Marcos 12:5 - Quiché Bible

⁵ Ri achi xutak chi ulok jun chi u pataninel. Ri ajchaquib c'ut xquicämisaj. Xukuje' xebutak ulok niq'uiaj u pataninelab chic. Ri ajchaquib xequich'ay niq'uiaj chque, xequicämisaj niq'uiaj chic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Xutaq chi kꞌu bꞌi jun ajchak, ri ajchakibꞌ kꞌut xkikamisaj loq we ajchak riꞌ. E kꞌi xuꞌtaq chi na bꞌik, e kꞌo xechꞌay loq chike, nikꞌaj chik xekamisax loq.

K'iche'

⁵ Xutak chi c'u bi jun patänil re, ri ajchaquib c'ut xquicämisaj wa', je ri' xukuje' xca'n chque ri jule' u tako'n chic. Jujun chque xequich'ayo. Jujun chic xequicämisaj.

K'iche' (New Orthography)

⁵ Xutaq chi k'u b'i jun patänil re, ri ajchakib' k'ut xkikämisaj wa', je ri' xuquje' xka'n chke ri jule' u taqo'n chik. Jujun chke xekich'ayo. Jujun chik xekikämisaj.

Marcos 12:5 ပူးပေါင်းရင်းမြစ်များ

Ri Nehemiy 9:30

Q'ui junab c'ut xecoch' la, xepixbej c'u la rumal ri uxlabal la, xukuje' cumal tak ri e k'axal tak tzij la; man c'u xeboc ta il, rumal ri' xejach la pa xquicowirisaj c'u quib qui k'ab tak ri nimak tak tinimit ri e c'o cho ri uwächulew.

Ri Matey 22:6

Niq'uiaj winak chic xequichap ri tako'n, xequiyok'o, xequicämisaj.

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Ri Matey 5:12

Chixquicot ruc' nimalaj quicotemal, chiquic'am c'u na jun nimalaj tojbal iwech pa ri caj; je c'u c'axc'olil wa' xban chque ri e k'axal tzij ri xepe can nabe chiwäch ix.”

Marcos 12:4

Ri achi xutak chi ulok jun pataninel cuc' ri ajchaquib. Ri e are' c'ut xquiq'uiak ri pataninel che abaj, xquisoc chujolom, xquiyok'o.

Marcos 12:6

C'ä c'o na jun ruc' ri achi, are wa' ri lok'alaj u c'ojol. Chuq'uisbalil xutak ulok ri are' cuc' ri ajchaquib. Xuchomaj: ‘Nim cäquil wi na ri nu c'ojol.’

Marcos 9:13

Quinbij c'u chiwe chi ri Eliy xpetic, ri winak xquiban che ronojel ri xcaj xquibano, je jas ri tz'ibatal chrij.”

Ri Lucax 6:36

Chixtok'obisan ba' wächaj, je jas ri i Tat tok'obisal wächaj.”