Marcos 13:27 - Quiché Bible

²⁷ C'äte ri' quebutak c'u na ri e u tako'nib aj caj, quebumulij na ri e u cha'om, pa ri elebal k'ij, pa ri u kajebal k'ij, ri e c'o pa u moxk'ab xukuje' u wiquiak'ab ri elebal k'ij, c'ä naj che ri uwächulew, ri c'ä naj che ri caj.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁷ Kuꞌtaq kꞌu na loq ri rangelibꞌ ri Dios chikimulixik konojel ri e chaꞌtalik pa ronojel ri uwachulew.

K'iche'

²⁷ Te ri' queintak na bi ri ángeles rech quequimulij ri winak ri e cha'tal rumal ri Dios pa ri relbal k'ij, pa ru kajbal k'ij, pa ri u moxk'ab ri relbal k'ij, pa ru wiquiäk'ab ri relbal k'ij, tzpa ronojel ri cajulew, —xcha chque.

K'iche' (New Orthography)

²⁷ Te ri' keintaq na b'i ri ángeles rech kekimulij ri winaq ri e cha'tal rumal ri Dios pa ri relb'al q'ij, pa ru qajb'al q'ij, pa ri u moxq'ab' ri relb'al q'ij, pa ru wikiäq'ab' ri relb'al q'ij, tzpa ronojel ri kajulew, —xcha chke.

Marcos 13:27 ပူးပေါင်းရင်းမြစ်များ

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Ri Isaiy 65:9

Quinban na chi queq'uiyir ri ralc'ual ri Jacob xukuje' chi quec'oji' na winak pa Juda ri quejeki' pa tak ri nu c'ache'laj. Ri e cha'tal wumal e are quebechben na ri ulew, ri e pataninelab tak wech quejeki' na chila'.

Ri Zacariy 2:6

Ri Ajawaxel cujiquiba' u bixic: “In xinbanowic chi ri ix xixjabux pa conojel tak c'olbal. Are c'u ri camic quinbij chiwe: ¡Chixanimaj chanim chiya' can ri ulew aj riquiak'ab elebal k'ij! ¡Chito'tajisaj iwib chiwesaj iwib pa u k'ab ri Babilon, ri xixjekebax wi aretak xixc'am ulok, ri ix jekel can pa Sion! In, ri Ajawaxel, quinjiquiba' u bixic.”

Ri Matey 12:42

Ri ixok ajawinel aj u mox ri elebal k'ij cäc'oji' na pa ri k'atoj tzij junam cuc' ri winak ri e c'o cho ri uwächulew camic. Ri are' quebuc'okoj na. Rumal rech chi ri are' xpe pa jun tinimit cho ri uwächulew ri sibalaj naj che u tatabexic ri u no'j ri Salomon. Chiwilampe', c'o jun waral ri nim na u banic chuwäch ri Salomon.”

Ri Matey 13:41

Ri Rija'l winak quebutak na ri aj cajalaj tak tako'nib che qui molic chupam ri rajawibal conojel ri quebanowic chi quemacun jule' chic, xukuje' ri qui nak'atisam quib che u banic ri etzelal.

Ri Matey 13:49

Je c'u cac'ulmataj na pa ri u q'uistajic ri uwächulew. Quebel na ulok ri aj cajalaj tak tako'nib, quequitas c'u na ri itzel tak winak chquixo'l ri winak ri e suc',

Ri Matey 24:22

We ta ma ta queco'pix ri k'ij ri', ma ta c'o jun winak ri cäto'tajic. Rumal c'u quech ri e cha'om, queco'pix ri k'ij ri'.

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Ri Matey 24:31

Quebutak na ri tako'nib aj chicaj ruc' nimalaj rok'ebal trompet. Quebumulij na ri e rech ri e u cha'om pa ri quiejeb u tza'm ri uwächulew, che ri jun u tza'm ri caj c'ä che ri jun chic.

Marcos 13:20

We ta ma ta queco'pix we k'ij ri' rumal ri Ajawaxel, ma ta c'o jun ri cac'asi' ta canok. Rumal c'u quech ri winak ri e u cha'om, cuco'pisaj ri k'ij ri'.

Marcos 13:22

Quewalij na winak ri cäquijaluj quib chi e crist, cäquijaluj quib chi e k'axal tak tzij. Quequiban na etal xukuje' mayibal che qui subic we quecuin chque xukuje' ne ri e cha'talic.

Marcos 13:28

Chich'obo' ri c'ambal no'j chrij ri u che'al higo: Aretak queräxar ri u k'ab, quetux c'u ri u xak, iweta'm chi petinak chic ri k'aläj.

Ri Lucax 16:22

C'o c'u jun k'ij xcäm ri meba'. Xc'am bic cumal ri e tako'n aj caj rech quecol cho u c'u'x ri Abraham. Xukuje' xcäm ri k'inom, xmuk c'ut.

Ri Lucax 18:7

¿La ma ta ri Dios cuk'at na tzij paquiwi' ri qui c'ulel ri winak ri e u cha'om, we ri e are' cäquirak qui chi', quebochi'n che chi pa k'ij chi chak'ab? ¿La cäbeytaj ta lo ri Dios?

Ri Xuan 10:16

E c'o chi c'u niq'uiaj nu chij, ri man e rech ta we warabal ri'. E are c'u ri' xukuje' rajawaxic quebenc'ama' na ulok. Cäquitatabej na ri nu ch'abal. Cäc'oji' na xa' jumulaj chij, xukuje' xa' jun ajyuk'.

Ri Xuan 11:52

Man xuwi' ta c'u cäcäm na che u q'uexwäch ri nim tinimit, xane' xukuje' rech quebumulij na pa jun ri e ralc'ual ri Dios ri e jabuninak.

Romanos 8:33

¿Jachin ta ri cäcuinic cuban tzij chquij ri e cha'om rumal ri Dios? Ri Dios c'ut quek'alajisanic chi e suc' chic chuwäch.

U Camulixic ri Pixab 30:4

Pune' nabe ri e esam bic chiwe e jabutal pa tak ri c'olbal ri sibalaj naj e c'o wi cho ri uwächulew, kas chila' cuban wi na chque chi quetzelej na ulok ruc' ri Ajawaxel ri qui Dios, c'ä chila' quinbe wi na che qui tzucuxic ulok.

Colosenses 3:12

Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,

2 Tesalonicenses 2:1

Chrij c'u ri cäbantaj na aretak cäpe ri Kajaw Jesucrist xukuje' aretak cäkamulij kib ruc', quixkabochi'j, kachalal,

2 Timoteo 2:10

Rumal ri' quinch'ij conojel ri rikoj c'ax che cutzil ri e cha'om, rech xukuje' ri e are' cäquirik ri colobal ib ri c'o pa Crist Jesus ruc' ri junalicalaj juluwem.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.