Marcos 10:38 - Quiché Bible

³⁸ Xubij ri Jesus chque: “Man iweta'm taj jas ri quitz'onoj. ¿La quixcuinic quitij iwech ri c'o chupam ri uq'uiabal ri quintij na in? ¿La quix cuinic quixoc'ow chupam ri quinc'ulmaj na?”

RI KꞌAKꞌ TESTAMENTO PA TZIJOBꞌAL KꞌICHEꞌ

³⁸ Ri Jesús xubꞌij: Man iwetaꞌm taj ri kitoqꞌij ¿La kiqꞌiꞌ ix ri kꞌax ri kinriq na in? ¿La kiqꞌiꞌ ix ri kamikal ri kinriq na in?

K'iche'

³⁸ Xubij c'u ri Jesús chque: ¡Man quich'ob taj jas u wäch tok'ob ri quita' chwe! —cächa chque. ¿A quixcowinic quich'ij na ri c'äx ri quinrik na in, quitij c'u na iwe ri c'o pa ri vaso ri quintij na we in? ¿A quixcowinic cäban i kasna' ix jas ri kasna' ri cäban na chwe in? —xcha chque.

K'iche' (New Orthography)

³⁸ Xub'ij k'u ri Jesús chke: ¡Man kich'ob' taj jas u wäch toq'ob' ri kita' chwe! —kächa chke. ¿A kixkowinik kich'ij na ri k'äx ri kinriq na in, kitij k'u na iwe ri k'o pa ri vaso ri kintij na we in? ¿A kixkowinik käb'an i qasna' ix jas ri qasna' ri käb'an na chwe in? —xcha chke.

Marcos 10:38 ပူးပေါင်းရင်းမြစ်များ

Nabe Ajawinelab 2:22

“¿Jasche cätz'onoj la ri Abisag ri aj sunem che ri Adoniy?” xcha' ri ajawinel che ri u nan. ¡Xuwi chic cäraj chi cätz'onoj la chwe chi quinjach ri ajawibal pa u k'ab, rumal rech chi are' wachalal ri nabeal, xukuje' chi are' jun ri cojol tabal tok'ob Abiatar ruc', xukuje' ri Joab ri ral ri Sarb!

Salmib 75:8

Ri Ajawaxel c'o ri u q'uiakbal ri royowal pa u k'ab nojinak che u wa'l uva ri yujtalic xukuje' k'obisam, aretak cutix we u wa'l uva ri' conojel ri banal tak etzelal ri e c'o cho ri uwächulew cäcuq'uiaj na ri q'uisbal jutz'ut.

Ri Isaiy 51:22

ri Ajawaxel ri a Dios, ri cuto' u wi' ri u tinimit, cubij: “Quinwesaj ri kumubal pa a k'ab ri a k'abarisabem awib man cakumuj ta chi na ri c'o pa ri kumubal re ri woyowal.

Ri Jeremiy 25:15

Ri Ajawaxel, ri u Dios ri Israel, xubij chwe: “Chawila' we lak ri' nojisam che ri u wa'l uva re ri woyowal. Chac'ama' chaya' chque conojel ri nimak tak tinimit ri xatintak wi bic rech cäcuq'uiaj.

Ri Jeremiy 45:5

¿La are cawaj catz'onoj jun jasach chawe ri jalanic? Matz'onoj c'ut, rumal rech chi quebentaka' c'u na ulok tak c'axc'olil paquiwi' conojel ri winak. Quinya' c'u na chawe chi man c'o ta cataklebej na apawije' ta ne ri catbe wi. In, ri Ajawaxel quinjiquiba' u bixixic.’”

Ri Matey 26:39

Ri Jesus xnabej apan jubik', xxuquic, xukasaj ri u palaj cho ri ulew. Xuban ch'awem ruc' Dios, xubij: “Nu Tat, we cuya'o, xak choc'ow we uq'uiabal re c'axc'olil ri' chwe. Man are ta c'ut jas ri quinwaj, xane' are jas ri caj la.”

Ri Matey 3:6

Xquik'alajisaj ri qui mac, xban ri qui bautism rumal ri Xuan pa ri nima' Jordan.

Marcos 14:36

Xubij: “Nu Tat, ri lal cäcuin la che u banic ronojel. Chesaj la we kumubal re c'axc'olil ri' chnuwäch. Bana' ba la jas ri caj la, man are ta ri quinwaj in.”

Ri Lucax 12:50

Quinoc'ow na chupam jun xibibalalaj c'ämbejebal, ¡cätajin c'u quinc'axc'obic c'ä cäbantaj na ronojel!

Ri Lucax 22:42

xubij: “Tat, we are' ri rayibal la, najtajisaj la we kumubal ri' chwe; are c'u mabanataj ri nu rayibal xane' are' ri rayibal la.”

Ri Xuan 18:11

Xubij ri Jesus che ri Lu': “Chanima' ri a ch'ich' chupam ri rij. Ri kumubal re c'axc'olil ri u yo'm ri Tataxel chwe, ¿la ma ta quinkumuj na?”

Romanos 8:26

Jewa' xukuje' ri Uxlabaxel cuya' ka chuk'ab pa ri ka tukaril. Man keta'm ta c'ut cäkaban ch'awem ruc' Dios jas ri kas rajawaxic u banic. Kas are c'u ri Uxlabaxel cubochi'j ri Dios ruc' ch'ikowem pakawi', ri man cujcuin ta che u bixic.

Santiago 4:3

Quita' ri quiwaj, man quic'am ta c'ut, rumal rech chi man utz ta ri quito. Xak quita' jastak che u sachic pa tak i quicotemal.