Marcos 9:43 - Quiché Bible

^43-44 We ri a k'ab cattzakow pa mac, chawesaj apanok. Are utz na chi xa jun ri a k'ab catoc pa ri c'aslemal, chuwäch ri c'o quieb a k'ab catbe pa ri xibalba, pa ri k'ak' ri man cächuptaj taj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴³ Je xuqujeꞌ we are ri aqꞌabꞌ katutaqchiꞌj pa mak, chasakꞌij. Are katanik katok pa ri jun alik kꞌaslemal, xa jun aqꞌabꞌ cho ri kateꞌ pa ri tyoꞌnel qꞌaqꞌ ri man kachup taj, rukꞌ ukobꞌchal aqꞌabꞌ.

K'iche'

⁴³ We ta ra k'ab cubano chi ri at carik ri be ri man utz taj, chak'ata apanok. Are utz na chawe we carik na ri kas a c'aslemal pune at cut, chuwäch ri c'o quieb a k'ab cate' pa ri c'atic jawije' c'o wi ri k'ak' ri man cächuptaj taj.

K'iche' (New Orthography)

⁴³ We ta ra q'ab' kub'ano chi ri at kariq ri b'e ri man utz taj, chaq'ata apanoq. Are utz na chawe we kariq na ri qas a k'aslemal pune at kut, chuwäch ri k'o kieb' a q'ab' kate' pa ri k'atik jawije' k'o wi ri q'aq' ri man kächuptaj taj.

Marcos 9:43 ပူးပေါင်းရင်းမြစ်များ

Ri Job 20:13

cumuyej ri u qui'al pa u chi' nojimal cuch'abach'a' pa u chi'.

Ri Isaiy 1:31

Ri cowilaj achi cux na junam ruc' ri pajo, ri e u chac quebux na junam ruc' ri u pixk'ak' ri e quieb xa junam quenicow na, man c'o ta jachin quechupuwic.”

Ri Jeremiy 4:4

Winak aj Juda xukuje' aj Jerusalen, chikopij ri u wi' ri qui tz'umal ri ix achijab wi jacha' jun etal, chiya' c'u nu k'ij chi in ri Ajawaxel, chicojo' ri retal ri c'ulwächinic chupam ri iwanima'; mac'ulmataj ne chi cumal ri itzel tak i banoj, cät'ikquen ri woyowal jacha' jun k'ak' canicow ta c'ut ri man c'o ta jun cäcuin ta che u chupic.”

Ri Matey 17:27

Man cäkaj ta c'ut chi cäquiban quieb qui c'u'x chkij. Jät ba'. Chaq'uiaka' ri chapbal cär pa ri cho. Ri nabe cär c'ut ri cäriko, chac'ama', chajaka' ri u chi', cärik c'u na jun puak. Chaya' ba chque ri tok'il tak alcabal, catojbej can re ri wech in xukuje' ri awech at.”

Ri Matey 25:41

Ri Ajawinel cubij c'u na chque ri e c'o pa ri u mox k'ab: ‘Chixel chnuwäch, ix c'okom. Jix pa ri k'ak' ri man cächup taj ri suc'umam che ri itzel xukuje' ri e u tako'nib.

Ri Matey 3:12

C'o ri u jopibal pa u k'ab, ri trico xukuje' cutas che ri pajo. Cuc'ol c'u na ri u trico pa ri u c'uja, cuporoj c'u na ri pajo pa ri k'ak' ri mawi jubik' cächupic.”

Ri Matey 5:22

Ri in c'ut quinbij chiwe, chi ronojel jachin ri cäpe royowal che ri rachalal, takal che chi cäc'äjisax na u wäch. Apachin ri cuyok' ri rachalal, takal che chi cäc'äjisax na u wäch cumal ri tatayib ri cäquik'at tzij pa ri comon qui nimakil ri aj judeyib. Apachin ri cubij con che ri rachalal, takal che ri are' cäbe pa ri u k'ak'al ri xibalba.

Ri Lucax 14:13

Xane', aretak caban ula'nic, chebasiq'uij ri mebayib, ri cutucak, ri ch'ocojib, ri moyab.

Ri Lucax 14:21

Xtzelej bic ri pataninel, xuya' qui tzijoxic ri jastak ri' che ri rajaw. C'äte ri' xpe royowal ri rajaw ja, xubij che ri pataninel rech: ‘Jät chanim pa ri nimak tak be, pa ri u xo'l tak ja re ri tinimit. Chebac'ama' ulok ri mebayib, ri cutucak, ri moyab, xukuje' ri ch'ocojib.’

Ri Lucax 3:17

C'o ri u jopibal pa u k'ab, cujosk'ij na ri rera, cumulij na ri u trico pa ri u c'uja, cuporoj na ri pajo pa k'ak' ri man chupel taj.”

Romanos 8:13

We are quiban ri u rayibal ri i banic aj winak re mac, quixcäm na. We c'u rumal ri Uxlabaxel quebicämisaj ri itzel tak u banoj ri i cuerp, quixc'asi' na.

1 Corintios 9:27

Xane' quinban c'ax che ri nu cuerp, quintakan puwi'. Jewa' quinbano rech man quinriktaj taj chi ma ta utz nu banom, nu bim c'u chque niq'uiaj chic chi utz chquibana'.

Gálatas 5:24

Ri e rech ri Crist Jesus qui ripom chic ri qui banic aj winak re mac, ruc' ronojel ri man utz taj ri cäraj xukuje' ruc' ri itzel u rayinic.

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

Ri Tit 2:12

Cujutijoj chi cäkatas kib chrij ri rayibal aj uwächulew xukuje' ri jastak ri man cäquiya' ta u k'ij ri Dios. Cujutijoj chi utz ri ka chomanic cäkabano, cäkaban ri suc', xukuje' cujniman che ri Dios pa ri ka c'aslemal waral cho ri uwächulew,

Hebreos 12:1

Jeri' xukuje' ri uj, ri sutim kij cumal e q'ui k'alajisanelab ri qui c'utum ri qui cojonic, chkesaj ronojel alal, chkesaj ri mac ri c'o chkij che ka chapic. Chkac'ama' kanim, chkach'ija' ruc' coch'onic ri xiq'uinem ri yo'm chkawäch.

1 Pedro 2:1

Je c'u ri, chiwesaj ronojel etzelal xukuje' ronojel subunic. Miban chi iwe jas cäquiban ri quieb qui wäch. Itzel miwil wi aretak jun chic curik utzil. Miyac chi tzij chquij niq'uiaj winak chic.