun ri Israel.’

Ucab Ajawinelab 10:29

Man c'u ne xutas ta rib che qui banic ri macaj, ri xtzakibex quech ri e aj Israel rumal ri Jeroboam ri u c'ojol ri Nabat, xubano chi xemacun ri aj israelib, xutakej c'u u ya'ic k'ijilanic chque ri alaj tak ama'ib wacax re k'an puak ri c'o pa Dan xukuje' pa Betel.

Ucab Ajawinelab 10:31

Pune' c'u je xbix wa' che, ri Jehu man xoc ta il che ri kas u tz'akatisaxic ri u pixab ri Ajawaxel, ri u Dios ri Israel, man xutas ta c'u rib chquij ri macaj ri xemacun wi ri aj israelib rumal ri Jeroboam.

Ucab Ajawinelab 17:21

Xutas ri rija'lil ri David che ri Israel, e are c'ut ri aj Israel xquiban cajawinel che ri Jeroboam, ri u c'ojol ri Nabat, ri xbanowic chi ri aj israelib xquitas quib chrij ri Ajawaxel sibalaj c'u xemacunic.

E C'ambal tak Tzij 13:6

Ri colomal cuto' ri winak ri man c'o ta u bach'uyal; ri jech'balil cusachisaj u wäch ri ajmac.

Ri Jeremiy 28:16

Rumal ri' ri Ajawaxel cubij: ‘Catin wesaj cho ri uwächulew chi casach a wäch. Pa we junab ri' catcäm na, rumal rech chi cumal ri a tzij atakchi'm ri tinimit che nu c'ulelaxic.’ ”

Ri Osey 10:8

Casachisax na qui wäch tak ri e k'ijilabal ri quek'ijilax wi tak diosib jawije' ri camacun wi ri Israel, paquiwi' tak ri qui porobal queq'uiy na tak tzacom xukuje' tak q'uix, e are' tak c'ut ri winak quequibij na chque tak ri c'ache'laj: “¡Chujichuku'!”, xukuje' c'u chque ri tac'atak tak juyub: “¡Chixkaj pakawi'!”