Marcos 9:29 - Quiché Bible

²⁹ Ri Jesus xubij chque: “Jun itzel uxlabal je jas ri jun ri', quesax bic xak xuwi rumal ri u banic ch'awem ruc' Dios.”

RI KꞌAKꞌ TESTAMENTO PA TZIJOBꞌAL KꞌICHEꞌ

²⁹ Xubꞌij ri Jesús chike: We itzel uxlabꞌal riꞌ xwi kel bꞌik we kibꞌan chꞌawem.

K'iche'

²⁹ Xubij c'u ri Jesús chque: Xak xuwi rumal ru banic orar xukuje' ri u banic ayunar quel bi jun itzelalaj espíritu ri je' u banic wa', —xcha ri Jesús chque ru tijoxelab.

K'iche' (New Orthography)

²⁹ Xub'ij k'u ri Jesús chke: Xaq xuwi rumal ru b'anik orar xuquje' ri u b'anik ayunar kel b'i jun itzelalaj espíritu ri je' u b'anik wa', —xcha ri Jesús chke ru tijoxelab'.

Marcos 9:29 ပူးပေါင်းရင်းမြစ်များ

Ri Daniel 9:3

Xebenban c'u tak ch'awem xukuje' tak tok'lenic che ri Dios ri Ajawaxel, xinya' nu tzij chi man quinwa' ta na, e nu cojom c'u wakwoj tak atz'iak, xint'uyi pa chaj.

Ri Matey 12:45

Cäbe c'u ri itzel uxlabal, quebuc'ama' chi ulok wukub uxlabal chic ruc'. Ri e lawalo na chuwäch ri are'. Conojel queboc bic pa ri winak, quec'oji' chila'. Ri q'uisbal u banic ri winak ri' canimataj na chuwäch ri nabe. Jeri' xukuje' cäban na chque ri itzel tak winak ri e c'o cho ri uwächulew camic.”

Ri Matey 17:20

Xubij ri Jesus chque: “Rumal rech chi xa' jubik' ri i cojonic. Kastzij quinbij chiwe, chi we ta c'o i cojonic je jas ri u nimal ri rija' ri moxtansa, quibij na ri' che we juyub ri': ‘Chatel bic waral, chatk'ax chila'’, cäk'ax c'u na. Ma ta c'o jun jasach ri' ri ma ta quixcuin che u banic.”

Marcos 9:28

Aretak xeboc pa ri ja, ri u tijoxelab xquic'ot u chi' ri Jesus pa qui tuquiel wi: “¿Jas c'u che ri uj man xujcuin ta che resaxic ri itzel uxlabal?”

Marcos 9:30

E elinak chi bic chila', xeboc'ow pa Galiley. Man xraj ta c'u ri Jesus chi c'o jun quetamanic chi ri are' c'o chila'.

Ri Lucax 11:26

Cäbe c'ut, quebuc'ama' ulok wukub uxlabal chic ruc', ri sibalaj e itzel na chuwäch ri are'. Conojel queboquic, quejeki' chila'. Ri u q'uistajic ri winak ri', cänimataj na chuwäch ri nabe.”

Hechos 14:23

Xequicoj c'u can tak ri tatayib ri quetakan pa jujun comon cojonelab, xquiban ch'awem ruc' Dios, xukuje' man xewa' taj. Te c'u ri' xequijach pa u k'ab ri Ajawaxel ri e cojoninak che.

1 Corintios 9:27

Xane' quinban c'ax che ri nu cuerp, quintakan puwi'. Jewa' quinbano rech man quinriktaj taj chi ma ta utz nu banom, nu bim c'u chque niq'uiaj chic chi utz chquibana'.

2 Corintios 11:27

Nu banom c'axalaj tak chac, nu rikom tak c'ax. Q'ui mul man xinrik ta quintijo, nu rikom wi'jal, nu rikom chaki'j chi', q'ui mul man ximwataj, xinc'oji' pa tew, quint'unuwic.

2 Corintios 12:8

Oxmul xinbochi'j ri Ajawaxel chi cäresaj we c'ax ri' chwe.

2 Corintios 6:5

Aretak cujch'ayic, aretak cujcoj pa che', aretak cäquimulij quib ri ka c'ulel chkij, aretak cäkarik c'axalaj tak chac, aretak cujc'asc'atic, xukuje' aretak cäkarik numic.

Efesios 6:18

Mitanaba' ri u banic ch'awem ruc' Dios: chixbochi'nok xukuje' chixtz'onom che ri Dios amak'el, pa ri Uxlabaxel. Chixc'asc'atok, mixtuktubic, chibana' c'u ch'awem puwi' ronojel ri u tinimit ri Dios.

Santiago 5:15

Are ri ch'awem ruc' Dios ruc' cojonic querutzirisaj na ri yawab, ri Ajawaxel cuwalijisaj c'u na. We c'o mac u banom, quesachtaj na ri u mac.