Marcos 10:14 - Quiché Bible

¹⁴ Aretak xril ri Jesus, xyojtajic, xubij chque: “Chiya' chque ri ac'alab chi quepe wuc', mebik'atij. Ri rajawibal ri Dios quech ri e je tak wa'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Are xril ri Jesús ri xkꞌulmatajik, xyojtajik xubꞌij chike ri utijoxelabꞌ: Man kiꞌqꞌatej ta ri akꞌalabꞌ kepe wukꞌ, chiya bꞌe chike, rumal aꞌreꞌ kechꞌabꞌen na ri ajawarem rech ri Dios ri kakubꞌiꞌ kikꞌuꞌx chirij ri Dios jetaq ri kakibꞌan ri akꞌalabꞌ kakubꞌiꞌ kikꞌuꞌx chirij ri kitat kinan.

K'iche'

¹⁴ Aretak xril ri Jesús chi queyajon ri tijoxelab, xpe royowal, xubij chque: Chiya chque ri ac'alab chi quepe wuc', meik'atej rumal chi ru takanic ri Dios pa qui wi' ri winak are quech ri e je' tak wa', —cächa'.

K'iche' (New Orthography)

¹⁴ Aretaq xril ri Jesús chi keyajon ri tijoxelab', xpe royowal, xub'ij chke: Chiya chke ri ak'alab' chi kepe wuk', meiq'atej rumal chi ru taqanik ri Dios pa ki wi' ri winaq are kech ri e je' taq wa', —kächa'.

Marcos 10:14 ပူးပေါင်းရင်းမြစ်များ

Chapletajic 17:7

Ri c'ulwächinic ri quinban awuc', ri xukuje' quinban cuc' conojel ri e awija'lil ri quepe na, chi ri in quinux na a Dios amak'el xukuje' qui Dios ri e are'.

Salmib 78:4

man cäkac'u' ta chquiwäch ri kalc'ual. Quekachilaj na ri ija'lil ri quepe na cakak'ijilaj na ri Ajawaxel cakatzijoj na ri u cuinem xukuje' tak ri u mayibalil.

Ri Isaiy 65:23

Man xak ta lok' quechacun na mawi quec'oji' ta calc'ual ri quecämic c'ä maja' cätz'akat qui k'ij. Rumal rech chi e u k'ab tak cachalaxic ri e u tewichi'm ri Ajawaxel, xak c'u junam xukuje' ri e u k'ab tak cachalaxic.

Ajilanic 14:31

E are' tak c'ut ri e iwalc'ual, ri xebibij chi quekaj na pa qui k'ab ri e i c'ulel, quebenc'am na u bic pa ri ulew ri iwetzelam u wäch, e are' c'u querikow na ri utzil ri c'o chupam.

Ri Matey 18:10

“Chiwila' c'o jun chque we ch'utik ri' miwetzelaj u wäch. Quinbij c'u chiwe, chi e c'o ri q'ui tako'nib pa ri caj ri amak'el cäquil u wäch ri nu Tat ri c'o pa ri caj.

Ri Matey 18:4

Ri nim na u k'ij chupam ri rajawibal ri Dios, are ri cumach'irisaj rib cux c'u junam ruc' we ac'al ri'.

Ri Matey 19:14

Ri Jesus xubij c'u chque: “Chiya' chi quepe ri ac'alab wuc', mebik'atij, quech c'ut ri rajawibal ri Dios ri e je tak wa'.”

Ri Matey 5:10

Utz que ri caquicoch' ri c'axc'olil ri caban amak'el chque rumal u banic ri u takanic ri Dios, ya'tal c'ut ri rajawibal ri Dios chque.

Ri Matey 5:3

“Utz que ri cäquich'obo chi cajwataj ri Dios chque, caquechbej c'ut ri rajawibal ri Dios.

Marcos 3:5

Xpe royowal ri Jesus chque, xebuca'yej ri winak ri e c'o pa tak u xcut. Xk'oxow ri ranima', rumal rech chi sibalaj co ri canima'. Xubij che ri achi: “Chayuku' ri a k'ab.” Ri achi xuyuku, ri u k'ab c'ut xcunatajic.

Marcos 8:33

Ri Jesus xutzolk'omij rib, xca'y chque ri u tijoxelab, xuyaj ri Lu', xubij: “Chatel chnuwäch, Satanas. Man cach'ob ta ri u chomanic ri Dios, xane' xuwi ri qui chomanic ri winak.”

Ri Xuan 3:3

Ri Jesus xubij che: “Kastzij, kastzij quinbij chawe, apachin ri man calax ta chi na jumul, man cäcuin ta che rilic ri rajawibal ri Dios.”

Ri Xuan 3:5

Ri Jesus xubij che: “Kastzij, kastzij quinbij chawe, apachin ri man calax ta rumal ri ja' xukuje' rumal ri Uxlabaxel, man cäcuin taj coc pa ri rajawibal ri Dios.

Hechos 2:39

We chi'nic ri' chech alak xchi'x wi xukuje' chque ri e alc'ual alak, xukuje' chque conojel ri e c'o naj ri u bixic, chque conojel jachin tak ri quebusiq'uij ri Ajawaxel ri ka Dios.”

Hechos 3:25

Alak ri' ri quechben alak ri chi'nic ri xebujekeba' ri Dios cumal ri e k'axal tak ri e u tzij, xukuje' ix echbenelab rech ri c'ulwächinic ri u banom ri Dios cuc' ri e mam alak, xubij c'u ri Dios che ri Abraham: ‘Conojel ri winak ri e c'o cho ri uwächulew quetewechitaj na cumal quech ri e awija'lil.’

Romanos 11:16

We tastal che ri Dios ri nabe wa ri quel che ri k'or, jeri' conojel ri wa e tastalic. We ri u xe' ri che' tastalic, jeri' conojel ri e u k'ab e tastalic.

Romanos 11:28

Rumal c'u rech ri utzalaj c'ac' tzij ri aj judeyib xquic'ulelaj ri Dios rech caya' k'ijol chiwe ix; c'aquelok'ok'ex c'u ne rumal ri Dios, man e sachinak ta c'u ne ri e i mam pa u jolom.

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

1 Corintios 7:14

Ri achajilaxel ri man cojonel taj, cux tastalic winak rumal ri rixokil. Ri ixokilaxel ri man cojonel taj, cux tastalic winak rumal ri rachajil. We ta ma ta jeri', e tz'il ta ri' ri iwalc'ual. Man e tz'il ta c'ut, xane' e tastalic.

Efesios 4:26

We cäpe iwoyowal, chiwila' mixmacunic. Mabeytaj jun k'ij ri iwoyowal.

U Camulixic ri Pixab 4:37

Ri are' xebulok'ok'ej ri e i mam, xebucha' c'ut ri e quija'lil, xeresaj c'ut pa u k'ab ri Ejipt rumal ri nimalaj u cuinem.

2 Timoteo 1:5

Cänataj chwe chi kastzij c'o a cojonic, man xa' ta quieb u wäch. Ri cojonic ri' nabe xc'oji' ruc' ri awati't Loid, xukuje' ruc' ri a nan Eunis. Elinak chi sak chnuwäch chi xukuje' c'o awuc'.

2 Timoteo 3:15

Aweta'm c'ut chi aretak at ch'utin na xawetamaj ri tastalic tak Tz'ibatalic, ri cäcuin chuyic a no'j chrij ri a colic rumal ri cojonic che ri Crist Jesus.

Ri Josue 8:35

Man c'o ta xa ta ne jun tzij che ronojel ri takaninak wi ri Moises, ri ma ta xuya' u siq'uixic ri Josue chquiwäch conojel ri aj israelib, chi ixokib chi ac'alab, xukuje' ne ri man e qui winakil taj ri e jekel chquixo'l.

1 Pedro 2:2

Jas jun alaj ne' sibalaj cäraj u tu', je xukuje' ri ix sibalaj chitzucuj ri utz che ri iwanima', je ta ne leche ri man c'o ta jas yujam ruc'. Chibana' wa' rech quixq'uiy pa ri i colotajic,

Apocalipsis 14:5

Man xriktaj ta c'u jun banoj tzij pa qui chi', e ch'ajch'oj.

Nabe Samuel 1:11

xuban c'u we chi'nic ri' che: “Ajawaxel ri c'o ronojel u cuinem: we ta quel c'u'x la che ri c'axc'olil ri c'o wi we pataninel ech la ri', quinnataj ta c'u che la, cäya' ta c'u la jun wal ala, in quinjach na che patanixic la, che c'u ri retal we tastajic ri' man cäsocax ta ri u wi' conojel ri k'ij ri cac'asi'c.”

Nabe Samuel 1:22

man xbe ta c'u ri Na'. Xubij c'u che ri rachajil: “Man quinbe ta na c'ä quel na ri ne' puwi' ri tu', c'äte ri' quinc'am bic che u jachic pu k'ab ri Ajawaxel xa c'u jumul chcanaj can chila'.”