Marcos 4:19 - Quiché Bible

¹⁹ are c'u queboc il chque ri jastak aj uwächulew, quesub rumal ri k'inomal, cäquirayij q'ui jastak chic, benak c'u qui c'u'x cuc'. Cäjik'isax ri tzij rumal ronojel wa', man quewächin taj.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Are kꞌu ri kirajawaxik rech we kꞌaslemal rech uwachulew, ri subꞌunik, xuqujeꞌ ri qꞌinomal, itzel taq rayinik, kakijiqꞌisaj ri utz laj tzij, man kawachin taj.

K'iche'

¹⁹ Te c'u ri' are quequilij na ri jastak re we uwächulew ri', quesub rumal ri k'inomal, xukuje' cäquirayij q'uia u wäch jastak chic, que' c'u canima' cuc'. Rumal c'u wa' cäjik'isax ri Tzij pa canima', man cäwächin tä c'u ri'.

K'iche' (New Orthography)

¹⁹ Te k'u ri' are kekilij na ri jastaq re we uwächulew ri', kesub' rumal ri q'inomal, xuquje' käkirayij k'ia u wäch jastaq chik, ke' k'u kanima' kuk'. Rumal k'u wa' käjiq'isax ri Tzij pa kanima', man käwächin tä k'u ri'.

Marcos 4:19 ပူးပေါင်းရင်းမြစ်များ

E C'ambal tak Tzij 23:4

Macoj a chuk'ab rech catux k'inom matoc il che u rikic wa'.

E C'ambal tak Tzij 23:5

We kas utz rilic cabano cawil c'u na chi man e c'o ta k'inomal; ruc' aninakil querapinic quebec, e jacha' ri cot, je ta ne ri xa queq'uiy qui xic'.

Ri Tzijonel 4:8

Jun winak ri c'o xak u tuquiel, ri man e c'o ta rachil, mawi tak ralc'ual, mawi tak rachalal, ri mawi cuxlan ta jubik, ri kas man cäcos ta che u ca'yexic ri u k'inomal, mawi c'u ne cuc'ot ta u chi' chbil rib: “¿Jachin c'u lo che cätajin quinchacun wi? ¿Jasche quink'il ri utzil chwe?” Xukuje' ba' wa' xak cawächibal, xak jun alalaj eka'n.

Ri Isaiy 5:2

Xutajij ri ulew, xeresaj ri abaj chupam, xutic c'u qui k'ab utzalaj tak uva. Pa u niq'uiajil ri tico'n xuyac wi jun nimalaj tac'atic ja', xukuje' xusuc'umaj jun c'olbal ri capitz' wi ri u wa'l uva. Ri wanima' wib ruc' reye'm chi ri uva ri xebentico quequiya' na qui'laj tak uva, e are c'u ri uva ri xebuya' xa c'aylaj tak uva.

Ri Isaiy 5:4

¿La c'o ta c'u lo ri rajawaxic xinban ta na che ri nu ticbal uva? ¿La c'o ta c'u lo jun jasach ri ma ta xinban che? In weye'm chi xuya' ta qui'laj tak uva, ¿jas c'u che c'aylaj tak uva xuya'?

Ri Matey 13:22

Ri ija' ri ticom chquixo'l tak q'uix are cubij ri caquitatabej ri tijonic e aretak c'ut ri ch'äcoj re we uwächulew ri' cuya' sibalaj oquem il chque xukuje' ri qui lok'ok'exic ri k'inomal quebusubu. Ronojel wa cujik'isaj ri tijonic man cuya' ta c'u chque chi quewächinic.

Ri Matey 19:23

Xubij c'u ri Jesus chque ri u tijoxelab: “Kastzij quinbij chiwe, chi ruc' sibalaj c'ax coc jun k'inom pa ri rajawibal ri Dios.

Ri Matey 3:10

Camic yo'm chic ri icäj che qui t'oyic bic ri che' c'ä chaquixe'. Ronojel che' ri man cuya' ta utzalaj u wächinic, cächoy na, cäq'uiak pa ri k'ak'.

Marcos 4:18

Niq'uiaj ija' chic ri xkaj pa tak ri q'uix, are cubij ri winak ri cäquitatabej ri tzij,

Ri Lucax 10:41

Ri Ajawaxel xubij che: “Mart, Mart, sibalaj catoc il chque q'uialaj jastak, sachinak a c'u'x cumal.

Ri Lucax 21:34

Chichajij iwib, miwalobisaj ri iwanima' chupam ri munil, mixk'abaric, mixoc il che ri jastak re we c'aslemal ri', xak c'ätetal ne mäpe ri k'ij ri' chiwij

Ri Xuan 15:2

Conojel ri nu k'ab ri man quewächin taj, ri are' queresaj na. Conojel ri nu k'ab ri quewächinic, ri are' quebujosk'ij rech cutakej wächinic.

Romanos 12:2

Mitakej c'aslemal jas ri u cholajil tak ri e u chomanic tak ri k'ij junab ri uj c'olic; xane', chiq'uexa' ri chomanic ri i nak'atisam wi iwib rech jeri' quiq'uex ri ruc'axic ri i c'aslemal ri iwuc'am quixcuin c'u che retamaxic u wäch ri u rayibal ri Dios, ri u bixic, ri utz na, ri cakaj chuwäch, ri tz'akat.

Efesios 2:2

Xiban ri mac jas ri u beya'l we uwächulew ri', xinimaj ri nim u banic ri c'o u takanic pa ri quiakik', ri uxlabal ri cätakan paquiwi' ri man queniman ta che ri Dios.

Efesios 6:12

Man cujch'ojin ta cuc' winak, xane' cuc' itzel tak uxlabal ri e c'o pa ri caj, ri c'o qui takanic xukuje' qui cuinem puwi' we uwächulew ri' re ri k'eku'm, xukuje' quetakan puwi'.

Filipenses 4:6

C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.

2 Timoteo 4:10

Xinuya' c'u can ri Dems. Ri are' utz xeril na ri jastak re ri uwächulew, benak pa Tesalon. Ri Cresent benak pa Galas, xukuje' ri Tito pa Dalmas.

2 Pedro 1:8

We quiban we jastak ri' xukuje' queq'uiyir iwuc', man cuya' ta ri' xak quitzak k'ij, xane cäc'oji' na i wächinic rumal ri retamaxic u wäch ri Kajaw Jesucrist.

Ri Juds 1:12

E xok'olil c'u wa' pa tak ri i wa'im re lok'ok'ebal c'uxaj, quebulan c'u iwuc' pa ri i wa'im ri quibano, man ruc' ta xe'n ib cäquitzuk quib; e chaki'j tak sutz', ri quec'am bic cumal ri quiakik'; e che' ri e pulpubinak man c'o ta qui wächinic, camul e cäminak, e bokom apanok;