Nabe Ajawinelab 1:52 - Quiché Bible

⁵² Ri Salomon xutzelej u bixic: “We utzalaj ruc'axic ri u c'aslemal cubano jacha' jun utzalaj achi, man c'o ta jun wi'aj re ri u jolom catzak na cho ri ulew. We c'u c'o jun etzelal cäriktaj pa ri u c'aslemal, cacämisax na.”

Nabe Ajawinelab 1:52 ပူးပေါင်းရင်းမြစ်များ

Ucab Samuel 14:11

Ri ixok xutakej u bixic: “¡Quinbochi'n che la chi tz'onoj la che ri Ajawaxel ri Dios la, rech ri achalaxic ri are cäraj cuban rajil u q'uexel ruc' ri u cämisaxic ri wal munimatajisaj ri u sachic wächaj ruc' ri u cämisaxic ri jun wal chic!” Ri ajawinel xujiquiba' u bixic: “¡Quinban na ri chi'nic ri kas cäban na chawe rumal ri Ajawaxel chi man cätzak ta na cho ri ulew mawi jun u wi' ri u jolom ri awal!”

Nabe Ajawinelab 1:51

C'o jachin xebin che ri Salomon: “Ri Adoniy u xe'n rib chwäch la, u to'm c'u rib che ri porobal. Cutz'onoj chi bana' la ri chi'nic ri kas cäban na, kas camic chi man cäcämisaj ta la.”

Nabe Ajawinelab 1:53

Xuya' c'u takanic ri Salomon chi chesax che ri porobal. Xbe c'u ri Adoniy xumej c'u rib chuwäch ri ajawinel Salomon, xuya' takanic che chi oj cho rachoch.

Ri Job 15:22

Man c'o ta eyebal c'uxaj ruc' cato'taj ta pa ri k'ekumalil; ¡eyebetal rumal jun ch'ich' re ch'o'j che u cämisaxic!

E C'ambal tak Tzij 13:6

Ri colomal cuto' ri winak ri man c'o ta u bach'uyal; ri jech'balil cusachisaj u wäch ri ajmac.

E C'ambal tak Tzij 21:12

Ri suc'alaj Dios ralwächin ri rachoch ri banal etzelal; xukuje' quebujach ri banal tak etzelal pa ri sachbal wächaj.

Ri Matey 10:30

E ta c'u lo ri ix, conojel ri i wi' e ajilatalic.

Ri Lucax 21:18

Man c'o ta c'u jun i wi' cäsach na u wäch.

Hechos 27:34

Rumal ri' quinbochi'n chech alak chc'ama' ech alak ri wa, rech cacolotaj alak. Man c'o ta c'u jun chech alak cätzak na jun u wi'.”

Nabe Samuel 14:45

Are c'u ri tinimit xutzelej u bixic che ri Saul xubij: “¿Jas ta che cäcäm ri Jonatan, u yo'm c'u jun nimalaj ch'äcanic che ri Israel? ¡Man cäban ta wa'! ¡Pa ri u bi' ri Ajawaxel, man cätzak ta na jun wi'aj re ri u jolom cho ri ulew! Rumal rech chi ri u banom camic u banom rumal ri u to'banic ri Dios.” Je xuban wa' ri tinimit rech cäcolotaj ri Jonatan rech man cäcäm taj.