Marcos 4:8 - Quiché Bible

⁸ Jubik' chi ija' xkaj pa utzalaj ulew. Xel ulok, xq'uiyic, xwächinic. E c'o jujun ija' ri xquiya' juwinak lajuj (30) qui wäch, jujun xquiya' oxc'al (60) qui wäch, jujun chic xquiya' jun sient (100) qui wäch.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Ri nikꞌaj ijaꞌ chik xeqaj pa ri utz ulew. Are xkꞌiy loq, xenimaꞌqirik, xewachinik e jujun xkiya juwinaq lajuj, e nikꞌaj oxkꞌal e nikꞌaj chik jun ciento.

K'iche'

⁸ Are c'u ri niq'uiaj ija' chic xekaj pa utzalaj ulew. Xebel lok ri tux, xeq'uiyic, xewächinic. E c'o jujun tico'n xquiya juwinak lajuj qui wäch chupam ru jolom trico chquijujunal, e c'o jule' chic ri xquiya oxc'al qui wäch chupam ru jolom chquijujunal. Ri niq'uiaj tico'n chic xquiya jun ciento qui wäch chupam ru jolom chquijujunal, —xcha chque.

K'iche' (New Orthography)

⁸ Are k'u ri nik'iaj ija' chik xeqaj pa utzalaj ulew. Xeb'el loq ri tux, xek'iyik, xewächinik. E k'o jujun tiko'n xkiya juwinaq lajuj ki wäch chupam ru jolom triko chkijujunal, e k'o jule' chik ri xkiya oxk'al ki wäch chupam ru jolom chkijujunal. Ri nik'iaj tiko'n chik xkiya jun ciento ki wäch chupam ru jolom chkijujunal, —xcha chke.

Marcos 4:8 ပူးပေါင်းရင်းမြစ်များ

Chapletajic 26:12

Pa ri junab ri' xticonij ri Isaac chila', sibalaj c'u nim ri u wächinic ri tico'n xuyaco, xtewichi'x rumal ri Ajawaxel.

Ri Isaiy 58:1

Ri Ajawaxel xubij chwe: “Co charaka' a chi' maxe'j awib, co charaka' a chi' jacha' jun trompet chayaja' ri nu tinimit qui mac ri e u chak'maquil, ri u tinimit ri Jacob qui mac ri e u mac.

Ri Matey 13:23

Ri xekaj pa ri utzalaj ulew, are cubij ri winak ri cuta' ri tzij, cuch'obo, cuya' c'u u wächinic. Ri jun ija' cuya' jun sient (100) u wächinic, jun chic cuya' oxc'al (60), ri jun chic cuya' juwinak lajuj (30).”

Ri Matey 13:8

Niq'uiaj chic xekaj pa utzalaj ulew, xquiya' qui wächinic. C'o xuya' jun sient u wäch. C'o xuya' oxc'al u wäch. C'o xuya' juwinak lajuj u wäch.

Marcos 4:20

Ri ija' ri xkaj pa utzalaj ulew, are cubij ri winak ri cäquitatabej ri tzij, cäquicojo, cäquiya' qui wächinic. E c'o jujun ri cäquiya' juwinak lajuj (30) qui wäch. Jujun chic cäquiya' oxc'al (60) qui wäch. Niq'uiaj chic cäquiya' jun sient (100) qui wäch.”

Marcos 4:7

Jubik' chi ija' xkaj pa tak q'uix. Xebel ulok ri q'uix, xquijik'isaj ri ija', man xwächin ta c'ut.

Marcos 4:9

Xubij c'ut ri Jesus: “Apachin ri c'o u xiquin, chutatabej wa'.”

Ri Lucax 8:15

Ri ija' ri xkaj pa ri utzalaj ulew, are cuq'uexwächij ri winak ri cäquita' ri tzij, cäquicoj ruc' ronojel canima'. Ri e are' cäquik'i ronojel u wäch c'ax, quewächin ruc' coch'onic.”

Ri Lucax 8:8

Jubik' chic xkaj pa ri utzalaj ulew. Xq'uiyic, chquijujunal c'ut xquiya' jujun tak sient qui wächinic.” Aretak xbitaj wa' rumal, co xch'awic, xubij: “apachin ri c'o u xiquin che u tatabexic, chutatabej.”

Ri Xuan 15:5

In ri' ri juwi' uva, ix c'ut ri ix u k'ab. Jachin ri tikil chwe, xukuje' c'u ri in in tikil che, cuya' na q'ui u wächinic. We ta c'u ma ta wumal in ri ix man c'o ta jas quixcuin che u banic.

Ri Xuan 7:17

We c'o jachin cäraj cuban ri u rayibal ri xintakow ulok, cäretamaj na we ri nu tijonic cäpe ruc' ri Dios, we xak quintzijoj pa we wi.

Hechos 17:11

Sibalaj utz ri qui no'j ri aj Berey chquiwäch ri e c'o pa Tesalon. Xquic'am ri tzij ruc' ronojel canima'. K'ij chi k'ij cäquitzucuj chupam ri Tz'ibatalic, che rilic we kastzij ri cubij chque.

Efesios 2:21

Che c'u wa' ri Crist u nuc'um wi rib ronojel ri ja caq'uiy c'ut rech cux tastalicalaj rachoch ri Ajawaxel Dios.

Filipenses 1:11

Ix nojinak chque tak wächinic re suq'uilal, ri e rumal ri Jesucrist che u juluwem xukuje' che u ya'ic u k'ij ri Dios.

Colosenses 1:6

We tzij ri' ri xtzijox chiwe, are' wa' tzijom pa tak conojel ri c'olbal cho ri uwächulew. Cätajin cäq'uiyic xukuje' cuya' u wächinic jas ri u banom ulok iwuc' pa ri k'ij aretak xita' ri u tok'ob ri Dios xukuje' kas c'u xiwetamaj chi are' kastzij.