Marcos 7:15 - Quiché Bible

^15-16 Man c'o ta jun jasach ri cätijic ri cutz'iloj ta ri winak. Xane' e are ri itzel tak jastak ri quebel ulok pa chi'aj, are ri' catz'ilon ri winak.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Man are ta kachꞌulujisan ri winaq ri jastaq ri kutijo xane are kachꞌulujisan ri etzelal ri kel loq pa ranimaꞌ.

K'iche'

¹⁵ Man c'o tä ri cutij ri winak ri cäcowinic cäretzelaj u wäch ru c'aslemal. Xane are ri quel lok pa ranima' ri winak, are wa' ri quetzelan u wäch ru c'aslemal.

K'iche' (New Orthography)

¹⁵ Man k'o tä ri kutij ri winaq ri käkowinik käretzelaj u wäch ru k'aslemal. Xane are ri kel loq pa ranima' ri winaq, are wa' ri ketzelan u wäch ru k'aslemal.

Marcos 7:15 ပူးပေါင်းရင်းမြစ်များ

E C'ambal tak Tzij 4:23

Chachajij ri a chomabal chuwäch apachique jasach ri c'o cho ri uwächulew, che c'ut caq'uiy wi ri c'aslemal.

Ri Matey 12:34

Ix quija'l cumätz. ¿La quixcuin lo quibij ta utzalaj tak tzij, ix itzel tak winak c'ut? Che c'u ri tz'ebenic ri c'o pa ri ranima' ri winak, are wa' quel ulok pa u chi'.

Ri Matey 15:16

Ri Jesus xubij c'ut: “¿La xukuje' ri ix man quich'ob taj?

Marcos 7:14

Xebusiq'uij chi jumulaj q'uialaj winak, xubij chque: “Chinitatabej, iwonojel. Chich'obo' jas ri quinbij.

Hechos 10:28

Xubij chque: “Ri ix quich'obo chi man ya'tal ta che jun aj judey cärachilaj o coc pa rachoch jun ri man u winakil taj. Are c'u ri Dios u c'utum chnuwäch chi man cuya' taj quinbij chi man josok' taj jun winak, o tz'il.

Romanos 14:17

Ri rajawibal c'u ri Dios man wa ja' taj, xane' suq'uil, jamaril xukuje' quicotemal rumal ri Ruxlabal ri Dios.

1 Corintios 10:25

Chilok'o' chitija' ronojel ri cac'ayix chupam ri c'ayibal ti'j, miban c'otoj chi'aj rumal rech ri etamabal c'uxaj.

Ri Tit 1:15

Chque ri e ch'ajch'oj ri qui chomanic, conojel ri jastak e ch'ajch'oj; chque c'ut ri man e ch'ajch'oj taj, man ch'ajch'oj taj ri qui chomanic mawi ri qui cojonic, man c'o ta jun jasach ch'ajch'oj; xukuje' ne ri qui no'jinic xukuje' ri quetamabal c'uxaj e tz'ilotajinak.

Hebreos 13:9

Mixc'amalax bic cumal jule' tak tijonic chic ri e jalan chi wi. Are c'u utz na chi co quitiquiba' ri iwanima' chrij ri u tok'ob ri Dios, man chrij ta ri wa ja'. Ri je qui banom wa' man c'o ta xquechbej.

Hebreos 9:10

rumal rech chi xak takanic wa' chquij jastak ri quebilitajic, chrij ri wa, ja' xukuje' q'ui qui wäch ch'ajanic. Ri xuwi c'o qui patan aretak c'ämajok chuban ri Dios ri q'uextajem.