Marcos 11:18 - Quiché Bible

¹⁸ Xquita' ri e qui nimakil ri e cojol tabal tok'ob xukuje' ri ajtijab re ri pixab. Cäquitzucuj c'ut jas ri cäquiban che u cämisaxic ri Jesus. Cäquixe'j c'u quib chuwäch, rumal rech chi q'uialaj winak cäquimay ri u tijonic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Are xkita ri e kꞌamal taq kibꞌe ri e chꞌawenelabꞌ cho ri Dios pa kiwiꞌ ri winaq xuqujeꞌ ri aꞌjtijabꞌ rech ri taqanik, xkitzukuj jas jeꞌ kakibꞌan chukamisaxik, rumal kakixiꞌj kibꞌ choch jeriꞌ rumal ri winaq kemayijanik che ronojel ri ukꞌutuꞌn.

K'iche'

¹⁸ Xquita c'u wa' ri qui nimakil sacerdotes xukuje' ri tijonelab re ri Pixab. Xa je ri' xquitzucuj jas cäca'n chucämisaxic. Je' xca'n wa' rumal chi xquixej quib cho ri Jesús, rumal chi conojel ri winak cäquicajmaj ru tijonic ri Are'.

K'iche' (New Orthography)

¹⁸ Xkita k'u wa' ri ki nimaqil sacerdotes xuquje' ri tijonelab' re ri Pixab'. Xa je ri' xkitzukuj jas käka'n chukämisaxik. Je' xka'n wa' rumal chi xkixej kib' cho ri Jesús, rumal chi konojel ri winaq käkikajmaj ru tijonik ri Are'.

Marcos 11:18 ပူးပေါင်းရင်းမြစ်များ

Nabe Ajawinelab 21:20

Ri Acab xubij che ri Eliy: “¿La je ba' ri', at ri at nu c'ulel in a rikom?” “Je, xatinriko” xcha' ri Eliy. “Rech man quebatakej ta chic qui banic niq'uiaj itzel tak jastak chuwäch ri Ajawaxel.

Nabe Ajawinelab 22:18

Ri ajawinel re Israel xubij che ri Josapat: “¿La ma ta nu bim chawe chi we achi ri' mawi jumul cubij ta utzalaj tak jastak chwe, xane' xuwi c'axalaj tak jastak?”

Nabe Ajawinelab 22:8

Ri rajawinel ri Israel xutzelej u bixic che ri Josapat: “C'o chi na jun, ri cuya' cakata' che jas cubij ri Ajawaxel. Are' ri Micaiy (ri u tat ri Micaiy are' ri Imla). Quinwetzelaj c'u u wäch, rumal rech chi mawi jumul cuya' ta qui bixic utzalaj tak jastak chwe, xane' xak xuwi jastak ri man e utz taj.” Xubij c'ut ri Josapat che: “mabij we tzij ri'.”

Ri Isaiy 49:7

Ri Ajawaxel, ri toronel, ri Tastalicalaj u Dios ri Israel, cubij che ri tinimit ri sibalaj etzelam u wäch, ri quetzelax u wäch cumal ri niq'uiaj tinimit chic, ri uxinak qui lok'om pataninel ri itzel tak winak: “Aretak catquil ri ajawinelab xukuje' tak ri e qui c'ojol, quewalij na cäquimej na quib chawäch, rumal rech chi in, ri Ajawaxel, ri Tastalicalaj u Dios ri Israel, xatincha'o, quebentz'akatisaj c'u na ri e nu chi'm.”

Ri Matey 21:15

Ri e qui nimakil ri e cojol tabal tok'ob xukuje' ri ajtijab re ri pixab xquilo chi ri Jesus xuban tak ri mayibal. Xquito chi ri ac'alab cäquirak qui chi' pa ri rachoch Dios, cäquibij: “¡Nim u k'ij ri Rija'l ri David!” Xpe c'u coyowal,

Ri Matey 7:28

Aretak ri Jesus xuq'uis u bixic we tzij ri', conojel ri winak e mayinak che ri u tijonic.

Marcos 1:22

Ri winak xquimay ri u tijonic, rumal rech chi quebutijoj ruc' takanic. Man junam ta ruc' ri cäquiban ri ajtijab re ri pixab.

Marcos 11:32

We cäkabij chi ‘quech winak’, elinak c'u chi sak chquiwäch conojel ri winak chi ri Xuan are jun k'axal tzij. Cäquixe'j c'u quib chquiwäch ri winak.”

Marcos 12:12

Are ta c'u xcaj xquiyut ta bic ri Jesus, xquich'ob c'ut chi xucoj we c'ambal no'j ri' che qui c'ulelaxic. Rumal c'u rech chi caquixe'j quib chquiwäch ri winak, xquiya' canok xebec.

Marcos 3:6

Chanim xebel bic ri pariseyib, xquichomaj cuc' ri aj herodianib jas cäquiban che u cämisaxic ri Jesus.

Marcos 6:20

Ri Herod nim c'u xril wi ri Xuan. Reta'm chi are' suc', xukuje' achi tastalic. Xuchajij pa che' rech man cäpe ta c'ax chrij. Aretak c'u cutatabej ri u tzij ri Xuan, man curik taj jas cubano. Pune' ta ne jeri', sibalaj cäkaj chuwäch ri Herod cutatabej ri cubij.

Ri Lucax 19:47

Ronojel k'ij quebutijoj ri winak pa ri rachoch Dios. Are c'u ri e qui nimakil ri e cojol tak tabal tok'ob cuc' ri ajtijab re ri pixab xukuje' ri qui nimakil ri winak cäquitzucuj u cämisaxic.

Ri Lucax 2:47

Conojel ri xquita' ri u tzij xquimayo, rumal rech chi nim ri u no'j ri ala, reta'm jas cubij chque ri ajtijab aretak cäquic'ot u chi'.

Ri Lucax 20:19

Ri ajtijab re ri pixab xukuje' ri e qui nimakil ri e cojol tabal tok'ob xquitzucuj u chapic ri Jesus pa ri jok'otaj ri'. Xquixe'j c'u quib chquiwäch ri winak. Queta'm c'ut chi ri Jesus xubij we c'ambal no'j ri' chquij ri e are'.

Ri Lucax 4:22

Conojel ri winak xquiya' utzalaj k'alajisanic chrij ri Jesus. Xquimay c'u ri tzij re tok'ob ri xubij ri Jesus, xquiban c'otojchi'aj: “¿La ma ta are wa' ri u c'ojol ri Jose?”

Ri Xuan 7:1

E oc'owinak chi c'u we jastak ri', cäbinicat ri Jesus pa Galiley. Man cäraj taj cäbinicat pa Judey, rumal rech chi ri aj judeyib cäquitzucuj u cämisaxic.

Ri Xuan 7:19

¿La ma ta xuya' ri Moises ri pixab chiwe? Man c'o ta c'u jun chiwe cunimaj ri pixab. ¿Jas che quitzucuj nu cämisaxic?”

Ri Xuan 7:46

Ri e chajinelab xquitzelej u bixic chque: “Mawi jumul c'o jun winak tzijoninak jas ri cätzijon we achi ri'.”

Hechos 24:25

Aretak c'u ri Pawl xutzijoj ri jun suc'alaj c'aslemal che, ri k'iloj ib xukuje' ri k'atan tzij ri cäpe na. Ri Pelics xuxe'j rib, xubij che: “Xak je na la', cuya' catbec. Aretak c'ut cäbantaj wumal, quintakan chi na che a siq'uixic.”