Marcos 16:1 - Quiché Bible

¹ Aretak xoc'ow ri k'ij re uxlanem, ri Mariy Magdalen, ri Mariy u nan ri Santiag, xukuje' ri Salome xequilok' c'oc'alaj tak cunabal che u bilic chrij ri u cuerp ri Jesus.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Are xikꞌow ri qꞌij re uxlanem, ri María Magdalena, ri María unan ri Jacobo xuqujeꞌ ri Salomé xkiloqꞌ bꞌi kꞌokꞌ taq kunabꞌal rech keꞌkikojo kan che ri utyoꞌjal ri Jesús.

K'iche'

¹ Oc'owinak chi c'u ri k'ij re uxlanem, ri nan María aj Magdala, xukuje' ri nan María u nan ri tat Jacobo ruc' ri nan Salomé, xquilok' c'oc'alaj tak cunabal rech quequibila chrij ru cuerpo ri Jesús.

K'iche' (New Orthography)

¹ Ok'owinaq chi k'u ri q'ij re uxlanem, ri nan María aj Magdala, xuquje' ri nan María u nan ri tat Jacobo ruk' ri nan Salomé, xkiloq' k'ok'alaj taq kunab'al rech kekib'ila chrij ru cuerpo ri Jesús.

Marcos 16:1 ပူးပေါင်းရင်းမြစ်များ

Chapletajic 50:2

Ri Jose xebutak ri rajcunab chi cäquicoj c'oc'alaj tak cunabal chrij ri Israel ri u tat; je c'u xquibano.

Ucab Tzijobelil 16:14

xmuk c'u chupam ri mukubal ri xutak u banic chupam ri u Tinimit ri David. Xya' chupam jun alaj ch'at ri nojinak che c'oc'al xukuje' ronojel qui wäch cunabal ri quec'oc'atic ri sibalaj je'l qui suc'umaxic xbanic. Xnicowisaxtax c'ut jun nimalaj k'ak' che u ya'ic u k'ij.

Marcos 14:3

C'o c'u ri Jesus pa Betan cho rachoch ri Simon, ri xc'oji' ch'a'c chrij. Ri Jesus c'o pa ri mexa. Xopan jun ixok, ruc'am jun lime't re abaj alabastr. C'o c'oc'alaj cunabal re nard chupam, man yujtal ta ruc' jun jasach chic, sibalaj pakal rajil. Xuwotz'ij ri lime't, xuk'ij ri c'oc'alaj cunabal pa u jolom ri Jesus.

Marcos 14:8

We ixok ri' xubano jas ri xcuin che u banic. Xubil bic ri nu cuerp c'ä majok chincämok.

Marcos 15:40

E c'o ixokib ri cätajin cäquil ulok chi naj. Chquixo'l c'u ri ixokib ri' e c'o ri Mariy Magdalen; xukuje' ri Mariy qui nan ri Santiag ri chak'axel xukuje' ri Jose; xukuje' ri Salome.

Marcos 15:42

Xk'ekal chic c'ut casuc'umax ri cajwataj che ri ucab k'ij ri are' k'ij rech uxlanem,

Marcos 15:47

Ri Mariy Magdalen ruc' ri Mariy u nan ri Jose xquilo jawije' ri xya' wi ri u cuerp ri Jesus.

Marcos 16:2

Sibalaj ak'ab pa ri nabe k'ij re ri seman, xebe chuchi' ri mukubal. Elinak chi ulok ri k'ij aretak xebopanic.

Marcos 16:8

Ri ixokib xebec, xebanimaj bic chuchi' ri mukubal. Quebirbitic, cäquimayo. Man c'o ta xquibij che jachin jun, rumal rech chi quixe'n quib.

Ri Lucax 23:54

Are k'ij wa' aretak cäban u banic ronojel che ri k'ij re uxlanem. Xa jubik' chic cäraj man cächaplex ri k'ij re uxlanem.

Ri Lucax 23:56

Aretak xetzelej ulok, xequisuc'umaj tak c'oc'al xukuje' c'oc'alaj tak cunabal. Xebuxlan c'u pa ri k'ij re uxlanem, jas ri cubij ri pixab.

Ri Lucax 24:1

Pa ri nabe k'ij re ri uwuk k'ij, sibalaj ak'ab xebe ri ixokib chuchi' ri mukubal. Xequic'am bic ri c'oc'al ri qui suc'umam.

Ri Xuan 19:25

Chunakaj c'ut ri u ripibal ri Jesus tac'al wi ri u nan, xukuje' ri rachalal ri u nan, ri Mariy rixokil ri Cleops, xukuje' ri Mariy Magdalen.

Ri Xuan 19:31

Ri aj judeyib xquibochi'j ri Pilat chi chek'ajisax ri qui ch'ec ri e c'o cho tak ri ripibal, chebesax c'ut. Je xquibij wa' rumal rech chi are' ri k'ij aretak cäsuc'umax ronojel che ri nimak'ij Oc'owem, man cäcaj ta c'ut chi quecanaj ta can ri cuerp cho tak ri ripibal pa ri k'ij re uxlanem, nimalaj k'ij c'u ri k'ij re uxlanem ri'.