Marcos 10:23 - Quiché Bible

²³ Xca'y ri Jesus pa tak u xcut, xubij chque ri u tijoxelab: “¡Ruc' sibalaj c'ax queboc ri k'inomab pa ri rajawibal ri Dios!”

RI KꞌAKꞌ TESTAMENTO PA TZIJOBꞌAL KꞌICHEꞌ

²³ Xkaꞌyilobꞌ ri Jesús, kꞌa te riꞌ xubꞌij chike ri utijoxelabꞌ sibꞌalaj kꞌax kakiriq ri qꞌinomabꞌ koꞌk pa ri ajawarem rech ri Dios.

K'iche'

²³ Xca'y ri Jesús pa tak u xcut, xubij chque ru tijoxelab: ¡Sibalaj c'äx cäquitij ri k'inomab queopan ruc' ri Dios rech cätakan pa qui wi'! —xcha chque.

K'iche' (New Orthography)

²³ Xka'y ri Jesús pa taq u xkut, xub'ij chke ru tijoxelab': ¡Sib'alaj k'äx käkitij ri q'inomab' keopan ruk' ri Dios rech kätaqan pa ki wi'! —xcha chke.

Marcos 10:23 ပူးပေါင်းရင်းမြစ်များ

Ri Job 31:24

Mawi jubik' chrij ta ri k'an puak xinjiquiba' ta wi nu c'u'x o xincu'ba' ta wi nu c'u'x chi co in c'olic.

Ri Matey 18:3

Xubij: “Kastzij quinbij chiwe: We man quiq'uex i c'u'x, we man quixux je jas ri ac'alab, man quixoc ta pa ri rajawibal ri Dios.

Marcos 10:15

Kastzij quinbij chiwe, chi apachin ri man cuc'am ta ri rajawibal ri Dios jacha' ri jun ac'al ch'utin, man coc ta na chupam.”

Marcos 10:22

Xq'uextaj ri u palaj ri achi rumal we tzij ri'. Cäbisonic xbec. Rumal rech chi e q'ui ri jastak rech e c'olic.

Marcos 3:5

Xpe royowal ri Jesus chque, xebuca'yej ri winak ri e c'o pa tak u xcut. Xk'oxow ri ranima', rumal rech chi sibalaj co ri canima'. Xubij che ri achi: “Chayuku' ri a k'ab.” Ri achi xuyuku, ri u k'ab c'ut xcunatajic.

Marcos 5:32

Ri Jesus c'ut xca'y chque conojel che rilic jachin ri xbanow wa'.

Ri Lucax 18:24

Ri Jesus, aretak xrilo chi sibalaj xbisonic, xubij: “¡Ruc' sibalaj c'ax queboc ri k'inomab pa ri rajawibal ri Dios!

Ri Xuan 3:5

Ri Jesus xubij che: “Kastzij, kastzij quinbij chawe, apachin ri man calax ta rumal ri ja' xukuje' rumal ri Uxlabaxel, man cäcuin taj coc pa ri rajawibal ri Dios.

1 Corintios 1:26

Chiwila' ba', wachalal, chi ri Dios xixusiq'uij, pune' man ix q'ui taj ri c'o i no'j chquiwäch ri winak. Man ix q'ui taj ri c'o i takanic. Man ix q'ui taj ri nimak qui banic ri i nan i tat.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.

Santiago 4:4

¡Ix ri man ix jic taj chrij ri Dios! ¿La ma ta iweta'm chi jun ri carachilaj ri uwächulew, are ri' u c'ulel ri Dios? Jachin c'u ri cäraj cärachilaj rib ruc' ri uwächulew, cucoj rib che u c'ulel ri Dios.

2 Pedro 1:11

Jeri' cäya' na nimalaj oquibal chiwe pa ri junalic rajawibal ri Kajaw, ka Colonel Jesucrist.