Marcos 10:21 - Quiché Bible

²¹ Ri Jesus xuca'yej, xulok'ok'ej, xubij che: “C'o jun jasach ri c'ä cäraj na chawe: jät, chac'ayij ronojel ri jastak awe, chaya' ri rajil chque ri mebayib. Jeri' cäc'oji' na a k'inomal chicaj. Tasaj c'ut, chinaterenej.”

RI KꞌAKꞌ TESTAMENTO PA TZIJOBꞌAL KꞌICHEꞌ

²¹ Ri Jesús ko xukaꞌyej ri achi, kꞌa te riꞌ rukꞌ loqꞌanik xubꞌij che: Xa jun jastaq chik kajawatajik kabꞌano: jaꞌkꞌayij ronojel ri kꞌo awukꞌ, kꞌa te riꞌ chasipaj ri pwaq chike ri e mebꞌaibꞌ rech kayaꞌtaj aqꞌinomal chilaꞌ chikaj, kꞌa te riꞌ chatan loq chinatereneꞌj xuqujeꞌ chawetaꞌmaj awe ri kinbꞌano.

K'iche'

²¹ Ri Jesús co xca'y che ri achi, sibalaj lok' xril wi, xubij che: C'o jun jasach chic ri c'ä mäja' cabano. Cheaq'uiyij conojel ri jastak awe, chaya ri rajil chque ri meba'ib. Cäc'oji c'u na ra k'inomal chila' chicaj. Jo', tasa'j wuc', chatelej c'u ra cruz, —xcha che. (Quel cubij wa' chi man nim tä chic cäril wi ru c'aslemal, pune ta ne curik ri cämical rumal rech ri Jesús.)

K'iche' (New Orthography)

²¹ Ri Jesús ko xka'y che ri achi, sib'alaj loq' xril wi, xub'ij che: K'o jun jasach chik ri k'ä mäja' kab'ano. Cheak'iyij konojel ri jastaq awe, chaya ri rajil chke ri meb'a'ib'. Käk'oji k'u na ra q'inomal chila' chikaj. Jo', tasa'j wuk', chatelej k'u ra cruz, —xcha che. (Kel kub'ij wa' chi man nim tä chik käril wi ru k'aslemal, pune ta ne kuriq ri kämikal rumal rech ri Jesús.)

Marcos 10:21 ပူးပေါင်းရင်းမြစ်များ

Chapletajic 34:19

Man xubey ta rib ri ala, xukopij ri u wi' ri u tz'umal ri achi wi, sibalaj c'u benak ranima' ruc' ri u mia'l ri Jacob. Ri Siquem are c'u nim u k'ij chquixo'l conojel ri e c'o pa rachoch ri u tat.

E C'ambal tak Tzij 23:23

Chalok'o' ri kastzij, ri no'j, ri tijonic xukuje' ri ch'obonic, ¡mebac'ayij c'ut!

Ri Matey 16:24

Xubij c'u ri Jesus chque ri u tijoxelab: “We c'o jun cäraj cäpe wuc' in, rajawaxic chi are' muban ri u rayibal, xane' rajawaxic chi cutelej ulok ri u ripibal, chinuterenej c'ut.

Ri Matey 19:21

Xubij ri Jesus che: “We cawaj catux tz'akat, jät, chac'ayij ri jastak awe, chajacha' chque ri mebayib rech cäc'oji' na a k'inomal pa ri caj. Tasaj c'ut, chinaterenej.”

Marcos 10:22

Xq'uextaj ri u palaj ri achi rumal we tzij ri'. Cäbisonic xbec. Rumal rech chi e q'ui ri jastak rech e c'olic.

Marcos 8:34

Ri Jesus xebusiq'uij ri q'uialaj winak xukuje' ri u tijoxelab, xubij chque: “We c'o jun cäraj cäpe wuc' in, muban ri u rayibal ri are'. Rajawaxic chi cutelej ulok ri u ripibal, quinuterenej.

Ri Lucax 10:42

Xa' c'u jun jasach ri rajawaxic, are ri Mariy u cha'om ri utz na, ri man quesax ta che.”

Ri Lucax 12:33

Chic'ayij ri jastak iwe, chisipaj ri rajil chque ri mebayib. Chibana' u c'olbal i puak ri man quek'elob taj. Chimulij i k'inomal chila' chicaj ri man q'uisel taj. Man quebopan ta eläk'om chila', mawi cächicopir ri jastak.

Ri Lucax 16:9

Quinbij c'u chiwe: Chicojo' ri k'inomal aj uwächulew che u banic utzil rech e c'o na iwachil. Jeri' aretak cäq'uistaj na ri k'inomal aj uwächulew, c'o jachin quixc'ulan na pa tak ri junalic jekelibal.

Ri Lucax 18:22

Ri Jesus, aretak xuta' wa', xubij che: “C'o jun jasach ri c'ä cäraj na chawe: Chac'ayij ronojel ri c'o awuc', chajacha' ri rajil chquiwäch ri mebayib. Cäc'oji' c'u na a k'inomal chila' chicaj. Tasaj c'ut, chinaterenej.”

Ri Lucax 19:41

Aretak xenakajin che ri Jerusalen, ri Jesus xril ri tinimit, xrok'ej u wäch.

Ri Lucax 9:23

Xubij chque conojel: “We c'o jun cäraj cäpe wuc', muban chi ri u rayibal. Rajawaxic chi cutelej ulok ri u ripibal ronojel k'ij, chinuterenej.

Ri Xuan 12:26

We c'o jachin quinupatanij, chinuterenej. Jawije' ri quinc'oji' wi, chila' xukuje' cäc'oji' wi na ri pataninel wech. We c'o jachin quinupatanij, nim quil wi na rumal ri nu Tat.”

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Hechos 2:45

Quequic'ayila' tak ri culew xukuje' ri c'o cuc' caquijach c'u ri rajil chquiwäch jas ri u cholajil ri rajawaxic chque chquijujunal.

2 Corintios 12:15

Ri in ruc' ronojel ri nu rayibal quinsach na ronojel ri c'o wuc', xukuje' c'u ne ri in quinjarisaj na wib che u banic ri utzil chiwe; quinwil c'ut chi aretak sibalaj ix nu lok', xa' man sibalaj utz ta quiniwilo.

2 Timoteo 3:12

Kas tzij ba' chi conojel ri winak ri kas cäcaj cäcan ri u rayinic ri Crist Jesus, cäban na c'ax chque ri e are' xukuje'.

Hebreos 10:34

Xel c'u i c'u'x chque ri xec'oji' pa che'. Aretak xec'am bic ri jastak iwe, man xebicha' taj, xane' xc'oji' i quicotemal. Xich'obo chi c'o jun iwechbal chicaj ri utz na, ri man cäq'uis taj.

Santiago 2:10

Apachin ta' ne ri cunimaj ronojel ri pixab, cämacun c'u ne chrij xa' jun u tz'akatil, c'o u mac chquij conojel ri pixab.

Apocalipsis 2:14

C'o c'u quieb oxib jastak quinna' chawij, rumal rech chi e c'o jujun chixo'l ri cäquiterenej ri u tijonic ri Balaam ri xuya' u no'j ri Balac che u banic macunic chquiwäch ri israelib, rech cäquitij ri jastak ri e yo'm chquiwäch tak ri diosib, xukuje' ri cuc'axic quib cuc' achijab ixokib che qui banic macunic.

Apocalipsis 2:20

Quinna' c'u wa' chawij: a yo'm c'u che ri ixok Jezabel, ri cubij rib chi k'axal tzij, chi quebutijoj ri nu pataninelab xukuje' chi quebusub che u banic macunic cuc' ixokib, xukuje' che u tijic jastak ri e cojom chquiwäch tak diosib.

Apocalipsis 2:4

C'o c'u jas quinna' chawij, chi a yo'm can ri lok'ok'ebal c'u'x ri c'o awuc' nabe.