Marcos 12:26 - Quiché Bible

²⁶ C'o chi jun tzij quinbij chquij ri cäminakib, chi quec'astaj na: ¿La ma ta i siq'uim pa ri u wuj ri Moises jawije' tz'ibatal wi aretak ri Dios xuch'abej ri Moises pa ri juwi' q'uix?, xubij: ‘In ri' ri u Dios ri Abraham, ri u Dios ri Isaac, ri u Dios ri Jacob.’

RI KꞌAKꞌ TESTAMENTO PA TZIJOBꞌAL KꞌICHEꞌ

²⁶ Are kꞌu ri kꞌastajibꞌal wach kech ri kaminaqibꞌ, ¿la man isikꞌim ri uwuj ri Moisés, jawjeꞌ ri kutzijoj wi rij ri kꞌix, ri Dios xubꞌij che: In in uDios ri Abraham, ri Isaac, xuqujeꞌ ri Jacob?

K'iche'

²⁶ Chrij c'u wa' chi quec'astaj na ri cäminakib, c'o na ri cwaj quinbij chech alak: ¿A mat siq'uim alak pa ri wuj ri tz'ibam rumal ri ka mam Moisés jawije' ri cubij wi chi ri Dios c'o chupam ri juwi' q'uix ri tajin cäc'atic, xuch'abej lok ri ka mam Moisés? Je wa' xubij: “In ri' ru Dios ri Abraham, ru Dios ri Isaac, ru Dios ri Jacob,” —xcha ri Dios, —cächa'.

K'iche' (New Orthography)

²⁶ Chrij k'u wa' chi kek'astaj na ri käminaqib', k'o na ri kwaj kinb'ij chech alaq: ¿A mat sik'im alaq pa ri wuj ri tz'ib'am rumal ri qa mam Moisés jawije' ri kub'ij wi chi ri Dios k'o chupam ri juwi' k'ix ri tajin käk'atik, xuch'ab'ej loq ri qa mam Moisés? Je wa' xub'ij: “In ri' ru Dios ri Abraham, ru Dios ri Isaac, ru Dios ri Jacob,” —xcha ri Dios, —kächa'.

Marcos 12:26 ပူးပေါင်းရင်းမြစ်များ

Chapletajic 26:24

Ri Ajawaxel xuc'ut rib chuwäch ri Isaac pa ri ak'ab ri', xubij c'u che: “In ri' ri u Dios ri a tat Abraham. Maxe'j awib, in in c'o awuc'. Rumal rech ri Abraham ri pataninel wech catintewichi'j, sibalaj c'u quebenpokisaj na ri e awija'lil.”

Chapletajic 28:13

Xukuje' cärilo chi tac'al ri Ajawaxel pa u xc'ut, xubij c'u che: “In ri' ri Ajawaxel ri u Dios ri a mam Abraham xukuje' ri a tat Isaac. Chawe at xukuje' chque ri e awija'lil quinya' wi na ri ulew ri at k'oyol wi.

Chapletajic 31:42

We ta c'u ma ta c'o ri u Dios ri Abraham wuc', ri Dios ri xuk'ijilaj ri nu tat Isaac, xak ta e nu k'alum ri' ri quieb nu k'ab xinesaj la ulok. Rilom c'u ri Dios ri nu bis, xukuje' rilom chi utz elinak ri nu chac, rumal ri' xyaj la rumal ri Dios chak'ab iwir.”

Chapletajic 32:9

Ri Jacob xuchaplej c'u u banic ch'awem ruc' ri Dios, xubij: “Ajawaxel, u Dios ri nu mam Abraham xukuje' u Dios ri nu tat Isaac, xbij ya' la chwe chi quintzelej pa ri wulew xukuje' cuc' ri wachalaxic, xbij c'u la chi cäban la utzil wuc':

Chapletajic 33:20

Xuyac c'u jun porobal ri u bi' xucojo “El-Elohe-Israel.”

Elem 3:16

Jät chebamulij ri nimak tak tatayib re Israel, chabij chque: ‘Ri Ajawaxel ri qui Dios ri e i mam; ri u Dios ri Abraham, ri Isaac, xukuje' ri Jacob, xuc'ut rib chnuwäch xubij c'u chwe chi oquinak il chiwe xukuje' rilom ri c'ax ri cäban chiwe pa Ejipt.

Marcos 12:10

¿La ma ta i siq'uim we Tz'ibatalic ri'?: ‘Ri abaj ri xq'uiak can cumal ri yacal tak ja, are abaj wa' ri xux na ri nim u patan.

Marcos 12:25

Aretak c'u quec'astaj na ri cäminakib, man quec'uli' ta chic, mawi cäquiya' quib che c'ulanem, xane' e je jas ri tako'nib ri e c'o chila' chicaj.

Ri Lucax 20:37

Xukuje' ri Moises, aretak c'o chuwäch ri q'uix ri cänicowic, xuk'alajisaj chi ri cäminakib quec'astaj na, xubij chi ri Ajawaxel are u Dios ri Abraham, u Dios ri Isaac xukuje' u Dios ri Jacob.

Ri Xuan 20:17

Ri Jesus xubij che: “Minachapo, c'ä maja' c'u quinpaki' ruc' ri Tataxel. Jät cuc' ri wachalal, chabij chque: ‘Quinpaki' ruc' ri nu Tat, xukuje' i Tat, ruc' ri nu Dios, xukuje' i Dios.’ ”

Romanos 11:2

Ri Dios man xebuxutuj taj ri aj israelib ri e aj u tinimit, ri ojer u ch'obom ulok qui wäch. ¿La ma ta iweta'm jas cubij ri Tz'ibatalic chrij ri Eliy?: xch'aw ruc' Dios chrij ri Israel, xubij: