53 Xuya' c'u takanic ri Salomon chi chesax che ri porobal. Xbe c'u ri Adoniy xumej c'u rib chuwäch ri ajawinel Salomon, xuya' takanic che chi oj cho rachoch.
Churox c'u k'ij xopan jun achi ri elinak ulok pa ri kajebal chquixo'l ri rajch'ojab ri Saul. E jisjobinak ri ratz'iak chrij ri u q'uiakom ulew pa u jolom che u c'utic chi c'axc'obinak ri ranima'. Aretak xopan chuwäch ri David, xumej rib c'ä cho ri ulew che u c'utic chi nim caril wi ri David.
Ri takanic ri xuya' ri ajawinel chi cäbe pa ri rachoch mopan chuwäch; rumal c'u ri' xbe ri Absalon cho ri rachoch man xuc'utu' ta c'u rib chuwäch ri ajawinel.
Xbe c'ut ri Joab che rilic ri ajawinel xuk'axaj c'u che jas ri xubij bic ri Absalon, xtak c'u u siq'uixic rumal ri ajawinel. Aretak c'u xopan ri Absalon chwäch ri ajawinel, xumej rib c'ä xuya' na ri u palaj cho ri ulew. Ri ajawinel xuc'ulaj ruc' jun tz'umanic.
Ri Salomon xutzelej u bixic: “We utzalaj ruc'axic ri u c'aslemal cubano jacha' jun utzalaj achi, man c'o ta jun wi'aj re ri u jolom catzak na cho ri ulew. We c'u c'o jun etzelal cäriktaj pa ri u c'aslemal, cacämisax na.”
Xutak chi u siq'uixic ri Simeiy, xuya' c'u takanic che: “Chayaca' jun ja pa Jerusalen, rech catjeki' chupam. Man c'u catel ta bic chila' matbe pa jun c'olbal chic,