Marcos 13:14 - Quiché Bible

¹⁴ Aretak c'u quiwil ri tz'ilalaj jasach pa ri c'olbal ri man takal ta wi che chi cac'oji' chila', (ri jun ri cusiq'uij we tzij ri', chuch'obo'), c'äte ri' ri e c'o pa Judey chebanimaj bic pa tak ri juyub.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Are kiwil na ri itzel laj awas kakꞌojiꞌk jawjeꞌ ri man taqal ta wi, /jetaq ri xutzꞌibꞌaj ri qꞌalajisal tzij Daniel/ (ri kusikꞌij uwach ri wuj, chuchꞌobꞌo ri kubꞌij ri kusikꞌij) ri winaq ri e kꞌo pa Judea chaꞌnimaj bꞌik chebꞌoꞌj pa ri juyubꞌ.

K'iche'

¹⁴ Ri ka mam Daniel, jun chque ri k'alajisal re ru Lok' Pixab ri Dios, xutz'ibaj ojer chrij ri “itzelalaj äwas ri quetzelan ronojel.” ¡Jachin ri cusiq'uij wa', ri tz'ibtal waral, chuch'obo' jas ri' ri äwas ri cubij chi'! Aretak quiwil wa' cäc'oji chila' jawije' ri man ya'tal tä wi, rajwaxic chi ri winak ri e c'o pa Judea queanimaj bi pa tak ri juyub.

K'iche' (New Orthography)

¹⁴ Ri qa mam Daniel, jun chke ri q'alajisal re ru Loq' Pixab' ri Dios, xutz'ib'aj ojer chrij ri “itzelalaj äwas ri ketzelan ronojel.” ¡Jachin ri kusik'ij wa', ri tz'ib'tal waral, chuch'ob'o' jas ri' ri äwas ri kub'ij chi'! Aretaq kiwil wa' käk'oji chila' jawije' ri man ya'tal tä wi, rajwaxik chi ri winaq ri e k'o pa Judea keanimaj b'i pa taq ri juyub'.

Marcos 13:14 ပူးပေါင်းရင်းမြစ်များ

Juyuwem 1:10

Ri c'ulel u banom rech chque tak ri e u k'inomal ri Jerusalen. Ri tinimit xeril ri e k'ijilal tak diosib quetininic xeboc chupam ri k'ijilabal, ¡Winak, ri yo'm wi la takanic Ajawaxel, chi man cuya' taj queboc chupam ri c'olbal la re mulin ib!

Ri Ezequiel 44:9

Rumal ri' in, ri Ajawaxel, quinbij: Man coc ta na jun winak pa ri wachoch ri man i winakil taj, ri man ruc'am taj pa ri u chomanic xukuje' che ri u cuerp ri retal ri nu c'ulwächinic; mawi ne jun chque ri man e i winakil taj ri cajeki' ta chquixo'l ri aj israelib.

Ri Daniel 11:31

Ri e rajch'ojab cäcawasij na ri rachoch Dios xukuje' tak ri cowirisabal, cäquik'il na ri u ya'ic ri tabal tok'ob ri cäya' ronojel k'ij, cäquicoj c'u na chila' jun xibibalalaj awasixic.

Ri Daniel 12:11

Jun mil quieb sient jumuch' lajuj (1290) k'ij queboc'ow na tza pa ri jok'otaj aretak cätanabax u cojic ri tabal tok'ob re ronojel k'ij are c'u cäcoj ri tz'ilalaj etzelal awas chupam ri rachoch ri Ajawaxel.

Ri Daniel 8:13

Chuwi' chi c'u wa' xinto chi jun tako'n aj caj xuc'ot u chi' chic jun tako'n aj caj, xubij: ‘¿Jampa' cätanabax u banic wa' ri quilitaj puwi' ri porobal ri queya' wi tabal tok'ob ronojel k'ij? ¿Joropa' k'ijol cäbeytaj ri xibibalalaj mac chi cäjach ri tastalicalaj k'ijilabal ri cak'ijilax wi ri Ajawaxel xukuje' ri quecojon che, rech quexak'alexic?’

Ri Daniel 9:27

Pa jun chi c'u wukub (7) k'ij, ri are' cuban na jun c'ulwächinic cuc' e q'uia winak, pa u niq'uiajil c'ut ri wukub k'ij cätanabax na qui ya'ic ri tabal tok'ob xukuje' tak ri sipanic. Jun c'u xibibalalaj awasinic cäbantaj na chuwäch ri porobal ri queya' wi ri tabal tak tok'ob c'ä cakaj na ri sachbal wäch ri yo'm u bixic puwi' ri banal tak rech we xibibal ri'.’ ”

Ri Matey 13:51

Xubij c'u ri Jesus chque ri u tijoxelab: “¿La xebich'ob conojel we jastak ri'?” Ri e are' xquibij che: “Cäkach'obo, Kajaw.”

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

Apocalipsis 1:3

Utz re ri cusiq'uij xukuje' utz que ri cäquitatabej ri u siq'uibalil we tzijol ri' ri c'amom che ri Dios, xukuje' cäquinimaj ri tz'ibatal cho we wuj ri', canakajin chi c'ut ri k'ijol.

Apocalipsis 13:18

Waral cärik taj wi ri no'j; ri cach'obowic, chrajilaj ri rajilabal ri awaj, are rajilabal winak. Ri rajilabal c'ut are wakib sient oxc'al wakib (666).