Marcos 13:11 - Quiché Bible

¹¹ Aretak quixc'am na bic chquiwäch ri k'atal tak tzij, mixe'j iwib, michomaj bic jas ri quibij na. Xane' chitzijoj jas ri cäya' na chiwe pa ri jok'otaj ri'. Man ix ta c'ut ri quixtzijonic, xane' are ri Ruxlabal ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Man kakꞌaxir taj iwanimaꞌ chuchomaxik ri kibꞌij are kixkꞌam bꞌik rech kaqꞌat tzij pa iwiꞌ, xaq xwi chibꞌij ri kabꞌix chiꞌwe kibꞌij pa ri qꞌotaj riꞌ, rumal man ix taj riꞌ kixchꞌawik xane are ri Tyoxalaj Uxlabꞌixel.

K'iche'

¹¹ Aretak quixc'am na bic rech quixjach chquiwäch ri k'atal tak tzij, mixej iwib, michomaj bic jas ri quibij na chque, xane chibij ri cäyi' chiwe rumal ri Dios pa ri k'ij ri'. Man ix tä c'ut ri quixtzijon na, xane are ri Lok'alaj Espíritu.

K'iche' (New Orthography)

¹¹ Aretaq kixk'am na b'ik rech kixjach chkiwäch ri q'atal taq tzij, mixej iwib', michomaj b'ik jas ri kib'ij na chke, xane chib'ij ri käyi' chiwe rumal ri Dios pa ri q'ij ri'. Man ix tä k'ut ri kixtzijon na, xane are ri Loq'alaj Espíritu.

Marcos 13:11 ပူးပေါင်းရင်းမြစ်များ

Ucab Samuel 23:2

Ri Ruxlabal ri Ajawaxel cäch'aw wumal in; ri u tzij c'o puwi' ri wak'.

Ri Isaiy 50:4

Ri Ajawaxel u yo'm nu no'j rech quincu'bisaj qui c'u'x ri e cosinak cuc' tak tzij re chajin anima'aj. Conojel ak'abil cuban chwe chi quineyenic rech quintataben ruc' ch'uch'ujil.

Ri Matey 10:17

Chichajij iwib chquiwäch ri winak; quixquijach c'u na pa qui k'ab ri k'atal tak tzij, quixquich'ay na pa tak ri ja ri cäquitijoj wi quib ri aj judeyib che ri pixab.

Marcos 13:12

E c'o winak quequijach na ri cachalal pa cämisaxic, xukuje' c'o tatayib quequijach na ri calc'ual. E c'o alc'ualaxelab ri cäquiwalijisaj na quib chquij ri qui tat qui nan, quequicämisaj na.

Marcos 13:9

Ri ix c'ut chichajij iwib. Quixjach c'u na pa tak qui k'ab ri k'atal tak tzij. Quixch'ay na pa tak ri ja ri cäquitijoj wi quib ri aj judeyib che ri pixab. Quixc'am na bic chquiwäch ri c'o takanic pa qui k'ab xukuje' chquiwäch ajawinelab rumal wech in. Jeri' cuya' quixk'alajisan na chwij chquiwäch ri e are'.

Ri Lucax 21:12

Nabe c'u na chquiwäch wa', ri winak quixquichap na, caquiban na c'ax chiwe rumal ri i cojonic, quixquijach na pa tak ri ja ri cäquitijoj wi quib ri aj judeyib che ri pixab, quixquijach na pa tak che'. Quixquic'am na bic chquiwäch ri ajawinelab xukuje' ri k'atal tak tzij rumal rech ri nu bi'.

Ri Xuan 3:27

Ri Xuan xubij chque: “Man cäcuin ta jun winak c'o cuc'amo, we ta ma ta cäyataj che chicaj.

Hechos 2:4

Conojel c'ut xenojisax che ri Ruxlabal ri Dios, xquichaplej tzijonic pa jule' tak ch'abal chic, jas ri xuya' ri Uxlabaxel chque chi quech'aw wi.

Hechos 3:13

Ri u Dios ri Abraham, ri Isaac xukuje' rech ri Jacob, ri qui Dios tak ri e ka mam u yo'm u k'ij ri Jesus ri pataninel rech. Ri xwalijisaj alak tzijtal chrij chuwäch ri Pilat. Aretak ri Pilat are ta xraj xutzokopij ta ri Jesus, ri alak man xaj ta alak.

Hechos 4:31

Aretak qui banom chi ch'awem ruc' Dios, xyicop ri c'olbal ri qui mulin wi quib. Conojel c'ut xenojisax che ri Ruxlabal ri Dios. Xquicoj c'u qui chuk'ab che u tzijoxic ri u tzij ri Dios.

Hechos 6:10

Man xecuin ta c'u ri winak che u to'ic quib chuwäch ri u tzij, rumal rech chi yo'm u no'j rumal ri Ruxlabal ri Dios.

Hechos 6:15

Ri e k'atal tak tzij xukuje' ri e t'uyut'oj chila', conojel queca'y che ri Estebn. Xquil ri u palaj je jas ri u palaj jun tako'n aj caj.

Hechos 7:55

Nojinak c'u ri Estebn che ri Ruxlabal ri Dios, cäca'y chicaj, xril ri u juluwem ri Dios, xril ri Jesus tac'al pa ri u wiquiak'ab ri Dios.

1 Corintios 2:13

Are wa' cäkatzijoj. Man cäkabij ta tzij ri xketamaj ruc' ri qui no'j ri winak, xane' cäkabij tzij ri xketamaj rumal ri Ruxlabal ri Dios. Jeri' cäkabij ri jastak aj uxlabal chque ri winak aj uxlabal.

Efesios 3:5

Nabe canok man yo'm ta retamaxic we jastak ri' chque ri winak. C'äte camic ri Dios u c'utum chquiwäch ri u tastalic takomxenlab xukuje' ri e k'axal tak re ri u tzij rumal ri Uxlabaxel,

Santiago 1:5

We c'u c'o jun chiwe c'ä c'o cäraj ri u no'j, chuta' che ri Dios, cäyataj c'u na. Ri Dios cuya' chque conojel, man xak ta jubik' cuya'o, xukuje' aretak cäyataj rumal, man cäyok'on taj.

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.