Marcos 6:21 - Quiché Bible

²¹ Xopan jun k'ij aretak xya' che ri Herody chi cuban jas ri cäraj. Xurik ri nimak'ij re u tz'akatisaxic u junab ri Herod. Xuban c'u jun nimalaj wa'im chque ri nimak qui k'ij ri e c'o ruc', chque ri qui nimakil ri ajch'ojab xukuje' chque ri nimak qui k'ij pa Galiley.

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Jun qꞌijal, are xutzꞌaqatisaj ujunabꞌ ri Herodes, xubꞌan jun nimalaj nimaqꞌij, xuꞌsikꞌij konojel ri e rajchakibꞌ, e rajchꞌoꞌjabꞌ xuqujeꞌ ri e winaq ri nim kibꞌanik pa Galilea.

K'iche'

²¹ Xurik c'u ri nimak'ij re ri roc'owisaxic u junab ri tat Herodes. Ri are' xuban jun nimalaj wi'm chque ri winak ri nimak qui banic ri e c'o ruc', xukuje' chque ri qui nimakil ri soldados, cachi'l ri qui nimakil ri winak aj Galilea.

K'iche' (New Orthography)

²¹ Xuriq k'u ri nimaq'ij re ri rok'owisaxik u junab' ri tat Herodes. Ri are' xub'an jun nimalaj wi'm chke ri winaq ri nimaq ki b'anik ri e k'o ruk', xuquje' chke ri ki nimaqil ri soldados, kachi'l ri ki nimaqil ri winaq aj Galilea.

Marcos 6:21 ပူးပေါင်းရင်းမြစ်များ

Chapletajic 27:41

Kas chi' c'ut ri Esau xretzelaj u wäch ri Jacob, rumal ri tewichibal ri xya' che rumal ri u tat, xubij: “Xak pa quieb oxib k'ij, cäcäm ri nu tat, aretak c'u cäminak chic, quincämisaj ri Jacob ri nu chak'.”

Chapletajic 40:20

Churox k'ij c'ut xtz'akat u junab ri ajawinel, xuban jun nimalaj nimak'ij, xerula'j ri nimak qui k'ij, chquiwäch c'ut ri e rula', ri ajawinel xtakan che quesaxic ulok pa ri che' ri qui nimal ri e suc'umal tak u wa'l uva xukuje' ri qui nimal ri e suc'umal tak caxlanwa.

Ri Ester 2:18

Xuya' c'u jun nimalaj wa'im che u ya'ic u k'ij ri Ester, xerula'j c'u conojel ri e rach k'atal tak tzij xukuje' ri quetoban ruc' pa ri rajawinic, xebukasaj tak ri alcabal ri quequitoj tak ri u tz'akatil ri ajawibal xebujach c'u q'ui sipanic, jacha' ri cäpe pa ranima' jun ajawinel.

Ri Ester 3:7

Pa ri nabe ic' re ri junab, o are' ri ic' re Nisan, chupam ri cablajuj junab re ri rajawinic ri Asuer, xeq'uiak taklebenic chuwäch ri Aman rech cac'ut ri k'ij xukuje' ri ic' ri takal u banic ri u chomanic, are c'u xutaklebej ri roxlajuj (13) rajilabal ri ucablajuj ic', o are' ri ic' Adar.

Ri Osey 7:5

Pa ri k'ij aretak cäcoj ri u corona ri kajawinel, ri e c'amal tak be xquiban che chi xyawabin rumal ri u k'ak'al ri u wa'l uva. ¡Ri are' xuyuk ri u k'ab chque ri queyok'onic!

Ri Lucax 3:1

Pa ri ro'lajuj u junab ri u takanic ri nimalaj k'atal tzij Tiber Sesar ri nim u takanic, are c'u ri Pons Pilat are' k'atal tzij pa Judey, ri Herod are k'atal tzij pa Galiley, ri Pelip ri rachalal are k'atal tzij pa Iturey xukuje' que tak ri ulew ri e c'o pa Traconit, ri Lisaniy are k'atal tzij pa Abilin.

Hechos 25:23

Chucab k'ij xpe ri Agrip rachil ri Berenis ruc' sibalaj nimal. Xeboc bic pa ri k'atbal tzij, e cachil ri qui nimakil ri ajch'ojab xukuje' ri achijab ri nimak qui banic pa ri tinimit. Xtakan ri Pest che u c'amic ulok ri Pawl, xc'am c'u ulok.

1 Pedro 4:3

Chubana' c'u chiwe ri i chac pa tak ri k'ij ri xeboc'ow canok, aretak xiban ri jastak ri cäquirayij ri man e cojonelab taj. Xiban ronojel ri xiwaj, xiban ronojel ri itzel i rayibal, xixk'abaric, xiban nimalaj mac aretak ximulij iwib che nimak tak wa'im, ximulij iwib che u tijic tzam, xebik'ijilaj tak diosib ri e tz'il.

Apocalipsis 11:10

Ri e jekel cho ri uwächulew quequicot na che ri qui cämical. Cäquiban na nimak'ij, cäquitakala' na sipanic chquixo'l. Rumal rech chi we e quieb k'axal tzij ri' qui banom c'ax chque ri e jekel cho ri uwächulew.